ஆப்கானிஸ்தானில் இராணுவத்தினரை ஈடுபடுத்துவது குறித்து கோதபாயவும் பிளேககும் பேசினார்கள் விக்கிலீக்ஸ்

Saturday, October 08, 2011
ஆப்கானிஸ்தானில் இராணுவத்தினரை ஈடுபடுத்துவது குறித்து கோதபாயவும் பிளேககும் பேசினார்கள் – விக்கிலீக்ஸ்

ஆப்கானிஸ்தானில் இலங்கை இராணுவத்தினரை ஈடுபடுத்துவது குறித்து பாதுகாப்புச் செயலாளர் கோதபாய ராஜபக்ஸவிற்கும், இலங்கைக்கான அமெரிக்காவின் முன்னாள் தூதுவர் ரொபர்ட் ஒ பிளக்கிற்கும் இடையில் பேசப்பட்டதாக விக்கிலீக்ஸ் தகவல் வெளியிட்டுள்ளது.

2009ம் ஆண்டு டிசம்பர் மாதம் 8ம் திகதி இந்தப் பேச்சுவார்த்தை நடத்தப்பட்டுள்ளதாகக் குறிப்பிபடப்பட்டுள்ளது.

அமெரிக்கா தலைமையிலான கூட்டுப்படையில் இலங்கைப் படைவீரர்களை இணைத்துக் கொள்வது குறித்து பேச்சுவார்த்தை நடத்தப்பட்டுள்ளது.

தற்போதைக்கு இவ்வாறு படையினரை நிலைநிறுத்துவது பொருத்தமாக அமையாது என பாதுகாப்புச் செயலாளர் சுட்டிக்காட்டியதாகத் தெரிவிக்கப்படுகிறது.

நல்லிணக்கம், குற்றச் செயல்களுக்கு தண்டனை விதித்தல், முன்னாள் போராளிகள், புலிகளுக்கும் எரித்திரியாவிற்கும் இடையிலான தொடர்பு உள்ளிட்ட பல்வேறு விடயங்கள் குறித்து பேசப்பட்டுள்ளது.