யாழில் கடந்த 23 ஆம் திகதி முதல் காணாமல் போனதாக கூறப்பட்ட தமிழ் தேசியக் கூட்டமைப்பின் முக்கியஸ்தரான மு.தம்பிராஜாவின் 19 வயதான திருவளவன் தம்பிராஜா வெள்ளவத்தையில் வைத்து நேற்று பொலிஸாரால் கைது செய்யப்பட்டுள்ளார்.
யாழ்.பொலிஸ் நிலைய பொறுப்பதிகாரி பிரதான பொலிஸ் பரிசோதகர் உதய குமார வுட்லரின் ஆலோசனைக்கு அமைய யாழில் இருந்து கொழும்புக்கு வந்த விஷேட பொலிஸ் குழு, வெள்ளவத்தை பொலிஸ் நிலைய பொறுப்பதிகாரி, குற்றவியல் பிரிவின் பொறுப்பதிகாரி பொலிஸ் பரிசோதகர் நாகஹவத்த ஆகியோருடனான குழுவுடன் இணைந்து அவரை இவ்வாறு கைது செய்ததாகவும், நேற்று இரவு 11.00 மணியாகும் போதும் அவரிடம் விசாரணைகள் தொடர்ந்து வந்ததாகவும் பொலி ஸார் தெரிவித்தனர்.
காணாமல் போனதாக கூறப்பட்ட திருவளவன் தம்பிராஜா அவரது சுய விருப்பின் பேரில் யாழில் இருந்து கொழும்புக்கு பஸ் வண்டியில் வந்துள்ளமை நேற்று இரவு வரை இடம்பெற்ற ஆரம்பக்கட்ட விசாரணைகளில் தெரியவந்துள்ளதாகவும் அதனூடாக அவர் கடத்தப்படவில்லை என்பது உறுதியாகியுள்ளதாகவும் தெரிவித்த யாழ்.பொலிஸ் நிலைய பொறுப்பதிகாரி பிரதான பொலிஸ் பரிசோதகர் உதயகுமார வுட்லர், முறைப்பாட்டின் பின்னணி மற்றும் சம்பவத்தின் பின்னணி தொடர்பில் தெரிந்துகொள்ள விஷேட விசாரணையொன்று ஆரம்பிக்கப்பட்டுள்ளதாக குறிப்பிட்டார்.
இதுவரை முன்னெடுக்கப்பட்டுள்ள விசாரணைக ளில் குறித்த காணாமல் போனமை தொடர்பிலான முறைப்பாடானது உள் நோக்கம் ஒன்றின் அடிப்படையில் செய்யப்பட்டது என்பதற்கான சான்றுகள் கிடைக்கப் பெற்றுள்ளதாகவும் விசாரணைகள் பல்வேறு கோணங் களில் தொடர்வதாகவும் பிரதான பொலிஸ் பரிசோதகர் உதயகுமார வுட்லர் உறுதிப்படுத்தினார்.
No comments:
Post a Comment