கிளிநொச்சி வட்டக்கச்சியில் இடம்பெற்ற கொலைச் சம்பவத்துடன் தொடர்புடைய இருவர் கைது!

Wednesday, November 02, 2011
கிளிநொச்சி வட்டக்கச்சி மாயவனூர் பகுதியில் கடந்த மாதம் இடம்பெற்ற 42 வயதுடைய குடும்பஸ்தரை வெட்டிக்கொலை செய்த சம்பவத்துடன் தொடர்புடைய இருவரை கிளிநொச்சி காவற்துறை நிலைய குற்றத்தடுப்பு பிரிவினர் கைது செய்துள்ளனர்.

வட்டக்கச்சி மாயவனூர் சிவன்கோவிலடியைச் சேர்ந்தவர்களான கொலை செய்தவர் எனும் சந்தேகத்தில் 34 வயதுடைய நடராசா பாஸ்கரன் என்பவரையும் கொலைக்கு உடந்தையாக இருந்தவர் எனும் சந்தேகத்தில் 20 வயதுடைய கிருஸ்ணசாமி இளையராஜா என்பவரையும் காவற்துறையினர் கைது செய்துள்ளனர்.

இதேவேளை, கொலைக்கு பயன்டுத்திய கத்தியையும் மறைத்து வைத்துள்ள இடத்திலிருந்து கொலையாளி மூலம் எடுக்கப்பட்டதாகவும் குற்றத்தடுப்பு பிரிவு காவற்துறையினர் தெரிவித்துள்ளனர்.