போலி நாணயத்தாள்களுடன் சந்தேகநபர் ஒருவர் காலி பிரதேசத்தில் கைது:-புதையல் தோண்டிய ஐந்து பேர் கைது!

Monday, November 14, 2011
போலி நாணயத்தாள்களுடன் சந்தேகநபர் ஒருவர் காலி பிரதேசத்தில் கைதுசெய்யப்பட்டுள்ளார்.

அத்துடன் சந்தேகநபரிடம் இருந்து ஒன்பது போலி நாணயத்தாள்களும் கைப்பற்றப்பட்டதாக பொலிஸார் குறிப்பிடுகின்றனர்.

இறக்குவானை ஓபட பகுதியைச் சேர்ந்த 62 வயதான ஒருவரே கைதுசெய்யப்பட்டுள்ளதாக பொலிஸார் தெரிவிக்கின்றனர்.

சந்தேகநபர் இன்றைய தினம் நீதிமன்றத்தில் ஆஜர்படுத்தப்படவுள்ளார்.

புதையல் தோண்டிய ஐந்து பேர் கைது!

கலேவெல நீலகல பகுதி வீடொன்றில் புதையல் தோண்டிக்கொண்டிருந்த போது ஐந்து பேர் கைது செய்யப்பட்டுள்ளனர்.

வீதிப் புனரமைப்பு பணியில் ஈடுபடும் போர்வையில் புதையல் தோண்டுவதற்காக இந்த பிரதேசத்திற்கு இவர்கள் வந்துள்ளதாக பொலிஸார் கூறினர்.

சந்தேக நபர்கள் கிரிபத்கொட, கடவத்தை, பொலன்னறுவை மற்றும்
அவிஸ்ஸாவளை பகுதிகளைச் சேர்ந்தவர்கள் எனத் தெரியவந்துள்ளது.

சந்தேகநபர்களை இன்று நீதிமன்றத்தில் ஆஜர்படுத்த நடவடிக்கை
எடுக்கப்பட்டுள்ளது.