இந்திய விமானங்கள் ஊடுருவியதாக பாகிஸ்தான் புகார்!

Wednesday,June 12, 2013
லாகூர்::தங்கள் நாட்டு எல்லையில், இந்திய விமானப்படை விமானங்கள் ஊடுருவியதாக, பாகிஸ்தான் புகார் தெரிவித்துள்ளது.

 

பாகிஸ்தானின், பக்பட்டான் மாவட்டம், சுலிமான்கி என்ற பகுதியில், இந்திய விமானப் படையை சேர்ந்த, 2 விமானங்கள், ஒரு நிமிடம் பறந்ததாகவும், எல்லை பகுதியிலிருந்து, 7 கி.மீ., தூரம் இந்த விமானங்கள், பாகிஸ்தானுக்குள் ஊடுருவியதாகவும், அந்நாட்டின் விமானத்துறை அதிகாரிகள் தெரிவித்துள்ளனர்.

 

ஆனால், பாகிஸ்தான் விமானத்துறையின் இந்த குற்றச்சாட்டை, இந்திய விமானப்படை அதிகாரிகள் திட்டவட்டமாக மறுத்துள்ளனர்.