அஞ்சல் மூல வாக்கெடுப்புகள் இன்று ஆரம்பமாகவுள்ளன!

Monday, August 03, 2015

2015 ஆம் ஆண்டு பொதுத் தேர்தலுக்கான அஞ்சல் மூல வாக்கெடுப்புகள் இன்று ஆரம்பமாகவுள்ளன.

 

காவல்துறை அதிகாரிகள், வலய மற்றும் கோட்டகல்வி காரியாலய பிரிவு, தேசிய மற்றும் மாகாண பாடசாலைகளின் ஆசிரியர்கள் உள்ளிட்ட துறையினருக்கான அஞ்சல் மூல வாக்களிப்புகள் இடம்பெறவுள்ளன.

 

அதேநேரம், எதிர்வரும் 5 ஆம் மற்றும் 6 ஆம் திகதிகளில் ஏனைய அரச தொழிற்றுறையினருக்கான அஞ்சல் மூல வாக்கெடுப்புகள் இடம்பெறவுள்ளன.

 

தேர்தல் திணைக்களத்தினதும், மாவட்ட செயலாளர் காரியாலயங்களிலும் உள்ள அதிகாரிகளுக்குமான அஞ்சல் மூல வாக்களிப்புக்காக எதிர்வரும் 8 ஆம் திகதி ஒதுக்கப்பட்டுள்ளது.

 

இந்தமுறை அஞ்சல் மூல வாக்களிப்புக்காக 5 லட்சத்து 67 ஆயிரத்து 291 பேர் தகுதி பெற்றுள்ளனர்.

 

இதேவேளை, இன்று விசேட தினமாக வாக்காளர் அட்டைகள் விநியோகிக்கப்பட்டதாக அஞ்சல் மா அதிபர் ரோஹன அபேரத்ன தெரிவித்தார்.

 

இதுவரை 4 மில்லியனுக்கும் அதிகமான உத்தியோகபூர்வ வாக்காளர்கள் அட்டைகள் விநியோகிக்கப்பட்டுள்ளன.

 

எதிர்வரும் 10 ஆம் திகதிக்கு முன்னதாக அவற்றை விநியோகம் செய்யும் நடவடிக்கைகளை நிறைவு செய்யவுள்ளதாக அஞ்சல் மா அதிபர் எமது செய்திச் சேவைக்குத் தெரிவித்தார்.

 

10 ஆம் திகதிக்கு பின்னரும் உரிய முறையில் வாக்காளர் அட்டைகள் கிடைக்காத பட்சத்தில் அருகில் உள்ள அஞ்சலகங்களில் அடையாளத்தை உறுதிப்படுத்தி பெற்றுக் கொள்ளுமாறு அவர் கோரிக்கை விடுத்தார்.