தேர்தல்கள் தொடர்பில் முக்கிய சந்திப்பு இன்று!

Thursday,September,01,2011
இடம்பெறவுள்ள எஞ்சிய 23 உள்ளுராட்சி மன்ற தேர்தல் வாக்களிப்பு தொடர்பாக முக்கிய கலந்துரையாடல் ஒன்று இன்று இடம்பெறவுள்ளது.

இந்த கலந்துரையாடல், தேர்தல்கள் ஆணையாளருக்கும் கட்சியின் பொது செயலாளர்களுக்கும் இடையில் இன்று பிற்பகல் 3 மணிக்கு இடம்பெறவுள்ளது.

இந்த தகவலை, மேலதிக தேர்தல்கள் ஆணையாளர் டபிள்யூ. சுமணசிரி எமது செய்திப்பிரிவிற்குத் தெரிவித்தார்.

ஒக்டோபர் 8 ஆம் திகதி இடம்பெறவுள்ள உள்ளுராட்சி சபை தேர்தல்கள் தொடர்பான முதலாவது சந்திப்பு இதுவெனவும் அவர் குறிப்பிட்டார்.

இதனிடையே, தேர்தல்கள் தொடர்பில் எதிர்வரும் காலத்தில் மேற்கொள்ளப்படும் நடவடிக்கைகள் தொடர்பில் இந்த கலந்துரையாடலின் போது கவனம் செலுத்தப்படும் என ஐக்கிய மக்கள் சுதந்திர கூட்டமைப்பின் பொதுச் செயலாளர் சுசில் பிரேமஜயந்த தெரிவித்தார்.

தேர்தல்களில் போது அரச வளங்கள் பாவிப்பதற்கு எதிராக கடும் நடவடிக்கை மேற்கொள்ளுமாறு, இன்றைய சந்;திப்பின் போது தேர்தல்கள் ஆணையாளரை கோரவுள்ளதாக ஐக்கிய தேசிய பொதுச் செயலாளர் திஸ்ச அத்தநாயக குறிப்பிட்டார்.

இதனிடையே, நீதியானதும் நேர்மையானதுமான தேர்தலை நடத்துவது தொடர்பில் இன்றைய சந்திப்பில் போது கலந்துரையாட எதிர்பார்ப்பதாக ஜே வி பியின் பிரதான செயலாளர் டில்வின் சில்வா தெரிவித்தார்.