ஆளும் கட்­சிக்குள் விருப்பு வாக்கு தொடர்­பான பிரச்­சி­னை­களும் மோதல்­களும் தெற்கில் உள்­ள­னவே தவிர, வடக்கில் அவ்­வாறு எந்தப் பிரச்­சி­னையும் கிடை­யாது: சுசில் பிரேம ஜயந்த!

Thursday, August 22, 2013
இலங்கை::ஆளும் கட்­சிக்குள் விருப்பு வாக்கு தொடர்­பான பிரச்­சி­னை­களும் மோதல்­களும் தெற்கில் உள்­ள­னவே தவிர, வடக்கில் அவ்­வாறு எந்தப் பிரச்­சி­னையும் கிடை­யாது. எப்­ப­டி­யி­ருப்­பினும் செப்­டெம்பர் மாதம், 21 ஆம் திகதி நீதி­யா­னதும் சுதந்­தி­ர­மா­ன­து­மான தேர்­தலே இடம்­பெறும் என்று அர­சாங்கம் நேற்று பாரா­ளு­மன்­றத்தில் தெரி­வித்­தது.

 

பாரா­ளு­மன்­றத்தில் நேற்று புதன்­கி­ழமை அமர்­வின்­போது விருப்­பு­வாக்குப் பிரச்­சினை மற்றும் குடும்ப உற­வி­னர்கள் தேர்­தல்­களில் இணைத்­துக்­கொள்­ளப்­பட்­டதால் சுதந்­தி­ர­மான தேர்­தல்கள் இடம்­பெ­றுமா என்­பவை தொடர்பில் எதிர்க்­கட்­சியின் பிர­தம கொற­டா­வான ஜோன் அம­ர­துங்கவினால் நிலை­யியற் கட்­டளை 23 (2) இன் கீழ் எழுப்­பப்­பட்ட கேள்­வி­க­ளுக்கு பதி­ல­ளித்துப் பேசு­கை­யி­லேயே அமைச்சர் சுசில் பிரேம ஜயந்த மேற்­கண்­ட­வாறு தெரி­வித்தார்.

 

அமைச்சர் சுசில் அங்கு மேலும் கூறு­கையில்;-

 

அர­சி­யல்­வா­தி­களின் புதல்­வர்கள், உற­வி­னர்கள் தேர்­தல்­களில் போட்­டி­யி­டு­வதும் அதே நேரம் அர­சி­ய­லுக்குள் நுழை­வதும் இலங்­கையில் புதிய விடயம் அல்ல. வர­லாற்றில் அது இடம்­பெற்றே வரு­கின்­றது என்­ப­துடன் அண்டை நாடான இந்­தி­யா­விலும் அமெ­ரிக்க நாடு­க­ளிலும் இந்த நிலைமை காணப்­ப­டு­கின்­றது.

 

இவ்­வாறு சிரேஷ்ட அர­சி­யல்­வா­தி­களின் புதல்­வர்கள் மற்றும் உற­வி­னர்கள் தேர்­தல்­களில் போட்­டி­யி­டு­வதால் சுதந்­தி­ர­மா­னதும் நீதி­யா­ன­து­மான தேர்தல் இடம்­பெ­றுமா என்று கேள்வி எழுப்­பு­வது நியா­ய­மற்­ற­தாகும்.

 

மேலும், விருப்பு வாக்குப் பிரச்­சி­னையும் மோதலும் ஆளும் கட்­சிக்குள் இருக்­கின்­றன. எதிர்க்­கட்­சியில் அவ்­வா­றான விருப்பு வாக்குப் பிரச்­சினை இல்­லாத கார­ணத்­தா­லேயே ஆளும் கட்­சிக்குள் இருக்­கின்­றன.

 

எப்­படி இருந்த போதிலும் வடக்கைப் பொறுத்­த­வ­ரையில் இந்த விருப்பு வாக்குப் பிரச்­சி­னை­களோ அல்லது மோதல்களோ கிடையாது. எனவே, எதிர்வரும் செப்டெம்பர் மாதம், 21 ஆம் திகதி நடைபெறும் தேர்தல்கள் நீதியானதும் சுதந்திரமானதுமான தேர்தலாகவே இடம்பெறும் என்பதை இங்கு கூறிக்கொள்கின்றேன் என்றார்.