அமெரிக்க குடியுரிமை பெறுவதில்இரண்டாம் இடம் வகிக்கும் இந்தியர்கள்!!

Sunday, April 15, 2012
வாஷிங்டன்::அமெரிக்காவில் மெக்சிகோ நாட்டவருக்கு அடுத்தபடியாக, இந்தியர்கள் அதிக அளவில் குடியுரிமை பெற்றுள்ளனர்.இதுகுறித்து அமெரிக்க உள்நாட்டு பாதுகாப்புத்துறை அமைச்சகம் வெளியிட்டுள்ள அறிக்கையில் கூறியுள்ளதாவது:அமெரிக்காவில் கடந்த ஆண்டு, 6 லட்சத்து 94 ஆயிரத்து 193 பேருக்கு குடியுரிமை வழங்கப்பட்டது. இதில், 94,783 பேர் மெக்சிகோவை சேர்ந்தவர்கள். இவர்களுக்கு அடுத்த படியாக, இந்தியாவை சேர்ந்த, 45,985 பேருக்கு அமெரிக்க குடியுரிமை வழங்கப்பட்டுள்ளது.

குடியுரிமை பெற்றதில் இந்தியர்கள் இரண்டாவது இடத்தில் இருந்தாலும், கடந்த இரண்டு ஆண்டுகளை ஒப்பிடுகையில், இந்த எண்ணிக்கை குறைவு தான். கடந்த, 2010ல் 61,142 பேரும், 2009ல், 52,889 இந்தியர்களும் அமெரிக்க குடியுரிமை பெற்றுள்ளனர்.கடந்த, 70 ஆண்டுகளில் ஐரோப்பாவை சேர்ந்தவர்கள் அதிக குடியுரிமை பெற்று வந்தனர். தற்போது, ஆசியாவை சேர்ந்தவர்கள் தான் அதிக அளவில் அமெரிக்க குடியுரிமை பெறுகின்றனர்.இவ்வாறு பாதுகாப்புத்துறை அமைச்சகஅறிக்கையில் கூறப்பட்டுள்ளது.