நாளை நாடு திரும்பும் இலங்கை அகதிகள்!

Monday, November 07, 2011
தமிழகத்தில் தங்கியுள்ள மேலும் சில இலங்கையர்கள் நாளைய தினம் கடல் மார்க்கமாக நாடு திரும்பவுள்ளனர். 12 குடும்பங்களைச் சேர்ந்த 49 இலங்கையர்கள் நாடு திரும்பவுள்ளதாக அகதிகளுக்கான ஐக்கிய நாடுகளின் உயர்ஸ்தானிகராலயத்தினை மேற்கோள்காட்டி த ஹிந்து செய்தி வெளியிட்டுள்ளது.

தென்னிந்தியாவின் தூத்துக்குடி மற்றும் கொழும்பிற்கும் இடையே ஈடுபடும் பயணிகள் கப்பல் சேவை மூலம் இவர்கள் இலங்கைக்கு அழைத்துவரப்பட உள்ளனர்.

தூத்துக்குடி மண்டபம் மற்றும் விருதுநகர் ஆகிய பகுதிகளிலுள்ள அகதி முகாம்களில் தங்கியிருந்த இவர்களில் பெரும்பாலானவர்கள் 2006 ஆம் ஆண்டு இந்தியாவுக்குள் பிரவேசித்தவர்கள் என தெரிவிக்கப்படுகிறது.

இவர்கள் யாழ்ப்பாணம், மன்னார் மற்றும் திருகோணமலை மாவட்டங்களைச் சேர்ந்தவர்கள் எனத் தெரிவிக்கப்படுகிறது. கடந்த ஒக்டோபர் மாதத்திலும் இந்தியாவில் இருந்து 37 இலங்கையர்கள் கப்பல் மூலம் நாட்டிற்கு அழைத்துவரப்பட்டிருந்தமை குறிப்பிடத்தக்கது.

யுத்தம் இடம்பெற்ற காலப்பகுதியில் இலங்கையில் இருந்து வெளியேறி சுமார் 63 ஆயிரம் பேர் தென்னிந்தியாவுக்கு அகதிகளாக சென்றமை குறிப்பிடத்தக்கது.