இலங்கையர்கள் புகலிடம் கோர வேண்டிய அவசியம் எதுவும் கிடையாது: அவுஸ்திரேலியாவிற்கான இலங்கை உயர்ஸ்தானிகர் திசர சமரசிங்க!

Monday, December 30, 2013
இலங்கை::இலங்கையர்கள் புகலிடம் கோர வேண்டிய அவசியம் எதுவும் கிடையாது என அவுஸ்திரேலியாவிற்கான இலங்கை உயர்ஸ்தானிகர் திசர சமரசிங்க தெரிவித்துள்ளார். நாடு நல்லிணக்கத்தை நோக்கி நகர்ந்து செல்வதாகவும் இதனால் இலங்கையர்கள் வேறும் நாடுகளில் புகலிடம் கோர வேண்டிய அவசியம் கிடையாது எனவும் அவர் குறிப்பிட்டுள்ளார்.சிவில் யுத்தம் முற்று முழுதாக நிறைவடைந்திருப்பதாகத் தெரிவித்துள்ளார்.

இலங்கையில் பயங்கரவாதம் இல்லாதொழிக்கப்பட்டுள்ளதாகவும் சில தரப்பினர் பேலியான குற்றச்சாட்டுக்களை சுமத்தி வருவதாகவும் அவர் தெரிவித்துள்ளார். இலங்கை மீது சுமத்தப்படும் குற்றச்சாட்டுக்களில் உண்மையில்லை என அவர் சுட்டிக்காட்டியுள்ளார். புகலிடக் கோரிக்கையாளராகவோ அல்லது அகதிகயாகவோ அவுஸ்திரேலியாவிற்குள் இலங்கையர்கள் பிரவேசிக்க வேண்டிய அவசியமில்லை என அவர் குறிப்பிட்டுள்ளார்.

பொருளாதார நோக்கங்களின் அடிப்படையில் இலங்கையர்கள் அவுஸ்திரேலியாவில் புகலிடம் கோரி வருவதாகத் தெரிவித்துள்ளார். இலங்கைக்கும் அவுஸ்திரேலியாவிற்கும் இடையில் சிறந்த உறவுகள் காணப்படுவதாகத் தெரிவித்துள்ளார். குறிப்பாக கல்வி தொடர்பிலான உறவுகள் சிறந்த முறையில் காணப்படுவதாகக் குறிப்பிட்டுள்ளார்.