Wednesday,May,30,2012இலங்கை::முல்லைத்தீவு மாவட்டம் புதுக்குடியிருப்பு கோம்பாவில் பகுதியில் வெடிபொருள் வெடித்தத்தில் குடும்பப்பெண் ஒருவர் படுகாயம் அடைந்துள்ளார்.
கோம்பாவில் நான்காம் வட்டாரம் அரசடிப் பிள்ளையார் கோவிலுக்கு அண்மையில் உள்ள வீடொன்றில் குப்பைகளை கூட்டி தீயிடுகையிலேயே நேற்றைய தினம் குப்பைக்குள் இருந்த வெடிபொருள் வெடித்துச் சிதறியதில் மூன்று பிள்ளைகளின் தாயான அசோக்குமார் மனோரஞ்சிதம் (37வயது) என்ற பெண் படுகாயம் அடைந்துள்ளார்.
சம்பவத்தினை அடுத்து காயமடைந்த பெண் முல்லைத்தீவு பொதுமருத்துவமனையில் சிகிச்சைக்காக அனுமதிக்கப்பட்டுள்ளதாக தகவல்கள் தெரிவிக்கின்றன.
முற்றாக கண்ணிவெடிகள், மிதிவெடிகள் அகற்றப்படுவதாகத் தெரிவித்தே இராணுவத்தினரால் மக்கள் இப்பகுதிகளினில் மீள்குடியேற்றப்பட்டு வருகின்றனர். இந்நிலையில் பரவலாக வெடிபொருட்களது வெடிப்புச் சம்பவங்கள் வன்னியில் இடம்பெற்றுவருகின்றமை மக்கள் மத்தியில் மிகுந்த அச்ச நிலையினைத் தோற்றுவித்திருக்கின்றது. ஏற்கனவே அண்மையினில் பளைப்பகுதியினில் இதே போன்றதொரு வெடி விபத்தினில் பச்சிளங்குழந்தைகள் இருவர் உயிரிழந்திருந்தமை குறிப்பிடத்தக்கதாகும்.
No comments:
Post a Comment