இலங்கை மீனவர்களை காப்பாற்றிய ஸ்பெய்ன் கடற்படை!

Friday, April, 20, 2012
சோமாலிய கடற்கொள்ளையர்களின் பிடியில் இருந்த ஆறு இலங்கை மீனவர்களை ஸ்பெய்னின் போர்க் கப்பலொன்று காப்பாற்றியுள்ளது.

நிமேஷாதுவ என்ற படகில் கடற்றொழிலுக்காக சென்றிருந்தபோது குறித்த மீனவர்கள் ஆறு மாதங்களுக்கு முன்னர் கடற்கொள்ளையர்களினால் கடத்தப்பட்டிருந்தனர்.

ஸ்பெய்ன் கடற்படைக்கு சொந்தமான இன்ஃபென்டா எலேனா எனும் கப்பலில் இருந்தவர்கள் டென்சானியாவுக்கு சுமார் 50 கடல் மைல் தூரத்தில் உள்ள கடல் பரப்பில் வைத்து இலங்கை மீனவர்களை காப்பாற்றியதாக தெரிவிக்கப்படுகிறது.

இலங்கை மீனவர்களை தடுத்து வைக்கப்பட்டிருந்த படகில் கடற்கொள்ளையர்கள் என சந்தேகிக்கப்படும் ஏழு பேரும் இருந்ததாக ஸ்பெய்ன் கடற்படை அறிவித்துள்ளது.

காப்பாற்றப்பட்ட இலங்கை மீனவர்களின் படகை பயன்படுத்தி சோமாலிய கடற்கொள்ளையர்கள் கப்பல்கள் மீது தாக்குதல் நடத்தியுள்ளதாகவும் ஸ்பெய்ன் கடற்படை தெரிவித்துள்ளது.