யுத்தத்தால் வெற்றிக்கொள்ள முடியாததை புதுக்கடைக்குச் சென்று வெற்றிக்கொள்ள முயற்சி - ஜனாதிபதி மஹிந்த ராஜபக்ஸ!

Saturday, December 01, 2012

இலங்கை::சட்டத்தரணி என்ற வகையில் அனைத்து சந்தர்ப்பங்களிலும் தாம் நீதிமன்றத்திற்கு மதிப்பளிப்பதாக ஜனாதிபதி மஹிந்த ராஜபக்ஸ தெரிவிக்கின்றார்.

நீதிமன்றமும் தனது கொளரவத்தைப் பாதுகாத்துக்கொள்ளும் வகையில் செயற்படவேண்டும் எனவும் ஜனாதிபதி கூறியுள்ளார்.
அலரி மாளிகையில் நேற்று நடைபெற்ற துறைமுகங்கள் அபிவிருத்தி பிரதி அமைச்சர் ரோஹித அபேகுணவர்தன எழுதிய இரண்டு நூல்களின் வெளியீட்டு வைபவத்தில் கலந்துகொண்டு உரையாற்றியபோதே ஜனாதிபதி இந்த கருத்துக்களை குறிப்பிட்டார்.

வேறு சிலர் பாராளுமன்றத்தில் நாட்டில் நிலவுகின்ற பிரச்சினைகள் குறித்து பேசுவதற்கு பதிலாக வேறொரு நிகழ்ச்சி நிரலின் பிரகாரமே உரையாற்றுவதாக  இதன்போது ஜனாதிபதி சுட்டிக்ககாட்டியுள்ளார்.
யுத்தம் நிறைவடைந்த போதிலும் நாடு எதிர்கொண்டுள்ள பிரச்சினைகள் இன்னும்  முடிவடையவில்லை என்றும் ஜனாதிபதி தெரிவித்துள்ளார்.
எதிர்நோக்குகின்ற பிரச்சினைகளைக் கண்டு பின்வாங்குபவர்களால் அரசியலில்  ஈடுபட முடியாது எனவும் ஜனாதிபதி குறிப்பிட்டுள்ளனர்.
நாட்டை பொறுப்பேற்க வேண்டுமாயின் பிரச்சினைகளை  எதிர்கொள்வதற்கும் தயாராக இருக்கவேணடும் என இதன்போது ஜனாதிபதி சுட்டிக்காட்டியுள்ளார்.

30  வருடகால யுத்தத்தினால் வெற்றிக்கொள்ள முடியாமல்போனதை புதுக்கடைக்குச் சென்று வெற்றிக்கொள்வதற்கு சிலர் முயற்சிகளை மேற்கொண்டுள்ளதாக ஜனாதிபதி மஹிந்த ராஜபக்ஸ தெரிவித்துள்ளார்.
ஒரு சிலரின் தவறுகள் பகிரங்கப்படுத்தப்படும் போது எதிர்க்கட்சி சென்று அரசாங்கம் மீது குற்றச்சாட்டுக்கள் சுமத்துவதாகவும் ஜனாதிபதி கூறியுள்ளார்.

மக்கள் எந்த சந்தர்பத்திலும் பொய்கூற முடியாது எனவும் நாட்டை உண்மையில் நேசிப்பவர்கள் குறித்து மக்கள் நன்கு அறிவார்கள் என்றும் ஜனாதிபதி மேலும் குறிப்பிட்டுள்ளார்.