வெலிக்கடை சிறைச்சாலையில் கைதிகள் இருவர் உண்ணாவிரதம்!

Thursday,September,01,2011
வெலிக்கடை சிறைச்சாலையின் விளக்கமறியல் கைதிகள் இருவர் உண்ணாவிரதத்தை ஆரம்பித்துள்ளனர்.

குறித்த 02 கைதிகளும் நேற்று பிற்பகல் முதல் சிறைச்சாலையின் கூரை மேலேறி உண்ணாவிரதத்தில் ஈடுபட்டுள்ளதாக சிறைச்சாலை உயரதிகாரி ஒருவர் குறிப்பிட்டார்.

நீதவானொருவரை இடமாற்றம் செய்ததாகக் கூறப்படும் சம்பவத்தை முன்னிலைப்படுத்தி அவர்கள் உண்ணாவிரதத்தில் ஈடுபட்டுள்ளதாக குறித்த அதிகாரி தெரிவித்தார்.

பயங்கரவாத தடைச்சட்டத்திற்கு புதிய ஒழுங்குவிதிகள்!

பயங்கரவாத தடைச்சட்டத்திற்கு மேலும் மூன்று புதிய ஒழுங்குவிதிகளை உள்வாங்குவதற்கு நடவடிக்கை எடுக்கப்படும் என சட்டமா அதிபர் மொஹான் பீரிஸ் தெரிவித்துள்ளார்.

எமது செய்தி பிரிவிற்கு வழங்கிய விஷேட செவ்வியின் போதே அவர் இதனை குறிப்பிட்டுள்ளார்.

இதனிடையே அவசர கால சட்டம் நேற்று நள்ளிரவு முதல் ரத்து செய்யப்பட்டுள்ளதாகவும் அவர் சுட்டிக்காட்டியுள்ளார்.

இதனிடையே பயங்கரவாத தடைச்சட்டத்தின் 27 வது சரத்துக்கமைய, மூன்று புதிய யோசனைகளை உள்ளடக்கவுள்ளதாகவும் அவர் குறிப்பிட்டுள்ளார்.

இந்தநிலையில் இதற்கான வர்த்தமானி அறிவித்தல் இன்று அல்லது எதிர்வரும் நாட்களில் வெளியிடப்படும் எனவும் சட்டமா அதிபர் மொஹான் பீரிஸ் தெரிவித்துள்ளார்.