மாற்று காணொளி கன்பராவில்!

Sunday, August 28, 2011
செனல் 4 காணொளிக்கு எதிராக பாதுகாப்பு அமைச்சினால் தயாரிக்கப்பட்ட காணொளி, அவுஸ்திரேலியாவின் கன்பரா நகரத்தில், சில தினங்களுக்கு முன்னர் காட்சிப்படுத்தப்பட்டுள்ளது.

இதன் போது அவுஸ்திரேலிய நாடாளுமன்றத்தின் பிரநிதிகள் சிலருக்கும் இந்த காணொலி காண்பிக்கப்பட்டதாக வெளிவிவகார அமைச்சு தெரிவித்துள்ளது.

இதன் போது சனல் 4 காணொளியின் உண்மைத் தன்மை தொடர்பில் இந்த பிரதிநிதிகளுக்கு விளக்கம் அளிக்கப்பட்டதாக வெளிவிவகார அமைச்சின் பொதுமக்கள் தொடர்பு பிரிவின் நிறைவேற்றுப் பணிப்பாளர் சரத் திசாநாயக்க தெரிவித்தார்.

இந்த காணொளி, அவுஸ்திரேலியாவில் உள்ள இலங்கை தூதுவராலயத்தினால் ஏற்பாடு செய்யப்பட்டிருந்தது.

இததனிடையே சனல் 4 காணொளி காட்சிப்படுத்தப்பட்ட அமெரிக்கா, இங்கிலாந்து, சுவீடன் மற்றும் இந்தியா உள்ளிட்ட நாடுகளுக்கும், பாதுகாப்பு அமைச்சினால் தயாரிக்கப்பட்ட காணொளி திரையிடப்படும் எனவும் அமைச்சு குறிப்பிட்டுள்ளது.

இதன் பொருட்டு குறித்த நாடுகளில் உள்ள இலங்கை தூதுவராலயங்கள் ஊடாக நடவடிக்கைகள் மேற்கொள்ளப்பட்டு வருவதாக தெரிவிக்கப்பட்டுள்ளது.