அமைச்சுகளுக்கு ஒதுக்கப்பட்டுள்ள விடயதானங்கள் தொடர்பிலான வர்த்தமானி
வெளியிடப்பட்டுள்ளது.
அந்த வர்த்தமானி அறிவித்தலின் பிரகாரம் ஒருசில அமைச்சுக்களின் கீழ் ஏற்கெனவே இருந்த பொறுப்புக்கள் மற்றும் நிறுவனங்களில் மாற்றம் ஏற்பட்டுள்ளன.
இதன் பிரகாரம் கடந்த 100 நாள் அரசாங்கத்தின் ஆட்சிக் காலத்தின் போது நகர அபிவிருத்தி, நீர் வழங்கல் அமைச்சர் ரவூப் ஹக்கீமின் கீழ் இருந்து வந்த நகர அபிவிருத்தி அதிகார சபை, இலங்கை காணி மீள்நிரப்புதல் மற்றும் அபிவிருத்திக் கூட்டுத்தாபனம் என்பன மாநகர மற்றும் மேல் மாகாண அபிவிருத்தி அமைச்சர் பாட்டலி சம்பிக்க ரணவக்கவிடம் கையளிக்கப்பட்டுள்ளன.
அமைச்சர் ரவூப் ஹக்கீமுக்கு நீர் வழங்கல், வடிகாலமைப்பு சபையும் அதனுடன் தொடர்புடைய இன்னொரு நிறுவனமும் ஒதுக்கப்பட்டுள்ளன.
புதிய வர்த்தமானி அறிவித்தலின் பிரகாரம் இம்முறை அதிகமான நிறுவனங்கள், கைத்தொழில் மற்றும் வர்த்தக அமைச்சின் கீழ் செயல்படவுள்ளன. கைத்தொழில் மற்றும் வர்த்தக அமைச்சர் ரிஷாத் பதியுதீனின் கீழ் 36 நிறுவனங்கள் கொண்டுவரப்பட்டுள்ளன.
இலங்கை மத்திய வங்கி, இலங்கை பிணையங்கள் மற்றும் பரிவர்த்தனை ஆணைக்குழு, தேசிய இளைஞர் சேவைகள் மற்றும், ஊழியர் நம்பிக்கை நிதியம், மக்கள் பயன்பாட்டு ஆணைக்குழு உள்ளிட்ட 20 நிறுவனங்கள் பிரதமர் ரணில் விக்ரமசிங்கவின் தேசிய கொள்கை மற்றும் பொருளாதார விவகார அமைச்சின் கீழ் கொண்டு வரப்பட்டுள்ளன.
அனைத்து அரச வங்கிகள், ஸ்ரீ லங்கன் மற்றும் மிஹின்லங்கா நிறுவனங்கள், இலங்கை காப்புறுதிக் கூட்டுத்தாபனம் உள்ளிட்ட 19 நிறுவனங்கள் அரச தொழில் முயற்சிகள் அபிவிருத்தி அமைச்சர் கபீர் ஹாசிமின் கீழ் கொண்டு வரப்பட்டுள்ளன.
திறைசேரி, சுங்கம், கலால் திணைக்களம், உள்நாட்டு இறைவரித் திணைக்களம், இலங்கை காப்புறுதிச் சபை, தேசிய லொத்தர் சபை, அபிவிருத்தி லொத்தர் சபை, அரச நிதித் திணைக்களம் உள்ளிட்ட 26 நிறுவனங்கள் நிதி அமைச்சர் ரவி கருணாநாயக்கவிடம் ஒப்படைக்கப்பட்டுள்ளன.
குடிவரவு குடியகல்வுத் திணைக்களம், ஆட்பதிவுத் திணைக்களம், தேசிய அருங்காட்சியகத் திணைக்களம் என்பன உள்விவகார , வடமேல் அபிவிருத்தி மற்றும் கலாசார அலுவல்கள் அமைச்சர் எஸ்.பி.நாவின்னவிடம் ஒப்படைக்கப்பட்டுள்ளன.
பொலிஸ் திணைக்களம், தேசிய அபாயகர ஒளடதங்கள் கட்டுப்பாட்டுச் சபை, சிறைச்சாலைகள் திணைக்களம் உள்ளிட்ட நிறுவனங்கள் சட்டமும் ஒழுங்கும் மற்றும் சிறைச்சாலைகள் மறுசீரமைப்பு அமைச்சர் திலக் மாரபனவின் பொறுப்பில் உள்ளன.
கால்நடை உற்பத்தி மற்றும் சுகாதாரத் திணைக்களம், தேசிய கால்நடை வள அபிவிருத்திச் சபை மற்றும் அதனுடன் தொடர்புடைய நிறுவனங்கள், நெல் சந்தைப்படுத்தல் சபை உள்ளிட்ட 10 நிறுவனங்கள் கிராமிய பொருளாதார அமைச்சர் பீ.ஹரிசனிடம் ஒப்படைக்கப்பட்டுள்ளன.
மத்திய கலாசார நிதியம் கல்வி அமைச்சர் அக்கில விராஜ் காரியவசத்தின்கீழ் கொண்டுவரப்பட்டுள்ளமை குறிப்பிடத்தக்கது.
சிவில் விமான சேவை அதிகார சபை, வரையறுக்கப்பட்ட விமான நிலையங்கள் மற்றும் விமான சேவைகள் நிறுவனம் ஆகியன போக்குவரத்து அமைச்சர் நிமல் சிறிபால டி சில்வாவின் கீழ் கொண்டுவரப்பட்டுள்ளன.
நகர அபிவிருத்தி அதிகார சபை, இலங்கை காணி மீள்நிரப்புதல் மற்றும் அபிவிருத்திக் கூட்டுத்தாபனம், தேசிய பௌதீக திட்டமிடல் திணைக்களம் ஆகிய நிறுவனங்கள் மாநகர மற்றும் மேல் மாகாண அபிவிருத்தி அமைச்சர் பாட்டலி சம்பிக்க ரணவக்கவிடம் ஒப்படைக்கப்பட்டுள்ளன.
சட்டம் ஒழுங்கு அமைச்சின் கீழ் இருந்த குடிவரவு குடியகல்வு திணைக்களம் இம்முறை உள் நாட்டலுவல்கள் அமைச்சின் கீழும், சிறைச்சாலை மற்றும் புனர்வாழ்வு அமைச்சின் கீழ் இருந்த சிறைச்சாலைகள் திணைக்களம் சட்டம் ஒழுங்கு அமைச்சின் கீழும் கொண்டுவரப்பட்டுள்ளன
தேசிய ஒருமைப்பாடு மற்றும் மீளமைப்பு அமைச்சு என ஒரு அமைச்சு அதில் குறிப்பிடப்பட்டுள்ளதுடன், நீதி அமைச்சு மற்றும் பௌத்த சாசன அமைச்சு ஆகியன ஒரே அமைச்சரின் கீழ் இருந்த போதிலும் அவை இரண்டும் தனித்தனியாக சுட்டிக்காட்டப்பட்டுள்ளன.
எவ்வாறாயினும் ஜனாதிபதி மைத்திரிபால சிறிசேனவின் கீழ் உள்ள பாதுகாப்பு, மகாவலி அபிவிருத்தி மற்றும் சுற்றாடல் அமைச்சில் மாற்றங்கள் எதுவும் செய்யப்படவில்லை.
அதன்படி முப்படைகள் உள்ளிட்ட 14 நிறுவனங்கள் பாதுகாப்பு அமைச்சின் கீழும் 17 நிறுவனங்கள் மகாவலி அபிவிருத்தி மற்றும் சுற்றாடல் அமைச்சின் கீழும் உள்ளடக்கப்பட்டுள்ளன.
சுகாதார அமைச்சில் மாற்றங்கள் இடம்பெறாத போதிலும், வரையறுக்கப்பட்ட இலங்கை திரிபோஷா நிறுவனம் அவ்வமைச்சின் கீழ் இணைக்கப்பட்டுள்ளது.
ஏற்கனவே கல்வி அமைச்சின் கீழ் 12 நிறுவனங்களே இருந்த நிலையில் இம் முறை 20 நிறுவனங்கள் அவ்வமைச்சின் கீழ் கொண்டுவரப்பட்டுள்ளன. தொல்பொருள் ஆராய்ச்சி திணைக்களம், மத்திய கலாசார நிலையம் என்பனவும் இம்முறை கல்வி அமைச்சின் கீழ் கொண்டு வரப்பட்டுள்ளன.
அத்துடன் கடந்த 100 நாள் அரசின் காலத்தில் வெளிவிவகார அமைச்சின் கீழ் இருந்த ஸ்ரீ லங்கா ரெலிகொம், தொலைத்தொடர்புகள் திணைக்களம் ஆகியன புதிதாக உருவாக்கப்பட்டு ஹரீன் பெர்ணான்டோ அமைச்சரிடம் கொடுக்கப்பட்டுள்ள தொலைத் தொடர்புகள் மற்றும் டிஜிட்டல் உட்கட்டமைப்பு அமைச்சின் கீழ் கொண்டுவரப்பட்டுள்ளன.
இதேவேளை, மலையக புதிய கிராமங்கள் உட்கட்டமைப்பு வசதி மற்றும் சமூக அபிவிருத்தி அமைச்சராக உள்ள பழனி திகாம்பரத்தின் கீழ் உள்ள அமைச்சின் அதிகாரத்துக்கு உட்பட்டதாக கிராமிய சமூக அபிவிருத்தி அதிகார சபை, தோட்டத்துறை சுயதொழில் நிதியம், பெருந்தோட்ட வீடமைப்பு அபிவிருத்தி சபை, சௌமிய மூர்த்தி தொண்டமான் ஞாபகார்த்த மன்றம் என்பன கொண்டு வரப்பட்டுள்ளன.
தேசிய கலந்துரையாடல் அமைச்சர் மனோ கணேசனின் கீழ் உள்ள அமைச்சின் கீழ் அரச மொழிகள் திணைக்களம், அரச மொழிகள் ஆணைக்குழு, மொழிக்கல்வி மற்றும் பயிற்சி அளிப்பு தொடர்பான தேசிய நிறுவகம், அரச சார்பற்ற நிறுவனங்கள் தொடர்பான செயலாளர் காரியாலயம் என்பன உள்ளடங்குகின்றன.
முழு விபரம்:
1933/13 என்ற இலக்கத்தைக் கொண்ட இந்த வர்த்தமானியானது இலங்கை அரசியலமைப்பின் 43 ஆவது அத்தியாயத்தின் முதலாவது உப பிரிவின் கீழ் ஜனாதிபதிக்கு கொடுக்கப்பட்டுள்ள அதிகாரங்களுக்கு அமைவாக ஜனாதிபதி மைத்திரிபால சிறிசேனவினால் வெளியிடப்பட்டுள்ளது.
அமைச்சரவை சத்தியப்பிரமாணங்கள் கடந்த 4ஆம் மற்றும் 9ஆம் திகதிகளில் இடம்பெற்றிருந்தன. அந்த வகையில் 48 அமைச்சரவை அந்தஸ்துள்ள அமைச்சுக்கள் உள்ள போதிலும் நேற்று வெளியிடப்பட்டுள்ள வர்த்தமானி அறிவித்தலில் 50 அமைச்சுக்களுக்கான அரச நிறுவனங்கள் தொடர்பிலான தகவல்கள் உள்ளடக்கப்பட்டுள்ளன.
அமைச்சுக்களின் கீழ் உள்ள நிறுவனங்கள் குறித்த விபரங்கள்:1- பாதுகாப்பு அமைச்சு
1. இலங்கை தரைப்படை
2. இலங்கை கடற்படை
3. இலங்கை விமானப்படை
4. சிவில் பாதுகாப்புத் திணைக்களம்
5. சேர் ஜோன் கொத்தலாவல
பாதுகாப்பு பல்கலைக்கழகம்
6. பாதுகாப்பு சேவை கட்டளை மற்றும் கூட்டு பல்கலைக்கழகம்
7. இராணுவ சேவை அதிகார சபை
8. பாதுகாப்பு சேவை பாடசாலை
9. தேசிய மாணவர் படையணி
10. தேசிய பாதுகாப்பு நிதியம்
11. தேசிய இரகசிய தகவல்கள் சேவை
12. இலங்கை கரையோர பாதுகாப்பு அதிகார சபை
13. லங்கா லொஜிஸ்டிக்ஸ் லிமிடட்
14. ரக்ன லங்கா லிமிடட்
2. மகாவலி அபிவிருத்தி, சுற்றாடல் விவகார அமைச்சு
1. இலங்கை மகாவலி அதிகார சபை
2. மொரகஹகந்த, களுகங்கை நீர்த்திட்டங்கள்
3. வன, நீர் வளம் தொடர்பிலான திட்டம்
4. மகாவலி ஒன்றிணைக்கப்பட்ட திட்டம்
5. உடவலவ திட்டம்
6. உமா ஓய அபிவிருத்தித் திட்டம்
7. வன பாதுகாப்பு திணைக்களம்
8. மத்திய சுற்றாடல் அதிகார சபை
9. பூகோள ஆய்வுகள் மற்றும் சுரங்கம் தொடர்பிலான செயலகம்
10. வரையறுக்கப்பட்ட ஜீ.எஸ்.எம்.பீ. தொழில் நுட்ப சேவை தனியார் நிறுவனம்
11. தேசிய மரக் கூட்டுத்தாபனம்
12. தேசிய மாணிக்கக்கல் மற்றும் ஆபரண திணைக்களம்
13. மாணிக்கக்கல் மற்றும் ஆபரண ஆய்வு நிறுவனம்
14. லங்கா டிம்பர் பிளான்ட் அன்ட் இன்டஸ்ரீஸ்
15. சமுத்திர பாதுகாப்பு அதிகார சபை
16. கரையோர பாதுகாப்பு திணைக்களம்
17. பொறியியல் விடயங்கள் தொடர்பிலான மத்திய ஆலோசனை செயலகம் மற்றும் அதன் கீழ் வரும் நிறுவனங்கள்
3. தேசிய ஒருமைப்பாடு மற்றும்
மீளமைப்பு அமைச்சு
4. தேசிய திட்டங்கள் மற்றும்
பொருளாதார விவகார அமைச்சு
1. தேசிய திட்டமிடல் திணைக்களம்
2. இலங்கை மத்திய வங்கி
3. வெளி நாட்டு சொத்துக்கள் தொடர்பிலான திணைக்களம்
4. சனத்தொகை மற்றும் புள்ளிவிபரவியல் திணைக்களம்
5. திட்ட மீளாய்வு நிறுவனம்
6. தேசிய செயற்பாட்டு நிலையம்
7. செயற்திட்ட முகாமைத்துவம்
மற்றும் மேற்பார்வை திணைக்களம்
8. இலங்கை பங்கு பரிவர்த்தனை கொமிஷன்
9. கடன் தகவல்கள் தொடர்பிலான செயலகம்
10. தேசிய வேதனங்கள் சபை
11. தேசிய காப்புறுதிக்கு பொறுப்பான நிதியம்
12. கலவரங்கள், நிறுத்தங்கள், சிவில் பிரச்சினைகள் மற்றும் பயங்கரவாதம் குறித்த நிதியம்
13. ஊழியர் நம்பிக்கை பொறுப்பு நிதியம்
14. ஸ்ரீலங்கா பொது பயன்பாடு கொமிஷன் சபை
15. மனித வள அபிவிருத்தி தொடர்பிலான இலங்கை தேசிய சபை
16. தேசிய இளைஞர் சேவைகள் மன்றம்
17. தேசிய இளைஞர் சேனை
18. தேசிய இளைஞர் வினைத்திறன் விருது வழங்கும் அதிகார சபை
19. வரையறுக்கப்பட்ட தேசிய இளைஞர் சேவை கூட்டுறவு நிலையம்
20. தலைமைத்துவ அபிவிருத்தி தேசிய மத்திய நிலையம்
5- சுற்றுலா அபிவிருத்தி மற்றும் கிறிஸ்தவ விவகார அமைச்சு
1. இலங்கை சுற்றுலா மேம்பாட்டு செயலகம்
2. இலங்கை சுற்றுலா அபிவிருத்தி அதிகார சபை
3. இலங்கை கண்காட்சி மற்றும் சம்மேளன செயலகம்
4. இலங்கை சுற்றுலா மற்றும் ஹோட்டல் முகாமைத்துவ நிறுவனம்
5. கிறிஸ்தவ விவகார திணைக்களம்
6.வனஜீவராசிகள் அமைச்சு
1. தேசிய உயிரியல் பூங்கா திணைக்களம்
2. தேசிய தாவரவியல் பூங்கா திணைக்களம்
3. வனஜீவராசிகள் பாதுகாப்பு திணைக்களம்
4. வனஜீவராசிகளின் பொறுப்பு
7. போக்குவரத்து அமைச்சு
1. இலங்கை ரயில்வே திணைக்களம்
2. இலங்கை மத்திய போக்குவரத்து சபை
3. தேசிய போக்குவரத்து மருத்துவ நிறுவனம்
4. மோட்டார் வாகன திணைக்களம்
5. தேசிய போக்குவரத்து ஆணைக்குழு
6. சிவில் விமான சேவை அதிகார சபை
7. வரையறுக்கப்பட்ட விமான நிலையம் மற்றும் விமான சேவைகள் நிறுவனம்
8.வெளிவிவகார அமைச்சு
1. வெளிநாட்டு அரச தூதுவர் சபை
2. லக் ஷ்மன் கதிர்காமர் கல்வி நிறுவகம்
3. தேசிய சமுத்திர நடவடிக்கை உப குழு செயலகம்
9. சமூக அபிவிருத்தி மற்றும்
நலன்புரி அமைச்சு
1. சமூக சேவை திணைக்களம்
2. வயோதிபர்கள் தொடர்பிலான தேசியசபை மற்றும் தேசிய வயோதிப பொதுச்செயலாளர் காரியாலயம்
3. ஊனமுற்றோர் தொடர்பிலான பொதுச் செயலக காரியாலயம்
4. ஊனமுற்ற ஒருவர் தொடர்பிலான தேசிய சபை
5. தேசிய சமூக அபிவிருத்தி நிறுவனம்
6. திவிநெகும அபிவிருத்தி திணைக்களம்
7. கிராம அபிவிருத்தி பயிற்சி மற்றும் ஆராய்ச்சி நிறுவனம்
8. சமூக பாதுகாப்பு சபை
10. தொழிலாளர்கள் மற்றும்
தொழில் அமைப்புக்கள்
தொடர்பிலான அமைச்சு
1. தொழிலாளர் திணைக்களம்
2. தேசிய தொழிற் கல்வி நிறுவனம்
3. ஊழியர் சேமலாப நிதியம்
4. தேசிய தொழில், காப்புறுதி மற்றும் சுகாதார காரியாலயம்
5. தொழிலாளர் காப்புறுதி காரியாலயம்
6. ஸ்ரீம வாசனா நிதியம்
7. மனித வளம் மற்றும் தொழிற்பாதுகாப்பு நிறுவனம்
8. வரையறுக்கப்பட்ட இலங்கை தொழிலகம்
11. பல்கலைக்கழக கல்வி மற்றும் நெடுஞ்சாலைகள் அமைச்சு
1. பல்கலைக்கழக மானியங்கள் ஆணைக்குழு
2. பல்கலைக்கழக மானியங்கள் ஆணைக்குழுவின் கீழ் உள்ள அனைத்து பல்கலைக்கழகம்
3. பல்கலைக்கழக மானியங்கள் ஆணைக்குழுவின் கீழ் உள்ள அனைத்து பட்டப்படிப்பு நிறுவனங்கள் மற்றும் ஏனைய நிறுவனங்கள்
4. பிக்குகள் பல்கலைக்கழகம்
5. பெளத்த மற்றும் பாளி பல்கலைக்கழகம்
6. வீதி அபிவிருத்தி அதிகார சபை மற்றும் அதன் கீழ் உள்ள நிறுவனங்கள்
7. பாதை மேற்பார்வை நிதியம்
12. நகர திட்டமிடல் மற்றும்
நீர்ப்பாசன அமைச்சு
1. தேசிய நீர் வழங்கல், மற்றும் வடிகாலமைப்பு சபை
2. தேசிய சமூக நீர் விநியோக திணைக்களம்
13. அனர்த்த முகாமைத்துவ அமைச்சு
1. இடர் முகாமைத்துவம் தொடர்பிலான தேசிய சபை
2. அனர்த்த முகாமைத்துவ மத்திய நிலையம்
3. தேசிய அனர்த்த நிவாரண சேவை மத்திய நிலையம்
4. கால நிலை அவதான நிலையம்
5. தேசிய கட்டிடங்கள் ஆய்வு நிறுவனம்
14. விஞ்ஞான தொழில் நுட்ப
ஆய்வு அமைச்சு
1 ஸ்ரீ லங்கா இன்ஸ்டிரிட்யூட் ஒப் நெனோ டெக்னொலொஜி பிறைவேட் லிமிடட்
2. தேசிய அடிப்படை கல்வி நிறுவனம்
3. தேசிய விஞ்ஞான மன்றம்
4. தேசிய விஞ்ஞான மற்றும் தொழில் நுட்ப ஆணைக்குழு
5. கிரக மண்டலம்
6. ஆதர் சீ கிளார்க் நிறுவனம்
7. இலங்கை தரப்படுத்தல் சபை
8. இலங்கை தர நிர்ணய நிறுவனம்
9. இலங்கை புத்தாக்குனர் ஆணையகம்
10. புத்தாக்குனர் நிதியம்
11. தேசிய பொறியியலாளர் ஆய்வு மற்றும் அபிவிருத்தி மத்திய நிலையம்
12. தேசிய ஆய்வுகள் சபை
13. தொழில் நுட்ப நிறுவனம்
15. சட்டம் ஒழுங்கு மற்றும் சிறைச்சாலைகள் புனருத்தாபன அமைச்சு
1. பொலிஸ் திணைக்களம்
2. தேசிய அபாயகரமான ஒளதடங்கள் அதிகார சபை
3. சிறைச்சாலைகள் திணைக்களம்
4. சமூக அடிப்படையிலான திருத்த திணைக்களம்
5. சிறுவர் குற்றவாளிகள் தொடர்பிலான பயிற்சி பாடசாலை
16. சுகாதார மற்றும் தேசிய
வைத்திய அமைச்சு
1. சுகாதார சேவைகள் திணைக்களம்
2. ஸ்ரீ ஜயவர்தனபுர வைத்தியசாலை
3. விஜயகுமாரதுங்க நினைவு வைத்தியசாலை
4. தேசிய ஒளதடங்கள் தொடர்பிலான சட்ட நிறுவனம்
5 தேசிய ஒளதடங்கள் உற்பத்தி நிறுவனம்
6. அனைத்து அரச போதனா, தேசிய அரச வைத்தியசாலைகள்
7. தேசிய சுகாதார சபை
8. வைத்திய ஆய்வு நிறுவனம்
9. தேசிய சுகாதார வித்தியாலயம்
10. அஷ்ரப் நினைவு வைத்தியசாலை
11. வைத்திய இரசாயன ஆய்வு பாடசாலை
12. இலங்கை வைத்திய சபை
13. இலங்கை வைத்திய வித்தியாலய சபை
14. தேசிய வைத்திய அபிவிருத்தி நிதியம்
15. தனியார் வைத்திய வித்தியாலய சபை
16. தேசிய வெடிப்புகள் நிரப்புதல் மற்றும் ஒட்டுதல் தொடர்பிலான நிறுவனம்
17. வரையறுக்கப்பட்ட இலங்கை திரிபோஷா நிறுவனம்
18. புகையிலை மற்றும் மதுசாரம் தொடர்பிலான அதிகார சபை
19. ஆயுர்வேத திணைக்களம்
20. இலங்கை ஆயுர்வேத மருந்து நிறுவனம்
21. ஆயுர்வேத வைத்தியர் சபை
22. ஆயுர்வேத வித்தியாலயம் மற்றும் வைத்தியசாலை சபை
23. ஆயுர்வேத போதனா வைத்தியசாலை
24. வெலிசர ஹோமியோபதி வைத்தியசாலை
25. ஹோமியோபதி வைத்திய சபை
17. நிதியமைச்சு
1. திறைசேரி
2. அரச நிதி திட்டமிடல் திணைக்களம்
3. தேசிய வரவு–செலவுத் திட்ட திணைக்களம்
4. அரச தொழில் முயற்சியாண்மை திணைக்களம்
5. அரச பணம் திணைக்களம்
6. திறைசேரி மேற்பார்வை திணைக்களம்
7. தேசிய கணக்கியல் திணைக்களம்
8. வர்த்தக, முதலீட்டு திட்ட திணைக்களம்
9. அபிவிருத்தி நிதிய திணைக்களம்
10. கணக்காய்வாளர் திணைக்களம்
11. தகவல் தொழில்நுட்ப முகாமைத்துவ திணைக்களம்
12. சட்ட நடவடிக்கை திணைக்களம்
13. தேசிய வருமான திணைக்களம்
14. அளவையியல் திணைக்களம்
15. முகாமைத்துவ சேவை திணைக்களம்
16. இலங்கை சுங்கம்
17. கலால் வரி திணைக்களம்
18. இலங்கை காப்புறுதி சபை
19. இலங்கை கணக்கியல், கணக்காய்வு சபை
20. அரச சேவை சேமலாப நிதியம்
21. தேசிய லொத்தர் சபை
22. அபிவிருத்தி லொத்தர் சபை
23. சீமாட்டி லோஹோர் நிதியம்
24. வரி மேன்முறையீட்டு ஆணைக் குழு
25. இலங்கை இறக்குமதியாளர் கடன் காப்புறுதி நிறுவனம்
26. மிலோதா நிறுவனம்
18. திறன் அபிவிருத்தி மற்றும் தொழிற் பயிற்சி அமைச்சு
1. தொழில் கல்வி ஆணைக்குழு
2. ஸ்ரீ லங்கா தொழிற் பயிற்சி அதிகார சபை
3. தேசிய தொழிற்கல்வி பயிற்சி அதிகார சபை
4. வரையறுக்கப்பட்ட திறன் அபிவிருத்தி நிதியம்
5. இலங்கை – ஜேர்மன் தொழில் நுட்பக் கல்லூரி
6. தேசிய வியாபார முகாமைத்துவ நிறுவனம்
7. தொழில்நுட்ப பல்கலைக்கழகம்
8. இலங்கை அச்சக கூட்டுத்தாபனம்
9. இலங்கை தகவல் தொழில் நுட்ப நிறுவனம்
10. தேசிய மீன்பிடி மற்றும் கடல் தொழில் நுட்ப நிறுவனம்
11. தேசிய தொழிற் கல்வி நிறுவனம்
12. தொழிற் கல்வி மற்றும் பயிற்சி திணைக்களம்
13. இலங்கை உயர் தொழில் நுட்ப கல்வி நிறுவனம்
19. உள்நாட்டலுவல்கள் அமைச்சு
1. அனைத்து மாவட்ட செயலக காரியலயங்கள்
2. அனைத்து பிரதேச செயலக காரியாலயங்கள்.
3. பதிவாளர் திணைக்களம்
20. உள் விவகார, வடமேல் அபிவிருத்தி மற்றும் கலாசார அமைச்சு
1. குடிவரவு மற்றும் குடியகல்வு திணைக்களம்
2. ஆட்பதிவு திணைக்களம்
3. கலாசாரம் தொடர்பிலான திணைக்களம்
4. தேசிய அருங்காட்சியக திணைக்களம்
21. கைத்தொழில் மற்றும் வணிக அமைச்சு
1. வணிக திணைக்களம்
2. பதிவாளர் நிறுவன திணைக்களம்
3. இலங்கை புலன் சொத்துக்கள் செயலகம்
4. இலங்கை கைத்தொழில் அபிவிருத்தி சபை
5. நுகர்வோர் தொடர்பிலான அதிகார சபை
6. வரையறுக்கப்பட்ட லங்கா ச.தொ.ச.
7. வரையறுக்கப்பட்ட இலங்கை பொது வியாபார நிறுவனம்
8. கூட்டுறவு மற்றும் மொத்த வியாபார நிறுவனம்
9. அளவைகள் தரக்கட்டுப்பாட்டு திணைக்களம்
10. உணவு ஆணையாளர் திணைக்களம்
11. கூட்டுறவு அபிவிருத்தி திணைக்களம்
12. கூட்டுறவு சேவை ஆணைக்குழு
13. உள் நாட்டு வியாபார திணைக்களம்
14. தேசிய கூட்டுறவு அபிவிருத்தி நிறுவனம்
15. இலங்கை ஆடைத் தொழிற்சாலை நிறுவகம்
16. நெசவு கைத்தொழில் திணைக்களம்
17. கஹட்ட கஹ கிரபைட்
18. லங்கா லேலன்ட் லிமிடட்
19. லன்கா அசோக் லேலன்ட் லிமிடட்
20. வரையறுக்கப்பட்ட இலங்கை சீமெந்து நிறுவனம்
21 இலங்கை சீமெந்து கூட்டுத்தாபனம்
22. மாந்தாய் சேல்ட் லிமிடட்
23. ஆனையிறவு உப்பளம்
24. லங்கா டெக்ஸ்டைல்ஸ் மில்ஸ் எம்போரியம் லிமிடட்
25. லங்கா சலுசல லிமிடட்
26 தேசிய முயற்சியாண்மை அபிவிருத்தி அதிகார சபை
27. தேசிய திறன் விருத்தி சபை
28. லக்சல
29. தேசிய வடிவமைப்பு மத்திய நிலையம்
30. சிறிய மற்றும் மத்திய அளவிலான முயற்சிகளுக்கான முதலீட்டு சங்கம்
31.சிறிய மற்றும் மத்திய அளவிலான முயற்சியாண்மை அதிகார சபை
32.வரையறுக்கப்பட்ட ஹிங்குராங்கொடை சீனி கைத்தொழில் நிறுவனம்
33. வரையறுக்கப்பட்ட லங்கா சீனி தனியார் நிறுவனம்
34. வரையறுக்கப்பட்ட தேசிய கடதாசி கூட்டுத்தாபனம்
35. லங்கா கனிய மணல் நிறுவனம்
36. பரந்தன் கெமிகல்ஸ் லிமிடட்
22. மாநகர மற்றும் மேல் மாகாண அபிவிருத்தி அமைச்சு
1. நகர அபிவிருத்தி அதிகார சபை
2. இலங்கை காணி மீள் நிரப்பல் மற்றும் விருத்தி செய்யும் கூட்டுத்தாபனம்
3. தேசிய பெளதீக திட்ட திணைக்களம்
(தொடரும்…)
No comments:
Post a Comment