தேர்தல் கொலையுடன் தொடர்புடைய குற்றவாளிகள் 7 பேருக்கு மரண தண்டனை!!

Tuesday, April 29, 2014

இலங்கை::தேர்தல் கொலையுடன் தொடர்புடைய குற்றவாளிகள் 7 பேருக்கு நுவரெலியா மேல் நீதிமன்றம் மரண தண்டனை விதித்து தீர்ப்பளித்துள்ளது.

1994ம் ஆண்டு குறித்த கொலைச் சம்பவம் இடம்பெற்றதாக தெரிவிக்கப்பட்டுள்ளது.

குறித்த வழக்கு  (28) விசாரணைக்கு வந்த போது சந்தேகநபர்கள் மீதான குற்றம் ஆதாரத்துடன் நிரூபிக்கப்பட்டுள்ளதால் மரண தண்டனை விதிக்கப்பட்டுள்ளதாக பொலிஸ் ஊடகப் பேச்சாளர் அஜித் ரோஹண தெரிவித்தார்.

1994ம் ஆண்டு தேர்தல் காலத்தில் நில்தண்டாஹின்ன பகுதியில் இடம்பெற்ற கொலைச் சம்பவத்தில் 9 பேர் சந்தேகத்தின் பேரில் கைது செய்யப்பட்டனர்.

அதில் இரண்டு சந்தேகநபர்கள் ஏற்கனவே உயிரிழந்து விட்டதால் 7 பேருக்கு மரண தண்டனை விதிக்கப்பட்டுள்ளது.

நுவரெலியா மேல் நீதிமன்ற நீதிபதி லலித் ஏக்கநாயக்க குற்றவாளிகளுக்கு தண்டனை விதித்தார்.