Friday, October 07, 2011மாலை தீவில் நடைபெறவுள்ள சார்க் மாநாட்டிற்கு இலங்கைப் படையினர் பாதுகாப்பு வழங்கவுள்ளனர். பயங்கரவாத ஒழிப்பு மற்றும் பிரபுக்கள் பாதுகாப்புப் பிரிவைச் சேர்ந்த விசேட அதிரடிப்படையினர் பாதுகாப்பு கடமைகளை பொறுப்பேற்றுக் கொள்வார்கள் எனத் தெரிவிக்கப்படுகிறது.
மாலைதீவின் அட்டு நகரில் எதிர்வரும் நவம்பர் மாதம் சார்க் மாநாடு நடைபெறவுள்ளது. இலங்கைப் படையினரின் திறமைகள் குறித்து வெளிநாடுகளில் மேற்கொள்ளப்பட்ட பிரச்சாரங்களின் காரணமாக இந்த சந்தர்ப்பம் கிடைக்கப் பெற்றதாக உயர் பாதுகாப்பு அதிகாரியொருவர் தெரிவித்துள்ளார்.
இலங்கையைச் சேர்ந்த விசேட மோப்ப நாய்களும் பாதுகாப்பு கடமையில் ஈடுபடுத்தப்பட உள்ளதாகக் குறிப்பிடப்படுகிறது. கூட்டம் நடைபெறும் பிரதேசம், துறைமுகம் மற்றும் விமான நிலையம் ஆகியவற்றுக்கு விசேட அதிரடிப்படையினர் பாதுகாப்பு வழங்கவுள்ளனர்.
மாநாட்டிற்கு அனுப்பி வைக்கப்பட உள்ள படையினருக்கும், மோப்ப நாய்களுக்கும் கொழும்பில் விசேட பயிற்சி அளிக்கப்பட்டு வருவதாகக் குறிப்பிடப்படுகிறது.
No comments:
Post a Comment