எனினும், விமானத்தில் பயணித்த 13 பேர் நிலை என்ன என்று தெரியவில்லை. இதையடுத்து, விமானப்படை ஹெலிகாப்டர்கள் தேடும் பணியில் ஈடுபடுத்தப்பட்டன. ஹெலிகாப்டர்களின் தேடுதல் பணியின் போது விமானம் விபத்தில் சிக்கி நொறுங்கி இருப்பது தெரியவந்தது. தொடர்பு துண்டிக்கப்பட்ட விமானம் இயந்திரக் கோளாறால் விழுந்து நொறுங்கி இருக்கலாம் என்று கருதப்பட்டது. எனவே, சுகோய் 30 மற்றும் C-130J ஹெர்குலஸ் ரக விமானப்படை விமானங்கள் உதவியுடன் மாயமான விமானத்தை தேடும் பணிகள் தொடர்ந்து நடைபெற்று வருகிறது. அதேபோல், தரைப்பகுதியில் இந்திய ராணுவமும், இந்தோ-திபெத் எல்லைப் பகுதி போலீசாரும் தேடும் பணியில் ஈடுபட்டிருப்பதாகவும், விமானப்படை தெரிவித்துள்ளது.
இஸ்ரோ உதவி..
இந்த நிலையில், மாயமான விமானத்தை மீட்கும் பணியில் இஸ்ரோவும் உதவி வருகிறது. ஏ.என்-32 ராணுவ சரக்கு விமானத்தை தேடும் பணியில் இஸரோவின் செயற்கைக் கோள்கள் ஈடுப்படுத்தப்பட்டுள்ளன. விபத்து நடந்திருக்கலாம் என்று கருதப்படும் மலைப்பகுதியில் செயற்கைக்கோள்கள் மூலம் தீவிரமாக கண்காணிக்கப்பட்டு வருவதாக தெரிவிக்கப்பட்டுள்ளது. அதுமட்டுமல்லாது, இந்த விமானத்தை தேடும் பணியில், அரக்கோணம் விமானப்படை தளத்தை சேர்ந்த பி8ஐ விமானமும் ஈடுபடுத்தப்பட்டுள்ளது. ரஷிய தயாரிப்பான இந்த ஏ.என்-32 ரக விமானம் இரட்டை என்ஜின் கொண்டதாகும். விமானப்படை வீரர்களை ஓரிடத்தில் இருந்து மற்றொரு இடத்துக்கு கொண்டு சேர்க்கும் பணிகளுக்காக பயன்படுத்தப்பட்டு வந்த இந்த விமானம் கடந்த 40 ஆண்டுகளாக பணியில் இருந்தது குறிப்பிடத்தக்கது.
No comments:
Post a Comment