Sunday, February 26, 2012இலங்கை::கண்டி விளக்கமறியலில் சிறைச்சாலையில் சிறை வைக்கப்பட்டிருந்த புத்த பிக்கு ஒருவர் சிறைச்சாலைக்குள் தூக்கிட்டு தற்கொலை செய்து கொண்டுள்ளார்.
இந்த சம்பவம் நேற்று முன்தினம் (24) இரவு இடம்பெற்றுள்ள நிலையில் நேற்று (25) காலை வேளையிலேயே தெரியவந்துள்ளது.
73 வயதுடைய கங்சரபொல பேமானந்த தேரர் எனப்படும் புத்த பிக்குவே இவ்வாறு தற்கொலை செய்து கொண்டவராவார்.
500 கிராம் கஞ்சாவை வைத்திருந்த குற்றச்சாட்டில் 2012-02-19ம் திகதியன்று கைது செய்யப்பட்ட குறித்த புத்த பிக்கு, 2012-02-20ம் திகதியன்று நாவுல நீதவான் நீதிமன்றில் ஆஜர்படுத்தப்பட்டு விளக்கமறியலில் வைக்கப்பட்டார்.
சிறையில் வைக்கப்பட்டிருந்த நிலையில் தூக்கிட்டு தற்கொலை செய்து கொண்ட பிக்குவின் சடலம் தற்போது கண்டி வைத்தியசாலையில் வைக்கப்பட்டுள்ளது.
கண்டி பொலிஸார் மேலதிக விசாரணைகளை மேற்கொண்டு வருகின்றனர்.
No comments:
Post a Comment