நுகேகொடை பகுதியில் கடத்தப்பட்ட வர்த்தகர் கண்டுபிடிக்கப்பட்டார்!

Monday, November 14, 2011
நுகேகொடை ஜூபிலி மைல்கல் பகுதியில் இனந்தெரியாதோரால் கடத்தப்பட்ட வர்த்தகரை கண்டுபிடித்துள்ளதாக பொலிஸார் தெரிவிக்கின்றனர்.

கிடைக்கப்பெற்ற தொலைபேசி தகவலின் பேரில், நேற்றிரவு ஒன்பது மணியளவில் வர்த்தகர் கண்டுபிடிக்கப்பட்டதாக பொலிஸார் குறிப்பிட்டனர்.

பிட்டகோட்டே பிரதேசத்தைச் சேர்ந்த 41 வயதான ஒருவரே கடத்தப்பட்டதாக பொலிஸார் கூறினார்.

தனது வர்த்தக நிலையத்தை நேற்று முன்தினம் இரவு மூடிவிட்டு மேலும் இரண்டு பேருடன் உரையாடிக் கொண்டிருந்த போதே வர்த்தகர் கடத்தப்பட்டுள்ளார்.

வெள்ளை நிற வேனில் வந்த ஆறு பேர் ஆயுத முனையில் வர்த்தகரை கடத்திச் சென்றதாக பொலிஸாருக்கு முறைப்பாடு கிடைத்துள்ளது.