மகிழ்ச்சியான நாடுகள்; இந்தியாவுக்கு 111வது இடம்: இலங்கை 137 வது இடம்!!

Thursday, September 12, 2013
சென்னை::உலகின் மகிழ்ச்சியான நாடுகளின் பட்டியலில் டென்மார்க் முதலிடத்தை பெற்றுள்ளது. இந்தியாவைக் காட்டிலும் மகிழ்ச்சிக்குரிய நாடுகளாக பாகிஸ்தானும், வங்கதேசமும் கூறப்பட்டுள்ளன.மக்கள் மகிழ்ச்சியாக வாழும் நாடுகள் பட்டியலில் இலங்கைக்கு 137வது இடம் கிடைக்கப்பெற்றுள்ளது

ஐக்கிய நாடுகள் அவை வெளியிட்டுள்ள உலக மகிழ்ச்சி குறித்த அறிக்கையில் தான் இத்தகவல்கள் இடம் பெற்றுள்ளன.

இப்பட்டியலில் டென்மார்க் முழு மதிப்பெண் பெற்று முதலிடத்தில் உள்ளது. தொடர்ந்து இப்பட்டியலில் நார்வே, சுவிட்சர்லாந்து, நெதர்லாந்து, ஸ்வீடன், கனடா, ஃபின்லாந்து, ஆஸ்திரியா, ஐஸ்லாந்து, ஆஸ்திரேலியா ஆகிய நாடுகள் உள்ளன.

 

கடந்த முறை 23 ஆவது இடத்தில் இருந்த அமெரிக்கா இம்முறை 17 ஆம் இடத்துக்கு முன்னேறியுள்ளது. துபாய் (ஐ. அ. ஏ) 14 ஆவது இடத்திலும், கத்தர் 27 ஆவது இடத்திலும், சவூதி அரேபிய 33 ஆவது இடத்திலும் உள்ளன.

பிரிட்டனுக்கு 22ம் இடமும், ஜெர்மனிக்கு 26ஆம் இடமும், ஃபிரான்ஸ் 25 ஆம் இடமும் இப்பட்டியலில் கிடைத்துள்ளன.

பாகிஸ்தானுக்கு 81 ஆவது இடமும், வங்கதேசத்துக்கு 108 ஆவது இடமும் கிடைத்துள்ள நிலையில் இந்தியாவுக்கு 111ஆவது இடமே கிடைத்துள்ளது.