மட்டு-புலுக்குனாவ சன சமூக நிலையத்திற்கு பிரதியமைச்சர் ஹிஸ்புல்லாஹ் அன்பளிப்பு

Friday, January 02, 2015
இலங்கை::மட்டக்களப்பு மாவட்டத்தில் பட்டிப்பளை பிரதேச செயலாளர் பிரிவுக்குட்பட்ட புலுக்குனாவ, கொஹம்பகஸ்தலாவ,கெவிலியாமடு ஆகிய பிரதேசத்திற்கு மட்டக்களப்பு மாவட்ட அபிவிருத்திக் குழுவின் தலைவரும், பொருளாதார அபிவிருத்தி பிரதியமைச்சர் ஹிஸ்புல்லாஹ் செவ்வாய்கிழமை (31) விஜயம் செய்தார்.

 

அங்கு விஜயம் செய்த பிரதியமைச்சர் குறித்த பகுதி மக்களின் குறை,நிறைகள் தொடர்பில் கேட்டறிந்து கொண்டார்.

 

இதன் போது அப்பகுதி மக்கள் பிரதியமைச்சரிடத்தில் காணி,மின்சாரம்,யானை,போக்குவரத்து போன்ற பிரச்சினைகள் தொடர்பில் பல்வேறு கோரிக்கைகளை முன்வைத்தனர்.

 

இங்கு பிரதியமைச்சர் ஹிஸ்புல்லாஹ்வினால் அவரின் பன்முகப்படுத்தப்பட்ட வரவு செலவு திட்ட நிதி ஒதுக்கீட்டிலிருந்து 25000 ரூபாய் பெறுமதியான தளபாடங்கள் புலுக்குனாவ சன சமூக நிலையத்திற்கு அன்பளிப்பு செய்யப்பட்டது.

 

இவ் விஜயத்தில் ஸ்ரீலங்கா சுதந்திரக் கட்சியின் பட்டிருப்;பு தொகுதி அமைப்பாளர் சாணக்கியன் இராசமாணிக்கம், காத்தான்குடி நகர சபை உறுப்பினர் சியாட், பிரதியமைச்சர் ஹிஸ்புல்லாஹ்வின் இணைப்புச் செயலாளர் முஹம்மட் றுஸ்வின், பிரதியமைச்சர் ஹிஸ்புல்லாஹ்வின் இணைப்பாளர் எம்.ஐ.நாஸர் உட்பட பிரமுகர்கள் பலரும் கலந்து கொண்டனர்.