மட்டக்களப்பு பகுதியில் இந்திய பிரஜை ஒருவர் கைது:-சட்டவிரோதமான முறையில் அவுஸ்திரேலியாவுக்குச் செல்ல இருந்ததாகக் கூறப்படும் 8 பேர் கைது!

Wednesday, February 27, 2013

இலங்கை::மட்டக்களப்பு பகுதியில் இந்திய பிரஜை ஒருவர் கைது செய்யப்பட்டுள்ளார். சுற்றுலா விசாவில் இலங்கைக்கு வந்து தொழில் நடவடிக்கையில் ஈடுபட்டிருந்த இந்திய பிரஜை, செங்கமுவ இராணுவ முகாமுக்கு அருகில் வைத்து இராணுவத்தினரால் கைது செய்யப்பட்டுள்ளார்.

நெல் இயந்திரம் ஒன்றை இயக்கிக் கொண்டிருந்த வேளை இவர் கைது செய்யப்பட்டுள்ளார். குறித்த நபரை மட்டக்களப்பு மஜிஸ்திரேட் நீதிமன்றில் இன்று ஆஜர்படுத்த பொலிஸார் நடவடிக்கை எடுத்துள்ளனர்

சட்டவிரோதமான முறையில் அவுஸ்திரேலியாவுக்குச்  செல்ல இருந்ததாகக் கூறப்படும் 8 பேர் கைது!

சட்டவிரோதமான முறையில் அவுஸ்திரேலியாவுக்குச் செல்ல இருந்ததாகக் கூறப்படும் 8 பேரை பொலிஸார் கைதுசெய்துள்ளனர்.

புத்தளம், கல்லடி மெகொட கிரலஓயா பகுதியில் உள்ள வீடு ஒன்றில் இவர்கள் தங்கியிருந்தபோதே நேற்று செவ்வாய்க்கிழமை இரவு கைதுசெய்யப்பட்டுள்ளதாக புத்தளம் பொலிஸார் தெரிவித்தனர்.

இவ்வாறு கைதுசெய்யப்பட்டவர்கள்; வவுனியா, யாழ்ப்பாணம் ஆகிய மாவட்டங்களைச் சேர்ந்தவர்கள் ஆவர். 18 வயதுக்கும் 35 வயதுக்கும் இடைப்பட்டவர்களே கைதுசெய்யப்பட்டதாகவும் பொலிஸார் கூறினர்.

கடல் மார்க்கமாக அவுஸ்திரேலியாவுக்குச் அழைத்துச் செல்வதாகக் கூறி தங்களை அழைத்துவந்து வீடு ஒன்றில் தங்கவைத்தனர். அத்துடன், தங்களோடு மேலும் பலர் வந்தனர். இருப்பினும் அவர்கள் எங்கு தங்கியுள்ளனர் என்பது பற்றிய விபரம் தங்களுக்கு தெரியாது.

தங்களை அவுஸ்திரேலியாவுக்கு கொண்டு சென்று விட்ட பின்னர் 4 இலட்சம் ரூபா வழங்க வேண்டும் என ஏற்பாட்டாளர்கள் தங்களிடம் கோரியதாகவும் கைதுசெய்யப்பட்டவர்கள் தங்களிடம் கூறியதாக பொலிஸார் தெரிவித்தனர்.

மேற்படி சந்தேக நபர்களிடம் பொலிஸார் விசாரணை மேற்கொண்டுவருகின்றனர்.