Wednesday,February,29,2012வாஷிங்டன்::அமெரிக்காவின் பால்டிமோர் நகரில் இருந்து லாங்ஐலேண்ட் நகருக்கு சவுத்வெஸ்ட் ஏர்லைன்ஸ் விமானம் நேற்று முன்தினம் சென்று கொண்டிருந்தது. அப்போது, தனது அறையில் இருந்தபடி பைலட் ஒரு அறிவிப்பை வெளியிட்டார். ‘பாம் ஆன் போர்டு’ (விமானத்தில் பாம்) என்று காதில் விழுந்ததால் பயணிகள் மத்தியில் பரபரப்பு ஏற்பட்டது. விமானத்தில் வெடிகுண்டு இருப்பதாகவும் அது எந்நேரமும் வெடித்து சிதறும் என்று கூறி பயணிகள் பதற்றம் அடைந்தனர். விமான ஊழியர்கள் அதிர்ச்சி அடைந்து, பைலட் அறைக்கு ஓடினர். களேபரம் பற்றி அவரிடம் தெரிவித்தனர். விமான போக்குவரத்து கட்டுப்பாட்டு அலுவலரது அம்மா விமானத்தில் பயணிப்பதாகவும் அவருக்கு பிறந்த நாள் வாழ்த்து தெரிவிக்கும் வகையில் ‘ஹேப்பி பர்த்டே டு மாம் ஆன் போர்டு’ என்றுதான் சொன்னேன் என பைலட் விளக்கினார். அதன் பிறகே, பதற்றம் தணிந்தது
No comments:
Post a Comment