கடலில் தத்தளித்த இலங்கை மீனவர்கள்!

Thursday, September 04, 2014     

சென்னை::இந்திய கடலோர காவல் படையை சேர்ந்த 'விஷ்வாக்' ரோந்து கப்பல் கடந்த ஆக., 29ம் தேதி பாதுகாப்பு பணியில் ஈடுபட்டிருந்தது. அப்போது, இலங்கையை சேர்ந்த 4 மீன்பிடி படகுகளில், 23 இலங்கை மீனவர்கள், இந்திய கடல் எல்லையில் திசைமாறி வந்து தத்தளித்தனர்.

 

அவர்களை இந்திய கடலோர காவல்படையினர் மீட்டு, இலங்கை எல்லைக்குள் அவர்களை நேற்று கொண்டு சென்று சேர்த்துள்ளனர். 2014ம் ஆண்டில் மட்டும் இந்திய கடலோர காவல்படையினர், 171 இந்திய படகுகளையும், 930 இந்திய மீனவர்களையும், 55 இலங்கை படகுளையும், 353 இலங்கை மீனவர்களையும் மீட்டுள்ளனர்.