.

முன்னாள் புலி உறுப்பினர்களுக்கான புனர்வாழ்வு மிகச் சிறந்த முறையில் இடம்பெற்றன:புலம்பெயர் மக்கள் கவனத்தில் கொள்ளவெண்டும்!

2012-01-28T16:12:00.008+05:30

Saturday, January 28, 2012
இலங்கை::சர்வதேச ஊடகங்களாலும், புலம்பெயர் மக்களாலும் பலதரப்பட்ட ஆதாரமற்ற குற்றச்சாட்டுக்கள் இலங்கை மீது சுமத்தப்பட்டு வந்தாலும், முன்னாள் புலி உறுப்பினர்களுக்கு வழங்கப்பட்ட புனர்வாழ்வு நடவடிக்கைள் எந்தவித குறைப்பாடுகளுமின்றி மிகச் சிறந்த முறையில் வழங்கப்பட்டுள்ளன.

தற்போது புனர்வாழ்வளிக்கப்பட்டுள்ள முன்னாள் புலி உறுப்பினர்கள், இறுதிக்கட்ட மனிதாபிமான நடவடிக்கைகளின் போது இராணுவத்தினரிடம் சரணடைந்தவர்களும், கைதுசெய்யப்பட்டவர்களும் ஆவார்கள். இவர்கள் அரசாங்கத்திற் கெதிராக புலிகளுடன் இணைந்து போராட்டம் நடத்தியவர்கள். ஆனால் இலங்கை அரசாங்கம் இவர்களுக்கு எந்தவித தண்டணையும் வழங்காது, அவர்களது எதிர்காலத்தை கவனத்தில் கொண்டு புனர்வாழ் நடவடிக்கையை மேற்கொண்டது.

இவர்களுக்கென பிரத்தியோகமான நலன்பரி நிலையங்களை அமைத்து அதில் அவர்களது அறிவு திறன் சார் அனைத்து திறமைகளையும் விருத்தி செய்யும் முகமாக பல கற்கைநெறிகளும், பயிற்சி நெறிகளும் அமுல்படுத்தப்பட்டன. இதில் ஆங்கில மொழி, தலைமைத்துவ பயிற்சி, சிறு வியாபாரங்களுக்கான முகாமைத்துவ பயிற்சி, கிளரிக்கள் சம்பந்தப்பட்ட விடயங்கள், கணணி தொழில்நுட்பம், மேசன், குழாய் திருத்தும் வேலைகள், தச்சு தொழில், கலைகள் மற்றும் கைத்தொழில்கள், இசை மற்றும் நடனம், உணவு தயாரித்தல் போன்றவற்றிக்கான தொழில் பயிற்சிகள் என பலதரப்பட்ட துறைகளில் இவர்களுக்கு பயிற்சிகள் வழங்கப்பட்டன.

இப் புனர்வாழ்வுத் திட்டமானது, மிகச்சிறந்த முறையில் வடிவமைக்கப்பட்டிருந்தது. அதாவது இவர்கள் சமூகத்துடன் இணைக்கப்படும் காலப்பகுதியில் சுயதொழில்களை மேற்கொண்டு சமூகத்தில் உற்பத்தித்திறன் மிக்க உறுப்பினராக திகழ்வதற்கான வாய்பை ஏற்படுத்தும் வகையில் மிகச் சிறந்த முறையில் இப் புனவாழ்வு திட்டங்கள் வடிவமைக்கப்பட்டிருந்தது.

இதைத்தவிர யுத்தத்தின் காரணமாக தமது கல்வியை தொடர முடியாமல் இருந்தவர்களுக்கு தமது கல்வியை மீண்டும் தொடரும் வாய்பையும் இலங்கை அரசு இவர்களுக்கு ஏற்படுத்திக்கொடுத்தது. இவர்கள் க.பொ.த(சா/த) மற்றும் க.பொ.த(உ/த) ஆகிய பரீட்சைகளிலும் தோற்றினர். கடந்த 2010 இல் க.பொ.த(சா/த) பரீட்சையில் 175பேர் தோற்றியதுடன் இதில் 38பேர் அனைத்து பாடங்களிலும் சித்தியடைந்திருந்தனர், க.பொ.த(உ/த) பரீட்சையில் 361பேர் தோற்றியதுடன் 222 பேர் அனைத்து பாடங்களிலும் சித்தியடைந்தனர். இவ்வாறு இவ் இளைஞர் யுவதிகளை அவர்களது சமூகத்தில் தலைநிமிர்ந்து வாழ வைப்பதற்காகவே பல திட்டங்கள் மேற்கொள்ளப்பட்டு வந்தன.

இராணுவத்தினரை பற்றி தப்பான அபிப்பிராயங்களை கொண்டிருந்த முன்னாள் புலி உறுப்பினர்கள், புனர்வாழ்வு நிலையங்களில் இராணுவத்தினர் நடந்துகொண்ட முறையில் இருந்து அவர்கள் தொடர்பான உண்மையான நிலையை அறிந்து கொண்டனர். இராணுவத்தினர் தமக்காக மேற்கொண்ட சேவைகளுக்காக முன்னாள் புலி உறுப்பினர்கள் தமது மனமார்ந்த நன்றிகளையும் தெரிவித்துள்ளனர்.

இவ்வாறு சமூகத்தில் இணைக்கப்பட்ட இவர்கள் தமது குடும்பங்களுடன் கடந்த கால கசப்பான உணர்வுகளை மறந்து மிகவும் சந்தோசமாக வாழ்கின்றனர். அண்மையில் கொண்டாடப்பட்ட பொங்கல் தினத்தை முன்னிட்டு வடக்கு மற்றும் கிழக்கில் பல நிகழ்வுகள் இராணுவத்தினரால் ஏற்பாடு செய்யப்பட்டிருந்தன. கிழக்கில் மூதூர் மற்றும் வாகறை பகுதியில் இடம்பெற்ற பொங்கல் நிகழ்வில் புனர்வாழ்வு பெற்று சமூகத்துடன் இணைக்கப்பட்ட முன்னாள் புலி உறுப்பினர்கள் கலை நிகழ்ச்சிகளில் கலந்துக்கொண்டு, தமது திறமைகளை வெளிப்படுத்தியுள்ளனர். இந் நிகழ்வின் போது இவர்கள் இராணுவத்தினர் சேவைக்காக அவர்கள் நன்றியையும் தெரிவித்துள்ளனர்.

இவ்வாறு முன்னாள் புலி உறுப்பினர்களாக இருந்து தற்போது சமூகத்துடன் இணைக்கப்ட்டுள்ள இவ் இளைஞர் யுவதிகளும், தமிழ்மக்களும் மிகவும் சந்தோசமாக தமது வாழ்வைகொண்டு நடாத்தி வருகின்றனர். இவ்வாறிருக்கையில் இலங்கையின் உண்மை நிலவரத்தை பற்றி அறியாத பல சர்வதேச சமூகத்தினர் இலங்கை அரசாங்காத்தை பற்றிய ஆதாரமற்ற குற்றச்சாட்டுக்களை சுமத்துவதன் மூலம் இம் மக்களது நிம்மதியை மீண்டும் இல்லாமல் போய்விடுமோ? என்ற பீதி இவர்களுக்கிடையே நிலவுவதை புலம்பெயர் மக்கள் கவனத்தில் கொள்ளவெண்டும்.

பிலிப்பைன்ஸ் கப்பலால் காப்பாற்றப்பட்ட இலங்கை மீனவர்கள்!

2012-01-28T16:11:00.005+05:30

Saturday, January 28, 2012
இலங்கை::மீன்பிடி நடவடிக்கைகளுக்காக கடலுக்குச் சென்று காணாமல் போயிருந்த ஆறு மீனவர்கள் பிலிப்பைன்ஸ் கப்பல் ஒன்றினால் காப்பாற்றப்பட்டுள்ளதாக கடற்றொழில் திணைக்களம் தெரிவித்துள்ளது.

காலி மீன்பிடி துறைமுகத்திலிருந்து கடந்த 6ஆம் திகதி மீன்பிடி நடவடிக்கைளுக்காக சென்றிருந்த இந்த மீனவர்கள் 11ஆம் திகதி கடலில் காணாமல் போயுள்ளனர்.

இந்த மீனவர்களை உடனடியாக நாட்டிற்கு அழைத்துவர நடவடிக்கை மேற்கொள்ளுமாறு சம்பந்தப்பட்ட அதிகாரிகளுக்கு உறவினர்கள் வேண்டுகோள் விடுத்துள்ளனர்.

இது தொடர்பாக கடற்றொழில் திணைக்களத்திடம் தொடர்புகொண்டு வினவியபோது, சிங்கப்பூர் உயர்ஸ்தானிகராலயம் ஊடாக காப்பாற்றப்பட்ட மீனவர்களை நாட்டிற்கு அழைத்துவர நடவடிக்கைகள் மேற்கொள்ளப்பட்டுள்ளதாக குறிப்பிட்டுள்ளனர்.

கோவிலிலிருந்து குழந்தையைக் கடத்திய விபச்சார அழகி கைது!

2012-01-28T15:43:00.004+05:30

Saturday, January 28, 2012
வில்லியனூர்::வில்லியனூர் அருகே பெரியபேட் பகுதியை சேர்ந்தவர் ரமேஷ். மேடைப்பாடகரான இவர் கட்டிட வேலையும் செய்து வந்தார். இவரது மனைவி அலமேலு. இவர்களுக்கு ஹேமநாதன் (வயது 3), புவனேஷ் (1 1/2) ஆகிய 2 ஆண் குழந்தைகள் உள்ளனர். அலமேலு சுய உதவிக்குழு செயலாளராக உள்ளார்.

இந்த நிலையில் கடந்த 23-ந்தேதி அலமேலு தனது குழந்தைகளை தனது மாமியார் பத்மாவதியிடம் பார்த்து கொள்ளும்படி கூறிவிட்டு பாங்கியில் பணம் செலுத்த புதுவைக்கு சென்றார். ஆனால் பத்மாவதி குழந்தைகளை ரமேசிடம் ஒப்படைத்துவிட்டு கரையாம்புத்தூரில் உள்ள தனது மகள் வீட்டுக்கு சென்று வருவதாக கூறி சென்றார்.

இதற்கிடையே ரமேசின் தம்பி மனைவிக்கு வளைகாப்பு நிகழ்ச்சி நடத்த தேதி குறிப்பதற்காக ரமேசும், அவரது சித்தி ஆதவல்லியும் வில்லியனூர் திருக்காமீசுவரர் கோவிலில் உள்ள அம்மன் கோவிலுக்கு சென்றனர். அப்போது 2 குழந்தைகளையும் தங்களுடன் அழைத்து சென்றனர். அப்போது அய்யர் வர தாமதமானதால் குழந்தைகளை கோவில் வளாகத்தில் விளையாட விட்டு விட்டு அய்யருக்காக காத்துக் கொண்டிருந்தனர்.

குழந்தைகள் ஹேமநாதனும், புவனேசும் கோவில் சூலாயுதத்தில் இருந்த எலுமிச்சை பழங்களை எடுத்து விளையாடிக் கொண்டிருந்தன. அப்போது கோவிலுக்கு வந்த 20 வயது மதிக்கத்தக்க பெண் குழந்தைகளிடம் அன்பாக பழகினாள். புவனேசை தூக்கி முத்தமிட்டு கொஞ்சினாள். அறிமுகம் இல்லாத பெண் குழந்தையை தூக்கி கொஞ்சுகிறாளே என்று சந்தேகம் அடைந்து அந்த பெண்ணிடம் யார்? பெயர் என்ன என்ற விவரம் கேட்டார்.

அதற்கு அந்த பெண் தான் பொம்மையார்பாளையத்தை சேர்ந்தவர் என்றும் ஜிப்மர் ஆஸ்பத்திரியில் வேலை செய்து வந்ததாகவும் சாமி தரிசனம் செய்ய கோவிலுக்கு வந்ததாகவும் கூறினாள்.

இதற்கிடையே கோவிலுக்கு அய்யர் வரவே ரமேசும், ஆதவல்லியும் அவரிடம் வளைகாப்பு நிகழ்ச்சியை நடத்த நல்ல நேரத்தை கேட்டனர். அய்யரும் ஒரு நாளில் தேதி மற்றும் நேரத்தை குறித்து கொடுத்தார்.

இதையடுத்து அய்யருக்கு தட்சணை கொடுத்துவிட்டு பார்த்த போது ஹேமநாதன் மட்டும் தனியாக விளையாடிக் கொண்டிருந்தான். புவனேசை காணவில்லை. மேலும் குழந்தையை கொஞ்சிய அந்த பெண்ணையும் காணவில்லை. இதனால் திடுக்கிட்டு போன ரமேஷ், ஹேமநாதனிடம் புவனேஷ் எங்கே என்று கேட்டார். அதற்கு புவனேசை அத்தை (கொஞ்சிய பெண்) தூக்கி கொண்டு கடைக்கு சென்று பிஸ்கட் வாங்கி வர சென்றதாக கூறினான்.

இதனால் அதிர்ச்சி அடைந்த ரமேசும், ஆதவல்லியும் அங்குள்ள கடை வீதிகளில் குழந்தையையும் அந்த பெண்ணையும் தேடினார்கள். ஆனால் எங்கும் இல்லை. இதற்கிடையே குழந்தையை அந்த பெண் கூடப்பாக்கம் ரோட்டில் தூக்கி சென்றதாகவும் அந்த பெண் ரமேசுக்கு உறவினராக இருக்கலாம் என கருதி அந்த பெண்ணிடம் எதுவும் கேட்கவில்லை என்று ரமேசின் பக்கத்து வீட்டை சேர்ந்த கொடிஅரசி என்பவர் ரமேசிடம் தகவல் கூறினார். இதையடுத்து கூடப்பாக்கம் ரோட்டில் தேடி சென்ற போது அந்த பெண் குழந்தையுடன் மாயமாகி இருப்பது தெரிய வந்தது.

இதையடுத்து குழந்தையை பறிகொடுத்த ரமேஷ் மற்றும் அவரது மனைவி அலமேலு ஆகியோர் குழந்தை கடத்தப்பட்டது குறித்து வில்லியனூர் போலீசில் புகார் செய்தனர். போலீஸ் சூப்பிரண்டு நந்தகோபால் உத்தரவின் பேரில் இன்ஸ் பெக்டர் பாஸ்கரன், சப்-இன்ஸ்பெக்டர் முத்துகுமார் ஆகியோர் வழக்குப்பதிவு செய்து தீவிர விசாரணை மேற்கொண்டனர்.

குழந்தையை மீட்கும் பொருட்டு சப்-இன்ஸ்பெக்டர்கள் முத்துகுமார், செந்தில்குமார், உதவி சப்-இன்ஸ்பெக்டர்கள் பெரியசாமி, ராஜன் ஆகியோர் தலைமையில் 4 தனிப்படைகள் அமைக்கப்பட்டன.

இந்த 4 தனிப்படை தீவிர விசாரணை மேற்கொண்டனர். கோவிலில் குழந்தைகளுடன் அந்த பெண் கொஞ்சிய போது ஒரு ரசீதை தவறவிட்டு சென்றது கண்டுபிடிக்கப்பட்டது. புதுவை அரசு ஆஸ்பத்திரி எதிரே நகராட்சிக்கு சொந்தமான நோயாளிகளின் உறவினர்கள் தங்குமிடத்தில் தங்கி இருந்ததற்கான ரசீது என்று தெரியவந்தது.

இதையடுத்து போலீசார் தங்குமிடத்துக்கு சென்று விசாரித்த போது அந்த பெண் விபசார அழகி என்பதும், பல வாலிபர்கள் அவருடன் தொடர்பு வைத்துள்ளது தெரியவந்தது.

இதைத்தொடர்ந்து அந்த பெண்ணுடன் தொடர்பு வைத்திருந்த 2 வாலிபர்களை பிடித்து போலீசார் விசாரணை நடத்தினர். அவர்கள் கொடுத்த தகவலின் பேரில் அந்த பெண்ணுடன் அரியாங்குப்பத்தை சேர்ந்த ஒரு வாலிபர் நெருங்கி பழகி வந்தது தெரியவந்தது.

இதைத்தொடர்ந்து அந்த வாலிபரை பிடித்து விசாரணை நடத்தினர். அப்போது அந்த வாலிபர் அந்த பெண் திருக்கனூரில் தங்கி இருக்கலாம் என்று தகவல் தெரிவித்தனர். மேலும் அந்த பெண் திருமணமான சில நாட்களில் கணவரை விட்டு பிரிந்து விட்டதாகவும் விழுப்புரம் அருகே இருவேல்குடி கிராமத்தை சேர்ந்த ஒரு வாலிபரை 2-வது திருமணம் செய்து கொண்டதாகவும், எனவே இருவேல்குடிக்கு அந்த பெண் சென்றிருக்கலாம் என கூறினார். ஆனால் போலீசார் அங்கு சென்று வந்த போது அந்த பெண் 2-வது கணவரையும் பிரிந்து சென்றதும் தெரியவந்தது.

இதற்கிடையே புதுக்கோட்டை மாவட்டம் நல்லூர் அருகே கிரண்குடி கிராமத்தில் அவரது தாத்தா அழகன் வீடு உள்ளது தெரியவந்தது. இதையடுத்து போலீசார் கிரண்குடியில் உள்ள அழகன் வீட்டுக்கு விரைந்து சென்றனர். அங்கு குழந்தையுடன் அந்த பெண் இருப்பது தெரியவந்தது.

இதையடுத்து போலீசார் குழந்தை புவனேசை மீட்டனர். மேலும் அந்த பெண்ணை கைது செய்தனர். குழந்தையையும் அந்த பெண்ணையும் புதுவைக்கு அழைத்து வந்தனர். பின்னர் குழந்தையை பெற்றோரிடம் ஒப்படைத்தனர். அவர்கள் ஆனந்த கண்ணீர் வடித்து மகிழ்ச்சியுடன் குழந்தையை பெற்றுக் கொண்டனர்.

முகப்பேரில் கடத்தப்பட்ட 4 வயது சிறுமி மீட்பு!

2012-01-28T15:41:00.007+05:30

Saturday, January 28, 2012
பூந்தமல்லி::முகப்பேரில் மாயமான 4 வயது சிறுமி இன்று அதிகாலை மீட்கப்பட்டாள். சிறுமியை கடத்தி சென்ற போதை ஆசாமி கைது செய்யப்பட்டார். சென்னை முகப்பேர், கிழக்கு புகழேந்தி சாலையை சேர்ந்தவர் கந்தன்(28). பெயின்டர். இவரது மனைவி சந்தியா. இவர்களுடைய மகள்கள் மோனிஷா (6), பவதாரணி(4). நேற்று மாலை பவதாரணி, வீட்டின் அருகில் உள்ள கடைக்கு பென்சில் வாங்க சென்றாள். பின்னர் வீடு திரும்பவில்லை. இதனால் அதிர்ச்சியடைந்த பெற்றோர், பவதாரணியை பல இடங்களில் தேடி பார்த்தும் கிடைக்கவில்லை. இது குறித்து கந்தன், ஜெஜெ நகர் போலீஸ் நிலையத்தில் புகார் செய்தார். புகார் குறித்து இன்ஸ்பெக்டர் சுரேந்திரன் வழக்குப் பதிவு செய்து விசாரணை நடத்தி வந்தார்.

விசாரணையில், மர்ம நபர் ஒருவர் பவதாரணியை கடத்திச் சென்றது தெரியவந்தது. கடத்தப்பட்ட சிறுமியை மீட்க 4 தனிப்படை அமைக்கப்பட்டது. சென்னை ஓட்டேரி, அண்ணா நகர், திருவேற்காடு, பூந்தமல்லி உள்ளிட்ட பகுதியில் போலீசார் 4 குழுவாக பிரிந்து சிறுமியை தேடினர். இரவு முழுவதும் தேடுதல் வேட்டை நடந்தது. இந்நிலையில் இன்று அதிகாலை 5.30 மணியளவில் கந்தன் வீட்டின் அருகில் உள்ள சாலையில் பவதாரணியை அழைத¢துக்கொண்டு வாலிபர் ஒருவர் நடந்து செல்வதை அப்பகுதி மக்கள் பார்த்தனர். அந்த நபரை தடுத்தனர். அப்போது சிறுமியை விட்டு விட்டு தப்பியோட முயன்றவரை மக்கள் மடக்கி பிடித்தனர். சிறுமியை எங்கு அழைத்து செல்கிறாய் என கேட்டனர். போதையில் இருந்த அவரால் சரியாக பதில் கூற முடியவில்லை. ஆத்திரம் அடைந்த மக்கள், வாலிபரை சரமாரியாக தாக்கினர். தகவல் அறிந்து பவதாரணியின் பெற்றோர் வந்து அவளை அழைத்து சென்றனர்.

ஜெஜெ நகர் போலீசாருக்கு தகவல் தெரிவிக்கப்பட்டது. விரைந்து வந்த போலீசார், அந்த வாலிபரை போலீஸ் நிலையத்திற்கு அழைத்து சென்றனர். விசாரணையில், அவர் விருகம்பாக்கத்தை சேர்ந்த மணிகண்டன் (33) என்பதும் பிளம்பர் வேலை செய்து வருவதாகவும் கூறினார். போதைக்கு அடிமையானாதால் வீட்டை விட்டு உறவினர்கள் துரத்தி விட்டது தெரியவந்தது. முகப்பேரில் உள்ள எனது அக்கா கோமதி வீட்டுக்கு வந்தேன். குழந்தையை நான் கடத்தவில்லை என கூறியுள்ளார். போலீசார் தொடர்ந்து அவரிடம் விசாரிக்கின்றனர்..

குழந்தையை கடத்தியவனை தூக்கில் போட வேண்டும்: தாய் ஆவேசம்!

சென்னை::முகப்பேரில் கடத்தல்காரனிடம் இருந்து மீட்கப்பட்ட குழந்தையின் தாய் சந்தியா கூறியதாவது:-

என் குழந்தைகள் இருவரையும் பாட்டி வீட்டில் விட்டுச் சென்று இருந்தோம். நேற்று மாலையில் பென்சில் வாங்க பவதாரிணி தெருவில் உள்ள கடைக்கு சென்றார். வீடு திரும்பவில்லை என்று எனக்கு தகவல் சொன்னார்கள். பதட்டத்துடன் வீடு திரும்பினேன். இரவு முழுவதும் குழந்தையை தேடினோம். தூக்கமின்றி தவித்தேன்.

இன்று காலை 6.30 மணி அளவில் எங்கள் தெருமுனையில் பவதாரிணியை ஒருவன் ஆட்டோவின் இருந்து இறக்கி விட்டு தப்ப முயன்றான். அதைப் பார்த்ததும் டீக்கடை வைத்திருக்கும் மணிகண்டன் மற்றும் தெருவில் உள்ள பெண்கள் எல்லாம் விரட்டிச் சென்று அவனை பிடித்தனர்.

அந்தப்பாவி இரவு முழுவதும் என் குழந்தையை எங்கு வைத்து இருந்தானோ, உடல் முழுவதும் சித்ரவதைப்படுத்திய காயங்கள் இருக்கிறது. அதை நினைக்கையில் பெற்ற வயிறு பற்றி எரிகிறது. இவனையெல்லாம் சும்மா விடக்கூடாது. தூக்கில் போட வேண்டும். எந்த குழந்தைக்கும் இந்த கதி ஏற்படக்கூடாது.

இவ்வாறு ஆவேசத்துடன் கூறினார்.

கடத்தல்காரனை பிடித்த பெண்கள் பிரியா, சுமதி ஆகியோர் கூறியதாவது:-

குழந்தை பவதாரிணி எங்களிடம் நன்றாக சிரித்து விளையாடுவாள். அவள் கடத்தப்பட்டதை கேள்விப்பட்டதும் துடித்துப் போனோம். தெருவில் யாரும் இரவு முழுவதும் தூங்கவில்லை. குழந்தை எங்கிருப்பாளோ? என்ன ஆனாளோ? என்று பதட்டத்துடன் இருந்தோம்.

இன்று காலை தெருமுனையில் கடத்தல்காரன் ஆட்டோவில் வந்து குழந்தையை இறக்கி விட்டு தப்பி ஓட முயன்றதை பார்த்து விட்டோம். உடனே விரட்டிச் சென்று பக்கத்து தெருவில் டீக்கடைக்கார தம்பியுடன் சேர்ந்து பிடித்தோம். சிறுமியை அவன் சித்ரவதை செய்து இருக்கிறான். இவன்களை எல்லாம் சும்மா விடக்கூடாது.

இவ்வாறு அவர்கள் கூறினர்.

இதுபோல் அப்பகுதி பெண்கள் ஆவேசத்துடன் கருத்து தெரிவித்தனர். குழந்தை பத்திரமாக திரும்பி வந்ததால் பெற்றோர் நிம்மதி அடைந்தனர்.

இலங்கை மீது அழுத்தங்களை பிரயோகிக்க வேண்டாம்: ஐக்கிய நாடுகளின் செயலாளர் நாயகம் பான் கீ மூனிடம் இலங்கை அரசாங்கம் கோரிக்கை விடுத்துள்ளது!

2012-01-28T15:41:00.002+05:30

Saturday, January 28, 2012
இலங்கை::இலங்கை மீது அழுத்தங்களை பிரயோகிக்க வேண்டாம் என அரசாங்கம், ஐக்கிய நாடுகளின் செயலாளர் நாயகம் பான் கீ மூனிடம் கோரிக்கை விடுத்துள்ளது.எதிர்வரும் மார்ச் மாதம் நடைபெறவுள்ள ஐக்கிய நாடுகள் மனித உரிமை கவுன்ஸில் அமர்வுகளின் போது இலங்கைக்கு எதிராக பல்வேறு அழுத்தங்கள் பிரயோகிக்கப்படக் கூடுமென அரசாங்கம் அச்சம் வெளியிட்டுள்ளது.

குறிப்பாக தாருஸ்மன் குழுவில் அங்கம் வகித்த ஸ்டீவன் ராட்னர் இலங்கைக்கு எதிராக போர்க் குற்றச்சாட்டுக்களை முன்வைக்கத் திட்டமிட்டுள்ளதாக தெரிவிக்கப்படுகிறது.

இவ்வறாhன அழுத்தங்கள் ஐக்கிய நாடுகளின் மனித உரிமைப் பிரகடனத்தை மீறும் வகையில் அமைந்துள்ளது என அரசாங்கம் தெரிவித்துள்ளது.

ஸ்டீவன் ரட்னரின் சட்டவிரோத செயற்பாடுகள் குறித்து, ஜெனீவாவிற்கான இலங்கைத் தூதுவர் தமரா குணநாயகம் அரசாங்கத்திற்கு தெரிவித்துள்ளார்.

ஐக்கிய நாடுகள் அமைப்பின் செயலாளர் நாயகத்தினால் நியமிக்கப்பட்ட குழு உறுப்பினர் ஒருவர், உறுப்பு நாடு ஒன்றுக்கு எதிராக செயற்படும் முதல் சந்தர்ப்பம் இதுவென இலங்கை அரசாங்கம் குற்றம் சுமத்தியுள்ளது.

இலங்கையில் நல்லிணக்கத்தையும் புனரமைப்பையும் முன்னெடுத்துச்செல்ல ஐரோப்பிய நாடுகள் ஆதரவை வழங்கவேண்டும்-EU!

2012-01-28T11:59:00.007+05:30

Saturday, January 28, 2012
இலங்கை::இலங்கையில் நல்லிணக்கத்தையும் புனரமைப்பையும் முன்னெடுத்துச்செல்ல ஐரோப்பிய நாடுகள் ஆதரவை வழங்கவேண்டும் என்று கருத்துக்கள் வெளியிடப்பட்டுள்ளன.ஐரோப்பிய நாடுகளின் நாடாளுமன்ற உறுப்பினர்கள் மற்றும் ஐரோப்பிய ஆணைக்குழுவின் உறுப்பினர்கள் போன்றோர் கடந்த 5 ஆம் திகதி ஐரோப்பிய நாடாளுமன்றத்தில் சந்தித்து கலந்துரையாடிய போதே இவ்வாறு தெரிவிக்கப்பட்டுள்ளனது.

ஐரோப்பிய நாடாளுமன்ற உறுப்பினரான Van Orden அங்கு கருத்துரைக்கையில், இலங்கையில் நல்லிணக்கத்தை ஏற்படுத்த ஐரோப்பிய நாடாளுமன்ற உறுப்பினர்கள் பொதுவில் உடன்பட்டுள்ளதாக தெரிவித்துள்ளார்.

அண்மையில் இலங்கைக்கு சென்று திரும்பிய நாடர்ளுமன்ற உறுப்பினர்களும் இதன்போது கருத்துக்களை பகிர்ந்துக்கொண்டனர்.

நல்லிணக்க ஆணைக்குழுவின் அறிக்கை வெளியிடப்பட்டுள்ள போதும் அதனை நடைமுறைப்படுத்த இலங்கை அரசாங்கம் முன்வரவேண்டும் என்று இதன்போது வலியுறுத்தப்பட்டது.

இலங்கையின் இனப்பிரச்சினைக்கு தீர்வைக்காண நல்லிணக்க ஏற்படுத்தப்படுவது அவசியமானதாகும். இந்தநிலையில் நல்லிணக்க ஆணைக்குழுவின் அறிக்கை இறுதிப்போரில் இடம்பெற்ற
குற்றச்செயல்கள் குறித்த தகவல் எதனையும் வெளியிடாமையால் தமிழ்த் தேசியக் கூட்டமைப்பு அந்த அறிக்கையை முழுமையாக நிராகரித்துள்ளது.

எனவே இலங்கை அரசாங்கம் குறித்த விடயங்கள் தொடர்பிலும் தமது கவனத்தை திருப்பவேண்டும் என்று ஐரோப்பிய நாடாளுமன்ற உறுப்பினர்கள் கருத்துரைத்தனர்.

இதன்போது கருத்துரைத்த ஐரோப்பிய ஒன்றியத்துக்கான இலங்கைத் தூதுவர் ரவீந்திரநாத் ஆரியசிங்க, நல்லிணக்க ஆணைக்குழுவின் அறிக்கையை நடைமுறைப்படுத்த அவகாசம் தேவைப்படுவதாக குறிப்பிட்டார்.

ஆடம்பரத்துக்காக படித்த பெண்களும் விபச்சாரத்தில் ஈடுபடுகிறார்களே...! - உச்சநீதிமன்றம் கவலை!

2012-01-28T11:59:00.003+05:30

Saturday, January 28, 2012
புதுடெல்லி::பட்டதாரி பெண்களும், நல்ல குடும்பத்தைச் சேர்ந்தவர்களும் பணத்திற்கும், ஆடம்பர வாழ்க்கைக்கும் ஆசைப்பட்டு விபச்சார தொழிலில் ஈடுபட்டு வருவதாக உச்சநீதிமன்றம் கவலை தெரிவித்துள்ளது.

விபச்சார தொழிலில் ஈடுபட்டுள்ள பெண்களின் மறுவாழ்வுக்காக நடவடிக்கை எடுப்பது தொடர்பான வழக்கு, உச்சநீரிமன்றத்தில் நீதிபதிகள் அல்டமஸ் கபீர், கியான் சுதா மிஸ்ரா ஆகியோர் அடங்கிய பெஞ்ச் முன்பு வெள்ளிக்கிழமை விசாரணைக்கு வந்தது. அப்போது, விபச்சாரத்தில் ஈடுபட்டுள்ள பெண்களுக்கான மறுவாழ்வு நடவடிக்கைகளை ஆய்வு செய்ய மத்திய அரசால் அமைக்கப்பட்ட சிறப்பு குழுவைச் சேர்ந்த வழக்கறிஞர்கள் பிரதீப் கோஷ், ஜெயந்த் பூஷண் ஆகியோரைப் பார்த்து நீதிபதிகள் கேள்வி எழுப்பினர்.

மறுவாழ்வு நடவடிக்கை

அப்போது நீதிபதிகள் கூறுகையில், "இன்றைய தினம், நல்ல குடும்பத்தைச் சேர்ந்த, பல்கலைக்கழகத்தில் பயிலும் பெண்களும், பட்டதாரிகளும் கூட ஆடம்பர வாழ்க்கைக்கு ஆசைப்பட்டு விபச்சார தொழிலில் ஈடுபட்டு வருவதை காண்கிறோம். அவர்கள் தாங்களாக விருப்பப்பட்டு இந்த தொழிலில் ஈடுபடுகிறார்கள் என்றால், அவர்களின் மறுவாழ்வுக்கு மத்திய அரசு சார்பில் என்ன நடவடிக்கை எடுக்கப்பட்டுள்ளது.

கண்துடைப்பு கூடாது

விபச்சார தொழிலில் ஈடுபட்டுள்ள பெண்களின் மறுவாழ்வுக்காக, நாம் எத்தனையோ கருத்தரங்குகள், மாநாடுகள் நடத்துகிறோம். ஆனால் அத்துடன் அந்த பிரச்சினையை முடித்துக்கொள்கிறோம். உறுதியான நடவடிக்கைகள் எடுப்பதில்லை. ஏதாவது நடவடிக்கை எடுப்பதை நாம் உறுதி செய்ய வேண்டும். அது நமது மனசாட்சிக்கு திருப்தியாக அமைய வேண்டும். வெறும் கண்துடைப்பாக அமைந்துவிடக்கூடாது. எனவே, மத்திய, மாநில அரசுகள் எடுத்து வரும் மறுவாழ்வு நடவடிக்கைகளை உச்சநீதிமன்றம் தொடர்ந்து கண்காணித்து வரும்," என்றனர்.

மேலும், வக்கீல்கள் பிரதீப் கோஷ், ஜெயந்த் பூஷண் ஆகியோரைக் கொண்ட சிறப்பு கமிட்டி செயல்பட சட்ட கமிஷன் அலுவலகத்தில் 3 வாரங்களுக்குள் இடம் ஒதுக்குமாறு கூடுதல் அட்டர்னி ஜெனரல் பி.பி.மல்கோத்ராவுக்கு நீதிபதிகள் உத்தரவிட்டனர்.

மன்னார், விடத்தல்தீவு வீதியின், மாந்தை சந்தியில் இடம்பெற்ற வாகன விபத்தில் இருவர் பலி!

2012-01-28T11:43:00.005+05:30

Saturday, January 28, 2012
இலங்கை:: மன்னார் மாந்தை விடத்தல் தீவு பிரதான வீதியில் இன்று வெள்ளிக்கிழமை மாலை இடம் பெற்ற விபத்தில் மன்னார் பனங்கட்டிக்கோட்டு கிராமத்தைச் சேர்ந்த 2 இளைஞர்கள் சம்பவ இடத்திலேயே உயிரிழந்துள்ளனர்.

வீடத்தல் தீவு பிரதான வீதியூடாக மன்னார் நோக்கி மோட்டார் சைக்கிளில் பயணித்தவர்களும் மன்னாரில் இருந்து விடத்தல் தீவு பிரதான வீதியூடாக பயணித்துக்கொண்டிருந்த அரச பேருந்துமே நேருக்கு நேர் மோதி விபத்துக்குள்ளாகின.

இதன் போது மோட்டார் சைக்கிளில் பயணித்த இருவரும் சம்பவ இடத்திலேயே உயிரிழந்துள்ளனர். இவர்களின் சடலங்ள் மன்னார் வைத்தியசாலைக்கு கொண்டுவரப்பட்டது.

உயிரிழந்தவர்கள் மன்னார் பனங்கட்டிக்கோட்டு கிராமத்தைச் சேர்ந்த ஜேசப் அகஸ்ரின் றீகன் (வயது-30)இஅந்தோனிப்பிள்ளை றொமைஸ் றொமி(வயது-30)என தெரியவந்துள்ளது.

அந்தோனிப்பிள்ளை றொமைஸ் றொமி என்பவருக்கு எதிர்வரும் வாரம் திருமணம் நடைபெறவிருப்பதனால் குறித்த இரண்டு போரும் யாழ்ப்பாணத்திற்கு சென்று உறவினர்களுக்கு அழைப்பிதல்களை கொடுத்து விட்டு மீண்டும் மன்னார் திரும்பும் போதே இவ் விபத்து இடம் பெற்றுள்ளதாக தெரிவிக்கப்படுகிறது. சடலங்கள் மன்னார் வைத்தியசாலையில் பிரேத அறையில் வைக்கப்பட்டுள்ளன.

மணிப்பூர் தேர்தல்: வாக்குப் பதிவு தொடக்கம்!

2012-01-28T11:32:00.003+05:30

Saturday, January 28, 2012
இம்பால்::உத்தரபிரதேசம், பஞ்சாப், உத்தரகாண்ட், மணிப்பூர், கோவா ஆகிய 5 மாநில சட்டசபைக்கு தேர்தல் நடக்கிறது. உத்தரபிரதேச மாநிலத்தில் பிப்ரவரி 8-ந்தேதி தொடங்கி மார்ச் 3-ந்தேதி வரை 7 கட்டமாக வாக்குப்பதிவு நடைபெறுகிறது. பஞ்சாப், உத்தரகாண்ட் மாநிலத்தில் ஜனவரி 30-ந்தேதியும், கோவாவில் மார்ச் 3-ந்தேதியும் தேர்தல் நடக்கிறது.

60 தொகுதிகள் கொண்ட மணிப்பூர் சட்டசபைக்கு இன்று ஒரே கட்டமாக தேர்தல் நடைபெற்றது. இதற்காக 2,357 வாக்குச்சாவடிகள் அமைக்கப்பட்டு இருந்தது. தேர்தல் பணியில் 12,967 ஊழியர்கள் ஈடுபடுத்தப்பட்டனர். தேர்தலில் ஆளும் காங்கிரஸ் கட்சி 60 தொகுதியிலும் வேட்பாளர்களை நிறுத்தி உள்ளது. மம்தாவின் திரிணாமுல் காங்கிரஸ் 47 தொகுதிகளில் போட்டியிடுகிறது. மணிப்பூர் மக்கள் கட்சி, மக்கள் ஜனநாயக கூட்டணி அமைத்து தேர்தலை சந்திக்கிறது.

பாரதீய ஜனதா, தேசியவாத காங்கிரஸ், ஐக்கிய ஜனதா தளம், ராஷ்ட்ரீய ஜனதா தளம், மார்க்சிஸ்டு கம்யூனிஸ்டு, இந்திய கம்யூனிஸ்டு கட்சி ஆகியவையும் களத்தில் உள்ளன. காலை 7 மணிக்கு ஓட்டுப்பதிவு தொடங்கியது. பிற்பகல் 3 மணி வரை ஓட்டுப்பதிவு நடைபெறுகிறது. மொத்தம் 17 லட்சத்து 40 ஆயிரத்து 576 பேர் வாக் களிக்கிறார்கள். காலையில் நிலவிய கடும் குளிரையும் பொருட்படுத்தாமல் மக்கள் ஆர்வமுடன் ஓட்டளிக்க வந்தனர்.

முதல்-மந்திரி ஒக்ராம் இபோபி சிங் போட்டியிடும் தொபால் தொகுதியில் மும்முனை போட்டி நிலவியது. இங்கு பெண்கள் ஆர்வமுடன் வந்து வாக்களித்தனர். தேர்தல் பிரசாரத்தின்போது மாநிலத்தில் பல்வேறு பகுதிகளில் தீவிரவாதிகள் வன்முறையில் ஈடுபட்டனர். குடியரசு தினத்தன்று வெடிகுண்டு வீச்சு சம்பவமும் நடந்தது. இம்பாலின் மேற்கு பகுதியில் உள்ள ஓய்வு பெற்ற அரசு அதிகாரி வீட்டில் நேற்று நடந்த குண்டு வெடிப்பில் ஒருவர் காயம் அடைந்தார்.

இதே போல் காக்வாவில் சக்தி வாய்ந்த 2 குண்டுகள் வெடித்தது. இதுபோன்ற வன்முறை சம்பவங்களால் இன்றைய ஓட்டுப்பதிவின்போது பலத்த பாதுகாப்பு போடப் பட்டு இருந்தது. 60 ஆயிரத் துக்கும் மேற்பட்ட பாதுகாப்பு படையினர் பாதுகாப்பில் ஈடுபட்டனர். ஒவ்வொரு வாக்குச்சாவடியிலும் துணை ராணுவப் படையினர் நிறுத்தப்பட்டு இருந்தனர். மணிப்பூர் மாநில முதல்- மந்திரி ஒக்ராம் இபோபிசிங் 2 முறை தேர்தலில் வெற்றி பெற்று 2002-ம் ஆண்டு முதல் முதல்-மந்திரியாக இருக்கிறார்.

தற்போது 3-வது முறையாக தேர்தலில் போட்டியிடுகிறார். அவர் தொடர்ந்து ஆட்சியை தக்கவைக்க தீவிர பிரசாரத்தில் ஈடுபட்டார். அதே சமயம் எதிர்க்கட்சிகள் இந்தமுறை ஆட்சியை கைப்பற்ற முனைப்புடன் உள்ளன. இந்தியாவில் காஷ்மீருக்கு அடுத்தபடியாக மணிப்பூரில்தான் தீவிரவாத செயல்கள் தலைதூக்கி உள்ளன. காங்கிரசே இதற்கு காரணம் என்று குற்றம் சாட்டியும், இந்த பிரச்சினையை முன் வைத்தும் எதிர்க்கட்சிகள் பிரசாரத்தில் ஈடுபட்டன.

அதை நிரூபிப்பதுபோல் தேர்தல் பிரசாரத்தின்போது தீவிரவாதிகள் தாக்குதல் சம்பவங்கள் நடந்தன. இது இன்றைய ஓட்டுப்பதிவில் பிரதிபலிக்குமா? என்று எதிர்பார்க்கப்படுகிறது. ஓட்டுப்பதிவு முடிந்ததும் மின்னணு ஓட்டுப்பதிவு எந்திரங்கள் சீல் வைக்கப்பட்டு பாதுகாப்பான இடங்களில் வைக்கப்படுகிறது. மார்ச் 6-ந்தேதி ஓட்டு எண்ணிக்கை நடக்கிறது.

பேச்சுவார்த்தைகளில் சர்வதேசத்தின் மத்தியஸ்தம் அவசியமானது என தமிழ்த் தேசியக் (புலி)கூட்டமைப்பு கட்சி தெரிவித்துள்ளது!

2012-01-28T11:30:00.004+05:30

Saturday, January 28, 2012
இலங்கை::பேச்சுவார்த்தைகளில் சர்வதேசத்தின் மத்தியஸ்தம் அவசியமானது என தமிழ்த் தேசியக் (புலி)கூட்டமைப்பு கட்சி தெரிவித்துள்ளது.

எதிர்காலத்தில் நடைபெறவுள்ள பேச்சுவார்த்தைகளில் சர்வதேசத்தின்மத்தியஸ்தம் வரவேற்கப்பட வேண்டியது என தமிழ்த் தேசியக் (புலி)கூட்டமைப்பின் பாராளுமன்றஉறுப்பினர் சுரேஸ் பிரேமசந்திரன் தெரிவித்துள்ளார்.

அரசாங்கத்துடனான பேச்சுவார்த்தைகளில் அமெரிக்கா மத்தியஸ்தம்வகிக்க வேண்டுமென தமிழ்த் தேசியக் (புலி)கூட்டமைப்பின் பாராளுமன்ற உறுப்பினர்களான சிறிதரன்மற்றும் செல்வம் அடைக்கலநாதன் ஆகியோர் கோரியிருந்தனர்.

அண்மையில் இலங்கைக்கு விஜயம் செய்திருந்த அமெரிக்க பிரதித்துணைச்செயலாளர் அலிஷா அய்ராசிடம் இந்தக் கோரிக்கை விடுக்கப்பட்டுள்ளது.

சர்வதேச நாடுகளின் மத்தியஸ்தத்துடன் பேச்சுவார்த்தைகள்முன்னெடுக்கப்படுவதனை தமது கட்சி வரவேற்பதாக சுரேஸ் பிரேமசந்திரன் குறிப்பிட்டுள்ளார்.

ஐக்கிய நாடுகள் அமைப்பு, பொதுநலவாய பேரவை, ஐரோப்பியஒன்றியம், சார்க் அமைப்பு போன்ற ஏதேனும் ஓன்றின் மத்தியஸ்தத்துடன் பேச்சுவார்த்தைகளைநடத்த முடியும் என அவர் தெரிவித்துள்ளார்.

பாராளுமன்றத் தெரிவுக்குழுவில் தமிழ்த் தேசியக் (புலி)கூட்டமைப்பு அங்கம்வகிக்காமை குறித்து அரசாங்கம் விமர்சனங்களை வெளியிட்டு வருகின்றமை குறிப்பிடத்தக்கது.

பருத்தித்துறையைச் சேர்ந்த மாணவி இதயநாதர் மேரி டிலக்சனாவின் படுகொலையுடன் தொடர்புடைய சந்தேக நபர்கள் கைது!

2012-01-28T11:07:00.003+05:30

Saturday, January 28, 2012
இலங்கை::பருத்தித்துறையைச் சேர்ந்த மாணவி இதயநாதர் மேரி டிலக்சனாவின் படுகொலையுடன் தொடர்புடைய சந்தேக நபர்கள் எனக் கருதப்படும் இருவர் கைது செய்யப்பட்டுள்ளனர்.மோப்ப நாய்களைப் பயன்படுத்தியே நேற்று முன்தினம் இப்படுகொலையுடன் தொடர்புடைய சந்தேக நபர்கள் இருவரைக் கைது செய்துள்ளதாக பொலிஸார் தெரிவித்துள்ளனர்.

இதேவேளை நேற்று முன்தினம் மாலை மாணவியின் சடலம் பருத்துத்துறை நீதவான் நீதிமன்ற உத்தரவின் கீழ் அல்வாய் வடக்கு, சக்கோட்டை பழைய தேவாலயத்தின் பொது மயானத்தில் புதைக்கப்பட்டுள்ளது.

அல்வாய் வடக்கு சக்கோட்டை பழைய வேதக் கோயிலடிக்கு அண்மையில் உள்ள ஆட்கள் இல்லாத வீடொன்றில், சக்கோட்டை றோ.க.த.க.வில் கல்வி பயிலும் 17 வயதுடைய இதயநாதர் மேரி டிலக்சனா அண்மையில் வாய் மற்றும் மூக்கில் பிளாஸ்டரால் ஒட்டப்பட்ட நிலையில் கொலை செய்யப்பட்டிருந்தார்.

உபி தேர்தல் அறிக்கையில் அயோத்தியில் பிரமாண்ட ராமர் கோயில் கட்டப்படும்!

2012-01-28T10:56:00.008+05:30

Saturday, January 28, 2012
லக்னோ::அயோத்தியில் பிரமாண்ட ராமர் கோயில் கட்டப்படும். அதில், பாஜ உறுதியாக இருக்கிறது’ என்று உபி.யில் நேற்று வெளியிடப்பட்ட அதன் தேர்தல் அறிக்கையில் கூறப்பட்டுள்ளது. அயோத்தியில் ராமர் கோயில் கட்டும் பிரச்னையை கடந்த 80, 90ம் ஆண்டுகளில் பாஜ கடுமையாக கிளப்பி வந்தது. ராமர் கோயில் கட்ட அது எடுத்த முடிவுக்கு காங்கிரஸ், கம்யூனிஸ்ட்டுகள் உட்பட அனைத்து அரசியல் கட்சிகளும் எதிராக கைகோர்த்து நின்றன. பின்னர், படிப்படியாக இப்பிரச்னையை பாஜ கிடப்பில் போட்டது. இந்த நிலையில், உத்தர பிரதேச சட்டப்பேரவை தேர்தலை முன்னிட்டு ராமர் கோயில் கட்டும் சர்ச்சையை மீண்டும் அது கையில் எடுத்துள்ளது.

உத்தர பிரதேசத்தில் அடுத்த மாதம் 8ம் தேதியில் இருந்து 7 கட்டங்களாக சட்டப்பேரவை தேர்தல் நடக்கிறது. இதற்கான தேர்தல் அறிக்கையை லக்னோவில் பாஜ நேற்று வெளியிட்டது. கட்சியின் மூத்த தலைவர்கள் உமாபாரதி, கல்ராஜ் மிஸ்ரா, முக்தார் அப்பாஸ் நக்வி, மாநில பாஜ தலைவர் சாகி ஆகியோர் இதை வெளியிட்டனர்.

அதில், ‘பிற்படுத்தப்பட்டோருக்கான 27 சதவீத இடஒதுக்கீட்டில் முஸ்லிம்களுக்கு 4.5 சதவீதம் உள்ஒதுக்கீடு அளிப்பதை பாஜ கடுமையாக எதிர்க்கிறது. உபி.யில் பாஜ ஆட்சிக்கு வந்தால், அயோத்தியில் பிரமாண்ட ராமர் கோயில் கட்டப்படும். பாஜ அதில் உறுதியாக இருக்கிறது. இந்த கோயிலை கட்டுவது, கோடிக்கணக்கான மக்களின் நம்பிக்கையுடன் பிணைந்தது. ராமர் இந்த நாட்டின் பெருமைக்குரியவர். கோயில் கட்டுவதற்கு தடையாக உள்ள எல்லா முட்டுக்கட்டைகளையும் பாஜ தகர்த்தெறியும்’ என்று கூறப்பட்டுள்ளது.

காங்கிரஸ் புதிய முயற்சி

உ.பி.யில் காங்கிரசால் கடந்த 20 ஆண்டுகளாக ஆட்சியை பிடிக்க முடியவில்லை. இத்தேர்தலில் அதிக இடங்களை பிடிக்கும் முயற்சியில் அது ஈடுபட்டுள்ளது.
அதற்காக, இம்மாநில மக்களின் கவனத்தை ஈர்ப்பதற்காக, புதிய உத்தர பிரதேசம், புதிய மேம்பாடு என்ற கோஷத்துடன் கூடிய 9 அம்ச அறிக்கையை மாநிலத்தின் பல்வேறு நகரங்களில் நேற்று அது வெளியிட்டது.

அதில், நீதி, மேம்பாடு, உரிமை, வேலைவாய்ப்பு, விவசாயம், கல்வி, சுகாதாரம், பெண்கள் அதிகாரம், பிற்படுத்தப்பட்ட மற்றும் தாழ்த்தப்பட்ட மக்களுக்கு அதிக அதிகாரம் ஆகிய அம்சங்கள் இடம் பெற்றுள்ளன. விவசாயிகளுக்கு பகலில் பாசனத்துக்கும், இரவில் வீட்டுக்கும் மின்சாரம் வழங்கப்படும் என்று அதில் கூறப்பட்டுள்ளது.

இந்தியாவும் அமெரிக்காவும் கூறுகின்றது என்பதற்காக மாகாண சபைகளுக்கு எல்லை மீறிய அதிகாரங்களை வழங்க முடியாது-சம்பிக்க ரணவக்க!

2012-01-28T10:56:00.006+05:30

Saturday, January 28, 2012
இலங்கை::இந்தியாவும் அமெரிக்காவும் கூறுகின்றது என்பதற்காக 13 ஆவது திருத்தச் சட்டத்திற்கும் அப்பால் சென்று அரசியல் தீர்வுத் திட்டத்தை முன்வைக்க இயலாது. குறிப்பாக மாகாண சபைகளுக்கு எல்லை மீறிய அதிகாரங்கள் வழங்குவதை அனுமதிக்க முடியாது என அமைச்சரும் ஜாதிக ஹெல உறு மயவின் பொதுச் செயலாளருமான சம்பிக்க ரணவக்க தெரிவித்தார்.

தேசிய பிரச்சினைக்கான தீர்வில் ஏனைய கட்சிகளினதும் அமைப்புக்களினதும் ஆதரவு பெற்றுக் கொள்ள வேண்டுமே தவிர அரசும் தமிழ்த் தேசியக் கூட்டமைப்பும் தன்னிச்சையாக செயற்பட முடியாது எனவும் அவர் குறிப்பிட்டார்.

மாகாண சபைகளுக்கு மேலதிகமான அதிகாரங்களை வழங்குவது என்பது மிகவும் ஆழமாக சிந்திக்கப்பட வேண்டிய விடயமாகும். காவற்துறை மற்றும் காணி அதிகாரங்களை அரசியல் தீர்வாக வழங்குவதற்கு ஜாதிக ஹெல உறுமய கொள்கை ரீதியாகவே எதிர்ப்புத் தெரிவிக்கின்றது. 13 ஆவது திருத்தச் சட்டத்தை முழு அளவில் நடைறைப்படுத்தும்போது அது நாட்டிற்கு ஆபத்தானதாகவே அமையும்.

எனவே புதிய திருத்தங்களுக்கு அது உட் படுத்தப்பட வேண்டும். உதாரணமாக சூழலுக்கான விசேட சட்ட மூலம் 1988 ஆம் ஆண்டு கொண்டு வரப்பட்டாலும் அதனை 1991 ஆம் ஆண்டே நடைறைப்படுத்த முடிந்தது. சூழலுக்கு எல்லை நிர்ணயம் செய்ய இயலாது. இந்தியாவில் சூழல் பாதிக்கப்பட்டால் அது இலங்கையையும் தாக்கும் என்பதே உண்மை.

அரசியல் தீர்வு விடயத்தில் ஏனைய நாடுகளின் விருப்பத்திற்கு ஏற்ப செயல்பட முடியாது. ஜே.ஆர். ராஜீவ் ஒப்பந்தம், சந்திகா பிரபாகரன் ஒப்பந்தம், ஜீ.எல். பாலசிங்கம் ஒப்பந்தம் போன்றவைகளால் நாட்டிற்கு தேவையற்ற பிரச்சினைகளே வந்தன. இந்த நிலையை மீண்டும் ஏற்படுத்திக்கொள்ளக் கூடாது எனவும் சம்பிக்க ரணவக்க கூறினார்.

காவல்துறையில் இணைந்து கொள்ளுமாறு முன்னாள் புலிபோராளிகளுக்கு அரசாங்கம் அழைப்பு!

2012-01-28T10:54:00.003+05:30

Saturday, January 28, 2012
இலங்கை::காவல்துறையில் இணைந்து கொள்ளுமாறு முன்னாள் புலிபோராளிகளுக்கு அரசாங்கம் அழைப்பு விடுத்துள்ளது.

உரிய கல்வித்தகமைகள் மற்றும் ஏனைய தகுதிகளைக் கொண்டவர்கள்காவல்துறைத் திணைக்களத்தில் இணைந்து கொள்ள முடியும் என அறிவிக்கப்பட்டுள்ளது.

புனர்வாழ்வு அளிக்க்பபட்டு சமூகத்துடன் மீள இணைக்கப்பட்ட முன்னாள் புலிகளுக்கு அரசாங்கம் இந்த அழைப்பை விடுத்துள்ளது.

காவல்துறையில் இணைந்து சேவையாற்ற விரும்பும் முன்னாள் புலி போராளிகளுக்கு அதற்கான சந்தர்ப்பம் ஏற்படுத்திக் கொடுக்கப்படும் என புனர்வாழ்வு ஆணையாளர் நாயகம் சந்தனராஜகுரு தெரிவித்துள்ளார்.

புனர்வாழ்வு அளிக்கப்பட்டுள்ள நிலையில் முன்னாள் புலிபோராளிகளைஉதாசீனம் செய்ய முடியாது என அவர் குறிப்பிட்டுள்ளார்.

உரிய தகமைகளும், விருப்பமும் உடைய முன்னாள் புலிபோராளிகள்காவல்துறையில் இணைந்து கொள்ளத் தடையில்லை என அவர் தெரிவித்துள்ளார்.

ஏனாமில் கலவரம் வெடித்தது : நிறுவன மேலாளர் படுகொலை போலீஸ் தடியடியில் தொழிலாளி பலி!

2012-01-28T10:48:00.002+05:30

Saturday, January 28, 2012
புதுச்சேரி::ஏனாமில் நேற்று தொழிலாளர்கள் திடீர் கலவரத்தில் ஈடுபட்டனர். ஆலைக்குள் புகுந்து தொழிலாளர்கள் தாக்கியதில் மேலாளர் உயிரிழந்தார். கலவரத்தை கட்டுப்படுத்த போலீசார் துப்பாக்கிச்சூடு நடத்தினர். தடியடியில் ஒரு தொழிலாளி பலியானார். பலர் காயமடைந்தனர். புதுச்சேரி மாநிலத்தின் நிர்வாகத்துக்கு உட்பட்ட ஏனாம் பகுதி, ஆந்திர மாநிலம் கிழக்கு கோதாவரி மாவட்டத்தில் உள்ளது. ஏனாமில் உள்ள செராமிக் தொழிற்சாலையில் ஆயிரத்துக்கும் மேற்பட்டோர் பணிபுரிந்து வருகின்றனர். 300 பேர் நிரந்தர ஊழியர்கள். மீதமுள்ள தொழிலாளர்கள் பணி நிரந்தரம், சம்பள உயர்வு உள்பட பல்வேறு கோரிக்கைகளை வலியுறுத்தி கடந்த 3 மாதங்களாக பல்வேறு கட்ட போராட்டங்களை நடத்தி வருகின்றனர்.

தொழிற்சாலை நிர்வாகத்துக்கு எதிராக ஒர்க்கர்ஸ் யூனியன் என்ற தொழிலா ளர் சங்கம் ஆரம்பிக்கப்பட்டது. இதற்காக 6 ஊழியர்கள் சஸ்பெண்ட் செய்யப்பட்டனர். அதுபோல் தொழிற்சங்க நடவடிக்கையில் ஈடுபட்ட முரளிமோகன் என்ற தொழிலாளி மீது தொழிற்சாலையில் மின்விசிறி திருடியதாக கூறி அவர் பணி நீக்கம் செய்யப்பட்டார்.

சஸ்பெண்ட் செய்யப்பட்ட 6 பேரையும், டிஸ்மிஸ் செய்யப்பட்ட முரளி மோகனையும் மீண்டும் பணியில் சேர்க்க வேண்டும் என்று கூறி தொழிலாளர்கள் நேற்று காலை தொழிற்சங்க வளாகத்தில் போராட்டம் நடத்தினர். இதற்கிடையே ஒரு தரப்பினர் ஆலைக்கு வேலைக்கு சென்றனர். அவர்களை மற்ற தொழிலாளர்கள் தடுத்து நிறுத்தினர். இதனால் இரு தரப்பினருக்கும் மோதல் ஏற்பட்டது.

இது பற்றி தகவலறிந்து சம்பவ இடத்துக்கு வந்த ஏனாம் இன்ஸ்பெக்டர் பெரியசாமி தலைமையிலான போலீசார் தொழிலாளர்கள் மீது தடியடி நடத்தினர். இதில் பலர் காயம் அடைந்தனர். போராட்டத்தில் ஈடுபட்ட 10 பேரை காவல் நிலையம் அழைத்து சென்றனர். காவல் நிலையம் அழைத்து செல்லப்பட்ட 10 பேரில் முரளி மோகன் என்ற தொழிலாளி நெஞ்சு வலியால் மரணம் அடைந்தார். போலீசாரின் தாக்குதலில் காவல் நிலையத்துக்கு உள்ளே முரளி மோகன் கொலை செய்யப்பட்டதாக தொழிலாளர்கள் குற்றம் சாட்டினர். பிரேத பரிசோதனை இங்கு நடத்தக்கூடாது, வேறொரு மருத்துவமனைக்கு கொண்டு சென்று பிரேத பரிசோதனை செய்ய வேண்டும் என வலியுறுத்தினர். தொழிலாளி இறந்த சம்பவம் தொழிலாளர்களிடையே பெரும் அதிர்ச்சியையும் ஆத்திரத்தையும் ஏற்படுத்தியது.

தொழிலாளர் போரா ட்டம் தீவிரம் அடைந்து கலவரமாக மாறியது. கைது செய்தவர்களை விடுதலை செய்யக் கோரினர். ஆனால் போலீசார் மறுத்ததால், காவல் நிலையத்தை சூறையாடினர். 40 வாகனங்களுக்கு தீ வைத்தனர் இதையடுத்து போலீ சார், கலவரக்காரர்கள் மீது துப்பாக்கிச்சூடு நடத்தினர். ராய் சூர்யபிரகாஷம், இன்தம் ராஜகிருஷ்ணன், கனடி சீனு, கனடி சீனுவாசராவ், சூர்ய நாராயணன், கொடிசி கோபாலகிருஷ்ணன், ஜார்ஜ் விக்டர் பாபு, துர்கா பிரகாஷ், போன்டம் சூர்ய பகவான் ஆகிய 9 பேர் படுகாயம் அடைந்து ஏனாம் அரசு மருத்துவமனையில் சேர்க்கப்பட்டனர்.

ஆவேசமடைந்த தொழிலாளர்கள் ஆலையின் உள்ளே சென்று தாக்குதல் நடத்தினர். அங்கிருந்த ஆலையின் மேலாண் இயக்குநர் ஜி.என் நாயுடு, ஆலையின் மேலாளர் சந்திரசேகரன் ஆகியோர் மீது தாக்குதல் நடத்தப்பட்டதில், ஆலையின் மேலாளர் சந்திரசேகரன் படுகாயம் அடைந்து அங்கேயே இறந்தார். தொடர்ந்து பொறியியல் கல்லூரி, ஆலையின் வாகனத்தை அடித்து, நொறுக்கி தீ வைத்தனர். தொடர்ந்து ஏனாம் பிராந்தியத்தில் பதற்றமான சூழ்நிலை நிலவி வருகிறது.

தொழிலாளர்களின் போராட்டத்தையொட்டி, ஏனாமில் பலத்த போலீஸ் பாதுகாப்பு போடப்பட்டுள்ளது. இறந்து போன தொழிலாளியின் உடலுக்கு அரசியல் பிரமுகர்கள் அஞ்சலி செலுத்தினர். நீதி விசாரணை நடத்த கோரிக்கை: இந்திய கம்யூனிஸ்ட் கட்சி மாநிலச் செயலாளர் விஸ்வநாதன் நிருபர்களிடம் கூறுகையில், போராட்டம் நடத்திய தொழிலாளர்கள் மீது துப்பாக்கிச்சூடு நடத்தியது கண்டிக்கத்தக்கது. இதற்கு புதுச்சேரி அரசு முழு பொறுப்பு ஏற்க வேண்டும். உயர் நீதிமன்ற நீதிபதி தலைமையில் விசாரணை குழு அமைக்க வேண்டும் என்றார்.

இலங்கை மீது பொய்க் குற்றம் சுமத்தும் அமெரிக்காவில் ஊடக சுதந்திரம் இல்லை:சர்வதேச ஊடக அமைப்பொன்று குற்றச்சாட்டு!

2012-01-28T02:45:00.004+05:30

Saturday, January 28, 2012
இலங்கை::ஊடக சுதந்திரத்தை இலங்கை அரசாங்கம் சீர்குலைத்து வருகிறதென்று சர்வதேச அரசியல் சக்திகளின் கைப்பொம்மைகளும் புலிகளின் டொலர்களுக்காக வாலை ஆட்டிக் கொண்டு, புலிகளின் கட்டளையை நிறைவேற்றுவதற்காக இலங்கையில் ஊடக சுதந்திரம் பறிக்கப்படுகிறதென்று அரசாங்கத்திற்கு எதிராக தற்போது ஆர்ப்பாட்டங்களை நடத்தி வரும் சுயநலவாத சக்திகள் அமெரிக்காவில் இடம்பெற்று வரும் ஊடக சுதந்திர மீறல்கள் குறித்து வாயடைத்து போயிருக்கின்றன.

எல்லைகளைக் கடந்த பத்திரிகையாளர் என்ற சர்வதேச அமைப்பு தனது வருடாந்த அறிக்கையில் ஊடக சுதந்திரத்தை மீறிய நாடுகளில் 27 ஆம் இடத்தில் இருந்து வந்த அமெரிக்கா தற்போது 47 வது இடத்திற்கு பின்னடைவை அடைந்துள்ளது என்று அறிவித்துள்ளது. அமெரிக்கா, கெமரோஸ் மற்றும் தாய்வானுக்கு பின்னால் மனித உரிமை மீறல் பட்டியலில் இருந்து வருகின்றது.

இதேவேளையில் பூரண ஊடக சுதந்திரத்தைக் கொண்டுள்ள நாடுகளில் பின்லாந்து, நோர்வே, இஸ்டோனியா, நெதர்லாந்து, ஒஸ்ரியா ஆகியவற்றுடன் வடகொரியாவும் இருக்கின்றது. பாகிஸ்தான் உலகில் ஊடகவியலாளர்களுக்கு உயிராபத்தை ஏற்படுத்தக்கூடிய படுமோசமான நாடு எனவும் இவ்வறிக்கையில் குறிப்பிடப்பட்டுள்ளது. இரிட்ரியாவும் ஊடக சுதந்திரத்தை அபகரிக்கும் நாடுகளின் அணியில் இருக்கின்றது.

ஊடக சுதந்திரத்தை சீர்குலைக்கும் நாடுகளின் தரப்படுத்தலில் ஆப்கானிஸ்தான் 150 ஆவது ஸ்தானத்தையும் பாகிஸ்தான் 151 ஆம் ஸ்தானத்தையும் பெற்றுள்ளன. பாகிஸ்தானில் கடந்தாண்டு 10 ஊடகவியலாளர்கள் படுகொலை செய்யப்பட்டுள்ளார்கள். லிபியா இந்த தரப்படுத்தலில் 154 ஆவது ஸ்தானத்தையும் யெமன் 171 ஆவது ஸ்தானத்தையும் வகித்து வருகின்றன.

எகிப்து முன்னர் 39 ஆவது ஸ்தானத்தில் இருந்து இப்போது 169 ஆவது ஸ்தானத்திற்கு பின்னடைவை அடைந்துள்ளது. ஊடக சுதந்திரத்தை பறிக்கும் நாடுகள் அணியில் சிரியா 176 வது ஸ்தானத்தை பெற்றுள்ளது.

ஆபிரிக்காவில் டிஜி புட்டி நாடு 49 ஆவது ஸ்தானத்திலிருந்த 159 ஆவது ஸ்தானத்திற்கும் மலாவி 146 ஆவது ஸ்தானத்திற்கும் உகண்டா 139 ஆவது ஸ்தானத்திற்கும் பின்னடைவை அடைந்துள்ளன. இவ்விதம் உலகில் ஜனநாயக நாடு என்று தன்னை பறைசாற்றிக் கொள்ளும் அமெரிக்கா போன்ற மேற்கத்தேய நாடுகளில் மனித உரிமை மீறல்கள் மட்டுமன்றி ஊடக சுதந்திரமும் பெருமளவில் வீழ்ச்சியடைந்துள்ளது.

மனித உரிமை மீறல்கள், யுத்தக் குற்றச்சாட்டுகள் பற்றி பின்னணியில் இருந்து இலங்கை அரசாங்கத்திற்கு எதிராக சர்வதேச ரீதியில் எதிர்ப்பை கிளப்புவதற்கு பொம்மலாட்டங்களை வெற்றிகரமான முறையில் செயற்படுத்தி வரும் அமெரிக்கா போன்ற நாடுகள் மனித உரிமை மீறல்கள் விடயத்தில் மிகவும் மோசமான முறையில் நடந்து கொண்டிருப்பதற்கான ஆதாரங்கள் இப்போது வெளிப்பட்டுள்ளன.

ஈராக்கில் 24 பேரை படுகொலை செய்த அமெரிக்க இராணுவ உத்தியோகத்தர் ஒருவருக்கு அமெரிக்க அரசாங்கம் 3 மாத சிறைத்தண்டனையை மாத்திரம் விதித்தது. அவரது சம்பளத்தை அரசாங்கம் பறிமுதல் செய்ய வேண்டுமென்று விடுக்கப்பட்ட கோரிக்கைக்கு அமெரிக்க அரசாங்கம் மறுப்பு தெரிவித்து, அவரது சம்பளம் தடுக்கப்பட்டால் அந்த உத்தியோகத்தரின் குடும்பத்தினர் கஷ்டப்படுவார்கள் என்ற காரணத்தைக் காட்டி அக்கோரிக்கையை நிராகரித்தது.

இவ்விதம் அமெரிக்கா மனித உரிமை மீறல்கள், ஊடக சுதந்திரம், யுத்தக் குற்றச்சாட்டுகள் தொடர்பாக ஒன்றுக்கொன்று மாறுபட்ட கொள்கைகளை கடைப்பிடித்து வருகின்றது.

தானும் தன்னை ஆதரிக்கும் நாடுகளும் மனித உரிமைகளை மீறினால் அது குற்றமல்ல என்ற போக்கில் இருந்துவரும் அமெரிக்காவும் அதனைச் சார்ந்த மேற்கத்தேய நாடுகளும் இலங்கை போன்ற சிறிய நாடுகளில் மனித உரிமை மீறல்கள் இடம்பெற்றதாக வெளிவரும் வதந்திகளையும், போலிக் குற்றச்சாட்டுகளை யும் நம்பி அந்நாடுகள் மீது இத்தகைய குற்றச்சாட்டுகளை சுமத்தி சர்வதேச ரீதியில் அந்நாடுகளுக்கு பெரும் தீங்கை ஏற்படுத்தி வருகின்றன.

யாழ்ப்பாணத்திலிருந்து கொழும்பு நோக்கிச் சென்ற பஸ்ஸில் மறைத்து வைக்கப்பட்டிருந்த வெடிபொருட்கள் மீட்பு!

2012-01-27T19:54:00.006+05:30

Friday, January 27, 2012
இலங்கை::யாழ்ப்பாணம் கொழும்பு பஸ்ஸில் யாழ்ப்பாணத்திலிருந்து கொழும்பு நோக்கிச் சென்ற பஸ்ஸில் மறைத்து வைக்கப்பட்டிருந்த வெடிபொருட்கள் மீட்பு:-

யாழ்ப்பாணம் கொழும்பு பஸ்ஸில் வெடிபொருட்கள் மீட்கப்பட்டுள்ளதாகத் தெரிவிக்கப்படுகிறது.

யாழ்ப்பாணத்திலிருந்து கொழும்பு நோக்கிச் சென்ற பஸ்ஸில் மறைத்து வைக்கப்பட்டிருந்த வெடிபொருட்கள் மீட்கப்பட்டுள்ளதாக காவல்துறையினர் தெரிவித்துள்ளனர்.
பஸ்ஸில் 38 பயணிகள் பயணம் செய்துள்ளதாகக் குறிப்பிட்டுள்ளார்.

சம்பவம் தொடர்பில் பஸ்ஸின் சாரதியும், நடத்துனரும் கைது செய்யப்பட்டு, விசாரணைக்கு உட்படுத்தப்பட்டுள்ளனர்.
இருக்கைக்கு அடியில் வெடிபொருட்கள் மீட்கப்பட்டதாகவும், வெடிபொருட்களை கொண்டு சென்ற நபர் அடையாளம் காணப்பட்டுள்ளார்.

ஓமந்தையில் பஸ் சோதனைக்கு உட்படுத்தப்பட்ட போது வெடிபொருட்கள் மீட்கப்பட்டுள்ளன.

1971 இல் தாம் கூறியதை நடைமுறைப்படுத்தியிருந்தால் பிரச்சினைகளுக்குத் தீர்வு கிடைத்திருக்கும்-ஜனாதிபதி மஹிந்த ராஜபக்ஸ!

2012-01-27T19:40:00.003+05:30

Friday, January 27, 2012
இலங்கை::1971 இல் தாம் கூறியதை நடைமுறைப்படுத்தியிருந்தால் பிரச்சினைகளுக்குத் தீர்வு கிடைத்திருக்கும்-ஜனாதிபதி மஹிந்த ராஜபக்ஸ:-

சிங்கள மக்களுக்கு தமிழும், தமிழ் மக்களுக்கு சிங்களமும் கற்பிக்குமாறு தாம் 1971 ஆம் ஆண்டு கூறியதை, நடைமுறைப்படுத்தியிருந்தால் இன்றுள்ள பல பிரச்சினைகளுக்குத் தீர்வு கிடைத்திருக்கும் என ஜனாதிபதி மஹிந்த ராஜபக்ஸ தெரிவித்துள்ளார்.

நாட்டு மக்களுக்காக தாய்நாட்டை பாதுகாப்பதற்கான நடவடிக்கைகளை மேற்கொள்வதற்கு பின்வாங்கப் போவதில்லை என ஜனாதிபதி சுட்டிக்காட்டுகின்றார்.

மெனராகலை பிரதேசசபை மைதானத்தில் நடைபெற்ற நிகழ்வொன்றில் கலந்துகொண்டு உரையாற்றிய போதே ஜனாதிபதி இந்தக் கருத்துக்களைக் கூறினார்.

அனைத்து சிறுவர்களுக்கும் மூன்று மொழிகள் தொடர்பிலான அறிவை பெற்றுக்கொடுக்கும் வகையில், மும்மொழி செயற்திட்டமொன்று ஆரம்பிக்கப்பட்டுள்ளதாக ஜனாதிபதி கூறினார்.

மஹிந்த சிந்தனை செயற்திட்டத்தின் ஊடாக ஊவா - வெல்லஸ்ஸ மக்களின் காணி உரிமையை உறுதிப்படுத்தும் வகையில், 10,000 காணி உறுதிப் பத்திரங்களை வழங்குவதற்காக இந்த நிகழ்வு ஏற்பாடு செய்யப்பட்டிருந்தது.

இரு ருமேனிய நாட்டவர்களுக்கு சிறை - கொழும்பு மேல் நீதிமன்றம் தீர்ப்பு!

2012-01-27T18:30:00.002+05:30

Friday, January 27, 2012
இலங்கை::போலிக் கடனட்டையைப் பயன்படுத்தி வங்கியொன்றில் ஒரு இலட்சத்து நாற்பத்தைந்தாயிரம் ரூபாவை மோசடி செய்த இரண்டு ருமேனிய நாட்டவர்களுக்கு ஒத்திவைக்கப்பட்ட தலா எட்டு வருட சிறைத்தண்டனை விதிக்கப்பட்டுள்ளது.

இது தொடர்பான வழக்கு கொழும்பு மேல் நீதிமன்றத்தில் நீதிபதி குமுதினி விக்ரமசிங்க முன்னிலையில் இன்று விசாரணைக்கு எடுத்துக்கொள்ளப்பட்டது.

இந்த வெளிநாட்டுப் பிரஜைகளுக்கு ஐந்து வருடத்தால் ஒத்திவைக்கப்பட்ட சிறைத் தண்டனை விதிக்கப்பட்டுள்ளதுடன், நாட்டிலிருந்து வெளியேற்றுவதற்கும் நீதிமன்றம் உத்தரவிட்டுள்ளது.

அத்துடன் இரண்டு ரூமேனிய பிரஜைகளில் ஒருவருக்கு 90,000 ரூபாவும், மற்றைய நபருக்கு 80,000 ரூபாவும் அபராதம் செலுத்துமாறு நீதிமன்றம் உத்தரவிட்டுள்ளது.

அபராதத் தொகையை செலுத்துவதற்கு தவறும்பட்சத்தில், தலா மூன்று மாத சிறைத்தண்டனையும் விதிக்கப்பட்டுள்ளது.

போலிக்கடனட்டை மோசடியில் ஈடுபட்ட இந்த சந்தேகநபர்கள் இருவரும் மீண்டும் இலங்கை வருவதற்கு அனுமதி வழங்க வேண்டாம் என குடிவரவு, குடியகல்வு கட்டுப்பாட்டாளருக்கு நீதிமன்றம் மேலும் அறிவித்துள்ளது.

இந்திய இறையாண்மைக்கு எதிராக பேசிய வழக்கு: ராமேசுவரம் கோர்ட்டில் (புலிகளின் வால்கள்) டைரக்டர்கள் சீமான்-அமீர் ஆஜர்!

2012-01-27T17:50:00.003+05:30

Friday, January 27, 2012
ராமேசுவரம்::இந்திய இறையாண்மைக்கு எதிராக பேசிய வழக்கு தொடர்பாக ராமேசுவரம் கோர்ட்டில் இன்று (புலிகளின் வால்கள்) டைரக்டர்கள் சீமான், அமீர் ஆகியோர் ஆஜரானார்கள். கடந்த 2008-ம் ஆண்டு அக்டோபர் மாதம் ராமேசுவரத்தில் சினிமா திரையுலகம் சார்பில் இலங்கை தமிழர்களுக்கு ஆதரவாக பொதுக்கூட்டம் நடைபெற்றது.

இந்த கூட்டத்திற்கு டைரக்டர் பாரதிராஜா தலைமை தாங்கினார். கூட்டத்தில் பேசிய டைரக்டர்கள் (புலி)சீமான், (புலி)அமீர் ஆகியோர் இந்திய இறையாண்மைக்கு எதிராக பேசியதாக புலனாய்வு பிரிவு போலீசார் வழக்குப்பதிவு செய்து குற்றப்பத்திரிகையை ராமேசுவரம் நீதிமன்றத்தில் தாக்கல் செய்தனர்.

இந்த வழக்கு தொடர்பாக இன்று காலை 11 மணி அளவில் ராமேசுவரம் நீதி மன்றத்தில் சீமான், அமீர் ஆகியோர் ஆஜரானார்கள். நீதிபதி குமரேசன் இந்த வழக்கு தொடர்பாக கேள்வி கள் கேட்க வேண்டிய திருப்பதால் இன்று மாலை 4 மணிக்கு மீண்டும் ஆஜராக வேண்டும் என்று உத்தரவிட்டார்.

அதனை தொடர்ந்து (புலி)சீமான், (புலி)அமீர் ஆகியோர் கோர்ட்டில் இருந்து வெளியே வந்தனர். பின்னர் சீமான் நிருபர்களிடம் கூறியதாவது:-

மத்திய அரசால் பலகோடி ரூபாய் நிதி இலங்கையில் உள்ள தமிழர்களுக்கு ஒதுக்கீடு செய்துள்ளது. இதுவரை இலங்கையில் உள்ள தமிழர்களுக்காக கட்டி கொடுத்த வீடுகளில் தமிழர்கள் குடியேறவில்லை. ஆனால் சிங்கள ராணுவத்தினர் தான் அதிகம் பேர் குடி யேறியுள்ளனர்.

இலங்கையில் போர் நடந்தபோது புலிகள் இருந்த காலத்தில் தமிழர்கள் சொந்த வீடுகளில் மகிழ்ச்சியுடன் வாழ்ந்து வந்தனர். போர் முடிந்து 3 ஆண்டுகள் ஆகியும் தமிழ் மக்கள் இன்னமும் முள்வேளி முகாமில் தான் அடைக்கப்பட்டுள்ளனர்.

முதலில் முள்வேலி முகாமில் உள்ள தமிழ் மக்களை வெளியே கொண்டுவர வேண்டும். தமிழக மீனவர்களை 550 பேரை இலங்கை கடற்படையினர் சுட்டு கொன்றுள்ளனர். இதுவரை காங்கிரஸ் மத்திய அரசு தட்டிக் கேட்கவில்லை. நமது பகை நாடான பாகிஸ்தான் கூட நமது மீனவர்களை சுடவில்லை. நமது நட்பு நாடான இலங்கை தமிழக மீனவர்களை சுட்டு கொன்றது வேதனை அளிக்கிறது.

நான் இதுபற்றி பேசினால் இந்திய இறையாண்மைக்கு எதிராக பேசியதாக வழக்கு போடுகிறார்கள். என் மீது பல மாவட்டங்களில் வழக்குகள் உள்ளது.

இவ்வாறு அவர் கூறினார்.

பேட்டியின்போது மாவட்ட ஒருங்கிணைப்பாளர்கள் இளங்கோ, மதுரை (புலி)சீமான் ஆகியோர் உடன் இருந்தனர். டைரக்டர்கள் சீமான், அமீர் ஆகியோர் இன்று ராமேசுவரம் கோர்ட்டில் ஆஜரானதை தொடர்ந்து அங்கு டி.எஸ்.பி. மணிவண்ணன் தலைமையில் ஏராளமான போலீசார் குவிக்கப்பட்டிருந்தனர்.

ரயில்வே காவல் நிலையங்களில் 444 கூடுதல் பணியிடங்கள்: ஜெயலலிதா உத்தரவு!

2012-01-27T17:35:00.004+05:30

Friday, January 27, 2012
சென்னை::ரயில்வே காவல் நிலைய காவலர்களின் எண்ணிக்கை பல ஆண்டுகளாக உயர்த்தப்படாததையும், சென்னை துரித ரயில் போக்குவரத்துக்கென்று இதுவரை பணியிடங்கள் ஒதுக்கப்படாததையும் கருத்தில் கொண்டு, ரயில் நிலையங்களின் எண்ணிக்கை, அதன் வழியாக செல்லும் ரயில்களின் எண்ணிக்கை, பயணிகள் எண்ணிக்கை, விபத்து மற்றும் குற்றங்கள் எண்ணிக்கை ஆகியவற்றின் அடிப்படையில் சென்னை ரயில்வே காவல் மாவட்டத்தில் உள்ள 19 காவல் நிலையங்களை மறு வகைப்பாடு செய்து முதல்வர் ஜெயலலிதா உத்தரவிட்டுள்ளார். இதன் அடிப்படையில் 2 பெருநகர்-1 வகை காவல் நிலையங்கள், 3 பெருநகர்-2 வகை காவல் நிலையங்கள், 4 உயர்வகை காவல் நிலையங்கள், 5 நடுத்தர வகை காவல் நி¬யைங்கள் மற்றும் 5 சிறிய வகை காவல் நிலையங்கள் என 19 சென்னை மாவட்ட ரயில்வே காவல் நிலையங்களை மறுவகைப் படுத்தவும், இந்த காவல் நிலையங்களில் பணிபுரிய கூடுதலாக 10 ஆய்வாளர்கள், 45 சார் ஆய்வாளர்கள், 55 தலைமை காவலர்கள், 134 காவலர் கிரேடு 1, 200 காவலர் கிரேடு 2 ஆகிய 444 கூடுதல் பணியிடங்களை உருவாக்க முதல்வர் உத்தரவிட்டுள்ளார். இதனால் அரசுக்கு 11 கோடியே 46 லட்சத்து 98 ஆயிரத்து 200 ரூபாய் செலவு ஏற்படும். தவிர குளித்தலை தாலுகா, சத்தியமங்கலம் கிராமத்தில், போக்குவரத்து துறைக்கு சொந்தமான இடத்தில் 73 லட்சத்து 98 ஆயிரத்து 800 ரூபாய் செலவில் பகுதி வட்டாரப் போக்குவரத்து அலுவலகம் கட்டவும் முதல்வர் உத்தரவிட்டுள்ளார்.

பக்தர்களின் வசதிக்காக ராமேசுவரம்-திருக்கடையூரில் சுற்றுலா ஓய்வு இல்லம்: ஜெயலலிதா அறிவிப்பு!

சென்னை::தமிழக அரசு வெளியிட்டுள்ள செய்திக்குறிப்பில் கூறி இருப்பதாவது:-
தூத்துக்குடி மாவட்டம், சாத்தான்குளம் அருகில், புத்தன்தருவாய் கிராமத்தில் சொக்கன் குடியிருப்பில் உள்ள மணல் மாதா திருத்தலத்திற்கு வருகை புரியும் சுற்றுலாப் பயணிகளின் நலனுக்காக, இத் திருத்தலப் பகுதியில் பயணிகளின் வாகனம் பாதுகாப்பாக நிறுத்துவதற்கான நிறுத்துமிடம் அமைப்பதற்காக 15 லட்சம் ரூபாயும், ஆண்கள் மற்றும் பெண்களுக்கான குளியலறை மற்றும் கழிப்பறை கட்டுவதற்காக 4 லட்சம் ரூபாயும், காத்திருப்போர் கூடம் அமைப்பதற்காக 5 லட்சம் ரூபாயும், குடிநீர் வசதி செய்து தருவதற்காக 1 லட்சம் ரூபாயும் ஆக மொத்தம் 25 லட்சம் ரூபாய் நிதி ஒதுக்கீடு செய்து முதல்- அமைச்சர் ஜெயலலிதா உத்தரவிட்டுள்ளார்.

இதே போன்று, இந்தியாவின் முக்கிய ஆன்மீக மற்றும் சுற்றுலாத் தலமாக விளங்கும், ராமநாதசுவாமி திருக்கோயிலுக்கும், தனுஷ் கோடிக்கும் ஏராளமான பக்தர்கள் நாட்டின் பல பகுதிகளிலிருந்தும், வெளிநாடுகளிலிருந்தும் வருகை புரிவதைக் கருத்தில் கொண்டு இங்கு வரும் பக்தர்கள் மற்றும் சுற்றுலா பயணிகளின் வசதிக்காக ராமேஸ்வரத்திலுள்ள தமிழ்நாடு சுற்றுலா வளர்ச்சிக் கழக வளாகத்தில் 2 கோடி ரூபாய் செலவில் ஒரு சுற்றுலா ஓய்வு இல்லம் கட்டுவதற்கு முதல் - அமைச்சர் ஜெயலலிதா உத்தரவிட்டுள்ளார்.

நாகப்பட்டினம் மாவட்டம் திருக்கடையூரில் உள்ள பிரசித்திப்பெற்ற அபிராமி அம்மன்- அமிர்தகடேஸ்வரர் திருக்கோவிலுக்கு, 60 வயது நிறைவு மற்றும் 80 வயது நிறைவினை ஒட்டி பல்வேறு பக்தர்கள் தங்கள் உறவினர்களுடன், பூஜைகள் செய்வதற்காக அதிக அளவில் வருகைத் தருவதால் அவர்களின் வசதிக்காக சுற்றுலா ஒய்வு இல்லம் கட்டுவதற்காக 1 கோடியே 20 லட்சம் ரூபாய் நிதி ஒதுக்கீடு செய்து முதல்- அமைச்சர் ஜெயலலிதா உத்தரவிட்டுள்ளார்.

இதன் மூலம் சுற்றுலாப்பயணிகளுக்கு கூடுதல் வசதிகள் கிடைப்பதுடன், சுற்றுலாப் பயணிகளின் எண்ணிக்கையும் கணிசமாக அதிகரிக்கும்.

இவ்வாறு அதில் கூறப்பட்டுள்ளது.

சிங்கள மொழிக்கு முக்கியத்துவம் கொடுத்துத் தமிழ்மொழிக்குத் துரோகம் இழைத்து விட்டோம்: நிகழ்காலத்திலும் செய்யக்கூடாது-அமைச்சர் டலஸ் அழகபெரும!

2012-01-27T17:30:00.005+05:30

Friday, January 27, 2012
இலங்கை::சிங்கள மொழிக்கு முக்கியத்துவம் கொடுத்துத் தமிழ்மொழிக்குத் துரோகம் இழைத்து விட்டோம். இவ்வரலாற்றுத் தவறை நிகழ்காலத்திலும் செய்யக்கூடாது என்று அமைச்சர் டலஸ் அழகபெரும கூறினார்.

இளைஞர் அலுவல்கள் மற்றும் திறன் அபிவிருத்தி அமைச்சில் இன்று நடைபெற்ற நிகழ்வொன்றில் கலந்து கொண்டு உரையாற்றுகையிலேயே அமைச்சர் மேற்கண்டவாறு குறிப்பிட்டார்.

தொடர்ந்து கருத்துத் தெரிவித்த அவர்,

இலங்கையில் ஏனைய சிறுபான்மை இன மொழிகளுக்கும் சம அந்தஸ்து வழங்கப்பட்டிருக்க வேண்டும். அதுமட்டுமன்றி சர்வதேச மொழிகளுக்கும் முக்கியத்துவம் வழங்கப்பட்டிருக்க வேண்டும். அப்போதுதான் நவீன தொழில்நுட்ப வளர்ச்சிக்கு ஏற்ப உலகத்துடன் ஒன்றித்துப் பயணிக்க முடியும்" என்றார்.

மன்ற கூட்டத்தில் திமுக உறுப்பினர் மீது தாக்குதல்: கண்ணியமாக நடக்காவிட்டால் வெளியே போங்கள்: அதிமுக கவுன்சிலர்களுக்கு மேயர் எச்சரிக்கை!

2012-01-27T17:30:00.002+05:30

Friday, January 27, 2012
சென்னை::சென்னை மாநகராட்சி மன்ற கூட்டம் இன்று காலை 10.30 மணிக்கு ரிப்பன் கட்டிடத்தில் உள்ள அரங்கில் மேயர் சைதை துரைசாமி தலைமையில் தொடங்கியது. துணை மேயர் பெஞ்சமின், ஆணையர் டேவிதார் முன்னிலை வகித்தனர். கூட்டம் தொடங்கியதும் உறுப்பினர்கள் அனைவரும் தீண்டாமை எதிர்ப்பு உறுதிமொழி ஏற்றனர். பின்னர் கேள்வி, பதில் நேரம் தொடங்கியது.
அப்போது குறுக்கிட்டு பேசிய எதிர்க்கட்சி தலைவர் சுபாஷ் சந்திரபோஸ் (திமுக), ‘‘தானே புயலால் பாதிக்கப்பட்ட மக்களுக்கான முதல்வரின் நிவாரண நிதிக்கு திமுக உறுப்பினர்கள் ஒருநாள் அமர்வு படியை வழங்குவர்’’ என்றார்.

தொடர்ந்து அதிமுக உறுப்பினர்கள் பேசும்போது, அண்ணா அறிவாலயத்தில் உள்ள ஓஎஸ்ஆர் நிலம் குறித்து பேசினர். இதற்கு எதிர்ப்பு தெரிவித்து திமுக உறுப்பினர்கள் அனைவரும் சுபாஷ் சந்திரபோஸ், மண்டலக்குழு தலைவர் ஜோசப் சாமுவேல் தலைமையில் வெளிநடப்பு செய்தனர். சிறிது நேரத்தில் மீண்டும் அவைக்கு வந்தனர். கட்டிட வரைபடத்துக்கு அனுமதி வழங்குவது குறித்து துணை கேள்வி ஒன்றை 97-வது வார்டு உறுப்பினர் வாசு (திமுக) எழுப்பினார். அப்போது மேயர் குறுக்கிட்டு, ‘நீங்கள் ஒரு துணை கேள்வி மட்டும் எழுப்ப வேண்டும்’ என்றார். வாசு, தொடர்ந்து கேள்வி எழுப்ப முயன்றபோது, மேயர் அனுமதிக்கவில்லை. இதை கண்டித்து திமுக உறுப்பினர்கள் 2-வது முறையாக வெளிநடப்பு செய்தனர். வெளியே சென்ற வாசுவை அதிமுக பெண் கவுன்சிலர் ஒருவர் தாக்கினார். அதிமுக கவுன்சிலர்கள் சிலரும் அவரை மன்றத்திலேயே வழிமறித்து தாக்க முயன்றனர். இதனால் அவையில் பரபரப்பு ஏற்பட்டது. பின்னர் மேயர் பேசியதாவது: அவையை அமைதியாகவும், கண்ணியமாகவும் நடத்த விரும்புகிறேன். இங்கு ஏதாவது கலவரம் என்றால், அது முதல்வரின் பெயருக்கு களங்கத்தை ஏற்படுத்தும். இதை அதிமுக கவுன்சிலர்கள் புரிந்து கொள்ள வேண்டும். கருத்துக்கு கருத்துதான் மோதவிட வேண்டும். இதை புரிந்து கொள்ள விரும்பாதவர்கள் வெளியே போய்விடுங்கள். உங்களுடைய வீர செயல்களை எல்லாம், மன்றத்துக்கு வெளியே காட்டுங்கள். மன்றத்தை கண்ணியமாக நடத்த உதவுங்கள். இவ்வாறு மேயர் பேசினார்.

புனித தலதா மாளிகை மீது புலிகள் மேற்கொண்ட தற்கொலை தாக்குதலின் 14 ஆண்டுகள் இன்றுடன் பூர்த்தி!

2012-01-27T14:51:00.006+05:30

Friday, January 27, 2012
இலங்கை::புனித தலதா மாளிகை மீது புலிகள் மேற்கொண்ட தற்கொலை தாக்குதலின் 14 ஆண்டுகள் இன்றுடன் பூர்த்தி:-

புராதன நகரமான கண்டியில் அமைந்துள்ள, பௌத்தர்களின் புனித்தளமான தலதா மாளிகை மீது புலிகளால் மேற்கொள்ளப்பட்ட தற்கொலை குண்டு தாக்குதலின் 14 ஆண்டுகள் இன்றுடன் பூர்தியடைந்துள்ளது.

1998ஆண்டு ஜனவரி 25ஆம் திகதி காலை 6.10 மணியளவில் புலிகளில் தற்கொலை குண்டுதாரியொருவரால் பாரிய டிரக் குண்டு வெடிக்கச் செய்யப்பட்டு மேற்கொள்ளப்பட்ட இத்தாக்குதலில் இரண்டு வயது குழந்தை உற்பட 8பேர் கொலை செய்யப்பட்டதுடன் 25 பேர் காயமடைந்தனர். இவர்கள் அனைவரும் அப்புனித தளத்திற்கு தான நிகழ்வுகளில் பங்கேற்க வந்திருந்தனர்.

இத்தாக்குதலை அனைத்துலகமும் கண்டித்துடன், புலிகளின் கொடூரத்தன்மை அனைத்துலகிற்கும் வெளிக்கொண்டுவரப்பட்டது.

குடியரசு தினத்தையொட்டி திகார் சிறையில் 2500 கைதிகளுக்கு தண்டனை குறைப்பு : ஷீலா தீட்சித்!

2012-01-27T14:51:00.004+05:30

Friday, January 27, 2012
புதுடெல்லி::குடியரசு தினத்தையொட்டி டெல்லி திகார் சிறையில் உள்ள 2500 கைதிகளுக்கு தண்டனை குறைப்பு அறிவிக்கப்பட்டுள்ளது. இதற்கான உத்தரவை மாநில முதல்வர் ஷீலா தீட்சித் பிறப்பித்துள்ளார். நாட்டின் 63வது குடியரசு தினம் நேற்று உற்சாகமாக கொண்டாடப்பட்டது. டெல்லியில் ஜனாதிபதி பிரதிபா பாட்டீலும், அந்தந்த மாநில தலைநகர்களில் கவர்னர்களும் தேசியக் கொடியை ஏற்றி வைத்து முப்படை அணிவகுப்பு மரியாதையை ஏற்றனர். குடியரசு தினத்தை முன்னிட்டு கைதிகளுக்கு தண்டனை குறைப்பது வழக்கம். இந்த ஆண்டு திகார் சிறையில் உள்ள 2500 கைதிகளின் தண்டனை காலத்தை விதிமுறைகளின்படி குறைக்க மாநில முதல்வர் ஷீலா தீட்சித் உத்தரவிட்டுள்ளார்.

இதன்படி, 10 ஆண்டுகளுக்கும் மேல் சிறை தண்டனை பெற்றவர்களுக்கு இரண்டு மாத தண்டனை குறைப்பும், 5 ஆண்டுகளில் இருந்து 10 ஆண்டுகள் வரை தண்டனை பெற்றவர்களுக்கு 45 நாள் தண்டனை குறைப்பும், ஒரு ஆண்டு முதல் 5 ஆண்டு வரை தண்டனை பெற்றவர்களுக்கு ஒரு மாத தண்டனை குறைப்பும், ஒரு ஆண்டுக்கு குறைவான தண்டனை பெற்றவர்களுக்கு 15 நாள் குறைப்பும் அறிவிக்கப்பட்டுள்ளது. சிறையில் ஒழுக்கமாக நடந்து கொள்பவர்களுக்கு மட்டுமே இந்த தண்டனை குறைப்பு பொருந்தும் என திகார் சிறை செய்தி தொடர் பாளர் சுனில் குப்தா தெரிவித்துள்ளார். டெல்லியை சேர்ந்த கைதிகளுக்கு மட்டும் இந்த சலுகை கிடைக்கும். திகார் சிறையில் உள்ள வெளிமாநில கைதிகளுக்கு இந்த சலுகை கிடையாது என குப்தா விளக்கம் அளித்துள்ளார்.

சிறுவர் துஸ்பிரயோகத்தில் ஈடுபடுவோருக்கு மரண தண்டனை!

2012-01-27T14:32:00.003+05:30

Friday, January 27, 2012
இலங்கை::சிறுவர் துஸ்பிரயோகத்தில் ஈடுபடுவோருக்கு மரண தண்டனை விதிக்கப்படஉள்ளது.

இது தொடர்பான உத்தேச சட்டத் திருத்தம் விரைவில் பாராளுமன்றில்சமர்ப்பிக்கப்பட உள்ளது.

சிறுவர் துஸ்பிரயோகம் மற்றும் பாலியல் வன்முறைகளில் ஈடுபடுவோருக்குமரண தண்டனை விதிப்பதற்கு அரசாங்கம் தீர்மானித்துள்ளது.

தேசிய சிறுவர் பாதுகாப்பு அதிகாரசபையும் மரண தண்டனையை பரிந்துரைசெய்துள்ளது.

கடந்த ஆண்டில் அதிகளவான சிறுவர் துஸ்பிரயோக மற்றும் பாலியல்வன்முறைச் சம்பவங்கள் இடம்பெற்றுள்ளன.

எதிர்வரும் காலங்களில் சிறுவர் துஸ்பிரயோகச் சம்பவங்களில்ஈடுபட்ட குற்றச்சாட்டின் N;பரில் கைது செய்யப்படுவோருக்கு பிணை வழங்கப்பட மாட்டாது எனதெரிவிக்கப்படுகிறது.

பீங்கானால் கழுத்து அறுத்து கைதி தற்கொலை முயற்சி : புழல் சிறையில் பரபரப்பு!

2012-01-27T14:21:00.007+05:30

Friday, January 27, 2012
புழல்::புழல் சிறையில் அடைக்கப்பட்டுள்ள கைதி, தன்னை விடுவிக்கக்கோரி பீங்கானால் கழுத்தை அறுத்துக்கொண்டு தற்கொலை செய்ய முயன்றதால் பரபரப்பு ஏற்பட்டது. சென்னை அருகே போரூர் காரம்பாக்கத்தை சேர்ந்தவர் கிருஷ்ணமூர்த்தி (45). கொலை வழக்கில் கைது செய்யப்பட்ட இவர், 2006-ம் ஆண்டு புழல் சிறையில் அடைக்கப்பட்டார். இவருக்கு திடீரென உடல்நலம் பாதிக்கப்பட்டது. இதனால், சிறையில் உள்ள மருத்துவமனையில் சேர்க்கப்பட்டார். சிறையில் நேற்று குடியரசு தினம் கொண்டாடப்பட்டது. மருத்துவமனையில் இருந்த கிருஷ்ணமூர்த்தி, திடீரென பயங்கரமாக சத்தம் போட்டார். ‘குடியரசு தினத்தில் என்னை விடுதலை செய்யுங்கள்’ என கத்தியபடி, அங்கிருந்த பீங்கானை உடைத்து கழுத்து அறுத்துக்கொண்டார். ரத்தம் கொட்டியதால் அவர் மயங்கி விழுந்தார். போலீசார் சென்று அவரை, அந்த மருத்துவமனையிலேயே சேர்த்தனர். அவருக்கு தீவிர சிகிச்சை அளிக்கப்படுகிறது. இதுகுறித்து, புழல் போலீசில் ஜெயிலர் அன்பழகன் புகார் செய்தார். வழக்கு பதிவு செய்துள்ள போலீசார் விசாரித்து வருகின்றனர்.

கொள்ளுபிட்டி ஆர்.ஏ.டி.மெல் மாவத்தையில் விபசார விடுதி நடத்த உதவிய தாய்லாந்து பெண்ணுக்கு அபராதம்!

2012-01-27T14:21:00.003+05:30

Friday, January 27, 2012
இலங்கை::கொள்ளுபிட்டி ஆர்.ஏ.டி.மெல் மாவத்தையில் விபசார விடுதி நடத்த உதவிய தாய்லாந்து பெண்ணுக்கு அபராதம்:-

கொள்ளுபிட்டி ஆர்.ஏ.டி. மெல் மாவத்தையில் விபசார விடுதியொன்றை நடத்த உதவிய குற்றச்சாட்டை ஒப்புக்கொண்ட தாய்லாந்து பெண்ணொருவருக்கு கொழும்பு கோட்டை நீதவான் கனிஷ்க விஜேரட்ன 50,000 ரூபா அபராதம் விதித்தார்.

பனிடா லிப்ட் எனும் இப்பெண் 06.08.2011 ஆம் திகதி கொள்ளுப்பிட்டி பெரிஸாரினால் கைதானார்.

பொலிஸ் உத்தியோகஸ்தர் ஒருவர் மாறுவேடத்தில் சென்று இப்பெண்ணுக்காக 3000 ரூபாவை செலுத்தினார். அதன்பின் அப்பெண்ணும் மற்றும் பலரும் கைது செய்யப்பட்டனர்.

இப்பெண்ணுக்கு நேற்று 50,000 ரூபா அபராதம் விதித்த நீதவான், ஏனைய சந்தேக நபர்களுக்கு எதிராக குற்றப்பத்திரத்தை தாக்கல் செய்யுமாறு பொலிஸாருக்கு உத்தரவிட்டார்.

சட்டவிரோதமாக மீன்பிடி படகு மூலம் அவுஸ்திரேலியாவுக்கு செல்ல முயன்ற 42 பேருக்கு ஒத்திவைக்கப்பட்ட இரண்டு வருட கடூழிய சிறை!

சட்டவிரோதமாக மீன்பிடி படகு மூலம் அவுஸ்திரேலியாவுக்குத் தப்பிச் செல்ல முற்பட்ட சம்பவத்தில் தமது குற்றத்தை ஒப்புக் கொண்ட 42 பேருக்கு ஒத்திவைக்கப்பட்ட சிறை தண்டனை விதிக்கப்பட்டுள்ளதோடு தண்டப்பணமும் அறவிடப்பட்டுள்ளது.

கொழும்பு பிரதான நீதவான் ரஸ்மி சிங்கப்புலி இந்த தண்டனையை விதித்துள்ளார்.

இதன்படி குறித்த 42 பேருக்கும் 5 வருடங்கள் ஒத்திவைக்கப்பட்ட 2 வருட கடூழிய சிறை தண்டனை விதிக்கப்பட்டுள்ளது.

அதுமட்டுமன்றி 5000 ரூபா தண்டப்பணமும் அறவிடப்பட்டுள்ளது.

கடந்த வருடம் ஜனவரி, மார்ச் மாதக் காலக்கட்டத்தில் மீன்பிடி படகு ஒன்றின் மூலம் அவுஸ்திரேலியாவுக்கு தப்பிச் செல்ல முயற்சித்த வேளை, கொழும்பு மற்றும் நீர் கொழும்பு ஆகிய பகுதிகளில் வைத்து இவர்கள் கைது செய்யப்பட்டனர்.

இரகசிய பொலிஸார் இவர்களுக்கு எதிராக குற்றம் சுமத்தியிருந்த நிலையில் சந்தேகநபர்கள் குற்றத்தை ஒப்புக் கொண்டுள்ளனர்.

ஐ.நா தலைமையகத்தில் போதைப் பொருள்!!!

2012-01-27T11:53:00.004+05:30

Friday, January 27, 2012
நியுயோர்க்::நியுயோர்க்கில் அமைந்துள்ள ஐக்கிய நாடுகள் சபையின் தலைமையகத்திலிருந்து கொக்கைன் எனப்படும் போதைப்பொருள் கண்டுபிடிக்கப்பட்டுளளது.

ஐக்கிய நாடுகள் சபையின் இலட்சினை பொறிக்கப்பட்ட பை ஒன்றிலிருந்து 16 கிலோகிராம் கொக்கைன் கைப்பற்றப்பட்டதாக பொலிஸார் தெரிவித்துள்ளனர்.

அலுவலகத்தின் கடிதங்கள் மற்றும் ஆவணங்கள் பிரிவிலிருந்து இந்த போதைப்பொருள் கைப்பற்றப்பட்டுள்ளன.

இந்தப் பையில் பெயர் விபரங்கள் பொறிக்கப்படாதபோதிலும் மெக்சிக்கோவிலிருந்து அனுப்பி வைக்கப்பட்டுள்ளதாக பொலிஸார் தெரிவித்துள்ளனர்.

எனினும் இந்தப் பை தவறுதாலாக ஐக்கிய நாடுகள் சபையின் அலுவலகத்துக்கு அனுப்பி வைக்கப்பட்டிருக்கலாம் என சந்தேகிக்கப்படுகின்றது.

முறைப்பாடு செய்வதற்காகவே அவசரமாக TNA குழு இந்தியா செல்ல திட்டம் - திவயின!

2012-01-27T11:20:00.002+05:30

Friday, January 27, 2012
இலங்கை::இலங்கை அரசாங்கத்திற்கு எதிராக இந்திய ஆட்சியாளர்களிடம் முறைப்பாடு செய்வதற்காக தமிழ் தேசியக் கூட்டமைப்பின் நாடாளுமன்ற குழு அவசரமாக இந்தியாவுக்கு செல்ல திட்டமிட்டுள்ளதாக திவயின தெரிவித்துள்ளது.

அரசாங்கம் முன்வைத்துள்ள செனட் சபை அவசியமற்றது எனவும் காணி மற்றும் காவற்துறை அதிகாரங்கள் கட்டாயமாக வழங்கப்பட வேண்டும் என இந்திய அரசாங்கத்திற்கு அழுத்தம் கொடுக்கும் நோக்கில், இந்த நாடாளுமன்ற குழு இந்தியாவுக்கு செல்ல உள்ளது.

அதேவேளை காவற்துறை அதிகாரங்கள் வழங்கப்பட்டால், இலங்கை காவற்துறை பிளவுப்பட்டு, மாகாண காவற்துறை திணைக்களங்கள் உருவாகும் என சிரேஷ்ட காவற்துறை அதிகாரி ஒருவர் தெரிவித்துள்ளார்.

மாகாண காவற்துறையினர் பிரதிக்காவற்துறை மா அதிபர் ஒருவரின் கட்டுப்பாட்டில் நிர்வகிக்கப்படுவதால், அவர்கள் இலங்கை காவற்துறை மா அதிபரின் உத்தரவுகளை கடைபிடிப்பதில் இருந்து விலகி சென்று விடுவர் எனவும் அந்த அதிகாரி மேலும் தெரிவித்துள்ளார்.

கொலை வழக்கு,நில அபகரிப்பு வழக்கு, சசிகலா உறவினர் ராவணன் கைது!

2012-01-27T11:13:00.004+05:30

Friday, January 27, 2012
கோவை::சசிகலாவின் சித்தப்பா மருமகன் ராவணன். கோவையில் பங்களா கட்டி 1996-ம் ஆண்டு குடியேறினார். இவர் தனக்கு அ.தி.மு.க. தலைமையிடம் நெருக்கம் இருப்பதாக கூறி கோவை, நீலகிரி, ஈரோடு , திருப்பூர், சேலம், கரூர், நாமக்கல், திண்டுக்கல், சிவகங்கை, திருவண்ணாமலை மாவட்ட அ.தி.மு.க.வினரை கட்டுப்பாட்டுக்குள் வைத்து இருந்தார்.

அ.தி.மு.க. பிரமுகர்களிடமிருந்து கட்சிப்பதவி உள்பட பல்வேறு பொறுப்புகளை வாங்கி தருவதாக கூறி பல லட்சம் பணம் பெற்றதாக புகார்கள் எழுந்தன. சமீபத்தில் சசிகலா போயஸ் கார்டனில் இருந்து வெளியேற்றப்பட்டார். அப்போது ராவணனும் கட்சியில் இருந்து நீக்கப்பட்டார். ராவணன் மீது பல்வேறு குற்றச்சாட்டுகள் அடுக்கடுக்காக வெளிவந்தன.

கோவையை சேர்ந்த பாரதிய ஜனதா பிரமுகர் ராதாகிருஷ்ணன் என்பவர் ராவணன் மீது நில அபகரிப்பு புகார் கொடுத்து உள்ளார். புகாரில் தனக்கு சொந்தமான ரூ. 5 கோடி மதிப்புள்ள நிலத்தை ராவணனின் தூண்டுதலின் பேரில் அவரது உறவினர் சரவணன் அபகரித்துக் கொண்டதாக கூறியிருந்தார்.

இந்த வழக்கில் கோவை போலீசார் நேற்று மாலை அதிரடி நடவடிக்கை எடுத்தனர். சென்னையில் இருந்த ராவணனை சூலூர் போலீசார் கைது செய்தனர். நேற்று இரவு சென்னையில் அவரிடம் தீவிர விசாரணை நடத்தப்பட்டது. அப்போது நில அபகரிப்பு புகாருக்கான ஆதாரங்கள் சேகரிக்கப்பட்டன. அதன் அடிப்படையில் ராவணன் மீது வழக்குகள் பதிவு செய்யப்பட்டுள்ளது.

இது தொடர்பாக மேலும் விசாரணை நடத்துவதற்காக ராவணனை சூலூர் போலீசார் சென்னையில் இருந்து கோவை அழைத்து சென்றனர். இந்த நிலையில் ராவணன் மீது நீலகிரி மாவட்ட அ.திமு.க. முன்னாள் செயலாளர் செல்வராஜை லாரியை மோத செய்து கொலை செய்ததாக அவரது உறவினர்கள் புதிய புகாரை தெரிவித்தனர். அந்த புகாரில் கூறப்பட்டு இருப்பதாவது:-

நீலகிரி மாவட்ட அ.தி.மு.க. முன்னாள் செயலாளர் செல்வராஜ். இவர் கடந்த டிசம்பர் மாதம் 13 - ந் தேதி ஈரோட்டில் உள்ள நண்பர்கள் வீட்டிற்கு சென்று விட்டு வேனில் ஊருக்கு திரும்பிக் கொண்டிருந்தார். வேன் கோவை நோக்கி வந்து கொண்டிருந்தது. வேனை டிரைவர் மணிராஜ் ஓட்டி வந்தார்.

செல்வராஜ் டிரைவர் அருகில் முன் பக்கம் அமர்ந்து இருந்தார். வேன் சூலூர் மெயின் ரோட்டில் வந்து கொண்டிருந்த போது பின்னால் வந்த வாகனம் மோதி வேன் விபத்துக்கு உள்ளானது. வேன் சாலை மையத்தில் உள்ள தடுப்பு சுவரில் மோதியதில் செல்வராஜ் கால் துண்டானது. ஆஸ்பத்திரிக்கு அழைத்து செல்லும் வழியில் பரிதாபமாக இறந்தார்.

இது குறித்து சூலூர் போலீசார் விபத்து வழக்கு பதிவு செய்து விட்டனர். எங்களுக்கு கிடைத்த தகவலின் படி செல்வராஜ் விபத்தில் மரணம் அடையவில்லை. அவர் சென்ற வேனை லாரியால் இடித்து விபத்துக்குள்ளாக்கியது தெரிய வந்துள்ளது. சசிகலாவின் உறவினர் ராவணன் துண்டுதலின் பேரில் அவரது ஆதரவாளர்கள் இந்த கொடூர செயலில் ஈடுபட்டுள்ளனர். எனவே சம்பந்தப்பட்ட நபர்கள் மீது கொலை வழக்கு பதிவு செய்து நடவடிக்கை எடுக்க வேண்டும்.

இவ்வாறு புகாரில் கூறி இருந்தனர்.

இந்த புகார் தொடர்பாக ராவணன் மீது கொலை வழக்கு பதிவு செய்யப்படலாம் என்று உயர் போலீஸ் அதிகாரி ஒருவர் தெரிவித்தார். இதற்கிடையே ஈரோட்டில் தனியார் நிலத்தை அபகரித்ததாகவும் கல்குவாரி காண்டிராக்ட் எடுத்து தருவதாக கூறி ஒருவரிடம் ராவணன் பல லட்சம் ரூபாயை அபகரித்து கொண்டதாகவும் கோவை போலீசில் புகார் உள்ளது. ராவணனின் உதவியாளர் மோகன். ஈரோடு திண்டல் பகுதியில் உள்ள அபார்ட்மெண்டில் தனது குடும்பத்தினருடன் வசித்து வருகிறார். ராவணன் கைது செய்யப்பட்டதையொட்டி அவரது உதவியாளர் மோகன் வீட்டில் போலீசார் சோதனை நடத்தியதாக தகவல்கள் கிடைத்துள்ளன.

ஐக்கிய நாடுகள் அமைப்பின் இலங்கைக்கான பிரதி வதிவிடப் பிரதிநிதி-சவேந்திர சில்வா, அமைதி காக்கும் படை உயர் பதவியொன்றுக்கு நியமனம்!

2012-01-27T11:06:00.005+05:30

Friday, January 27, 2012
இலங்கை::ஐக்கிய நாடுகள் அமைப்பின் இலங்கைக்கான பிரதி வதிவிடப் பிரதிநிதிசவேந்திர சில்வா, அமைதி காக்கும் படை உயர் பதவியொன்றுக்கு நியமிக்கப்பட்டுள்ளார்.

ஐக்கிய நாடுகள் அமைதி காக்கும் படையின் விசேட ஆலோனைக் குழுபிரதிநிதிகளில் ஒருவராக சவேந்திர தெரிவு செய்யப்பட்டுள்ளார்.

முதல் தடவையாக இலங்கையர் ஒருவர் இந்தப் பதவிக்காகநியமிக்கப்பட்டுள்ளார்.

சவேந்திர சில்வா ஆசிய பசுபிக் பிராந்திய வலய நாடுகளின்பிரதிநிதியாக நியமிக்கப்பட்டுள்ளார்.

முன்னாள் கனேடிய பாதுகாப்பு பிரதி அமைச்சர் லுயிஸ் பெர்ச்டெய், முன்னாள்அமெரிக்க துணை பாதுகாப்புச் செயலாளர் ஜேம்ஸ் டொப்பின்ஸ் உள்ளிட்ட முக்கியஸ்தர்கள்இந்தப் பிரதிநிதிகள் குழுவில் அங்கம் வகிக்கின்றனர்.

ஐக்கிய நாடுகள் அமைதி காக்கும் படையின் ஆலோசனைக் குழுவின் முதல்கூட்டத் தொடர் இந்த மாதம் நடைபெறவுள்ளது.

யுத்தம் இடம்பெற்ற காலத்தில் புலிகளிடமிருந்துபணம் பெற்றுக் கொண்ட ஊடகவியலாளர்களின் பெயர் விபரங்கள் அம்பலப்படுத்தப்படும்-கெஹலிய ரம்புக்வெல்ல!

2012-01-27T11:06:00.002+05:30

Friday, January 27, 2012
இலங்கை::யுத்தம் இடம்பெற்ற காலத்தில் புலிகளிடமிருந்துபணம் பெற்றுக் கொண்ட ஊடகவியலாளர்களின் பெயர் விபரங்கள் அம்பலப்படுத்தப்படும் என ஊடகஅமைச்சர் கெஹலிய ரம்புக்வெல்ல தெரிவித்துள்ளார்.

தன்னார்வ தொண்டு நிறுவனங்களின் ஊடாக குறித்த ஊடகவியலாளர்கள்புலிகளிடமிருந்து சம்பளம் பெற்றுக் கொண்டதாக அவர் குற்றம் சுமத்தியுள்ளார்.

இந்த ஊடகவியலாளர்களின் பெயர் விபரங்களை விரைவில் அம்பலப்படுத்தஅரசாங்கம் நடவடிக்கை எடுக்கும் என அவர் குறிப்பிட்டுள்ளார்.

உயிர் அச்சுறுத்தல் என்ற பெயரில் தப்பிச் சென்ற பல ஊடகவியலாளர்கள்இந்த பட்டியலில் உள்ளடங்குவதாகத் தெரிவித்துள்ளார்.

யுத்தம் இடம்பெற்ற காலத்தில் நாட்டுக்கு எதிராக எவ்வாறானசெயற்பாடுகளில் ஈடுபட்டார்கள் என்பது பற்றி அம்பலப்படுத்தப்படும் என அவர்குறிப்பிட்டுள்ளார்.

போலி பாஸ்போர்ட்டில் பிரான்ஸ் செல்ல முயற்சி: இலங்கை ஆசாமி பிடிபட்டார்!

2012-01-27T06:04:00.003+05:30

Friday, January 27, 2012
சென்னை::இலங்கையை சேர்ந்தவர் தர்மபாலன்(36). கடந்த 2 ஆண்டுகளுக்கு முன்பு அகதியாக தமிழகம் வந்தார். விருத்தாச்சலத்தில் தங்கியிருந்தார். இவர், பிரான்ஸ் நாட்டுக்கு செல்ல திட்டமிட்டிருந்தார். ஆனால், இலங்கையை சேர்ந்தவர்கள் பிரான்ஸ் வர அந்த நாட்டு அரசு விசா கொடுப்பது கிடையாது. பின்னர், கடலூர் முகவரியில் போலி முகவரியில் இந்திய பாஸ்போர்ட் பெற்றார். நேற்று முன்தினம் மஸ்கட் வழியாக பிரான்ஸ் செல்ல ஓமன் ஏர்லைன்ஸ் விமானத்தில் பயணம் செய்ய சென்னை விமான நிலையத்துக்கு வந்தார்.

குடியுரிமை அதிகாரிகள் சோதனையில் போலி பாஸ்போர்ட் கண்டுபிடிக்கப்படவில்லை. இந்நிலையில் மஸ்கட்டில் இறங்கினார். அங்கிருந்து பிரான்ஸ் செல்ல முயன்றார். அங்குள்ள அதிகாரிகள் சோதனை நடத்தியபோது தர்மபாலன் சிக்கினார். தீவிரவாதியாக இருக்கலாம் என சந்தேகித்து அவரது பயணத்தை ரத்து செய்து சென்னைக்கு திருப்பி அனுப்பினர். நேற்று காலையில் சென்னை வந்த அவரிடம் கியூ பிரிவு போலீசார் விசாரணை நடத்தினர். பின்னர் விமான நிலைய போலீசார், தர்மபாலனை கைது செய்து, புழல் சிறையில் அடைத்தனர்.

ஆஸ்திரேலியாவில் திக்... திக்... காட்சி உயிர் தப்பினார் பிரதமர் : பழங்குடியினர் முற்றுகை!

2012-01-27T04:56:00.005+05:30

Friday, January 27, 2012
கேன்பரா::ஆஸ்திரேலிய தலைநகர் கேன்பராவின் ஓட்டலில் பழங்குடியினரின் முற்றுகையில் சிக்கிய பெண் பிரதமர் ஜூலியா கிலார்ட் உயிர் தப்பினார். அவர் தாக்கப்பட்டதாக தகவல்கள் தெரிவிக்கின்றன. ஆஸ்திரேலிய பிரதமர் ஜூலியா கிலார்ட். அங்கு நேற்று தேசிய தினம் கொண்டாடப்பட்டது. தலைநகர் கேன்பராவின் ஒரு ஓட்டலில் விருதுகள் வழங்கும் விழா நடந்தது. அதில் பிரதமர் கிலார்ட், எதிர்க் கட்சி தலைவர் டோனி அபாட் இருவரும் பங்கேற்றனர். அவர்கள் இருந்த அறையை திடீரென 200க்கு மேற்பட்ட பழங்குடியின போராட்டக்காரர்கள் சுற்றி வளைத்தனர்.

அவர்கள் போராட்டம் பற்றி முன்னறிவிப்பு இல்லாததால் ஓட்டலில் குறைந்த அளவு போலீசாரே பாதுகாப்பில் இருந்தனர். கிலார்ட், அபாட் ஆகியோரை எதிர்த்து பழங்குடியினர் ‘வெட்கம்’, ‘இனவெறியர்கள்’ என கோஷம் எழுப்பிய பிறகே விஷயம் தெரிந்தது. நடப்பதை அறிய வெளியே வந்த பிரதமர் கிலார்ட், அபாட்டை நோக்கி போராட்டக்காரர்கள் சிலர் பாய்ந்தனர். அதில் தள்ளுமுள்ளு ஏற்பட்டு பிரதமர் தாக்கப்பட்டதாக சில தகவல்கள் தெரிவித்தன.

ஆனால், வெளியே சத்தம் கேட்டதும் மீட்பு படையினருக்கு தகவல் கொடுக்கப்பட்டு வீரர்கள் குவிக்கப்பட்டதாகவும், கிலார்ட், அபாட் இருவரும் பாதுகாவலர்களால் பத்திரமாக வெளியே கொண்டு வரப்பட்டு காரில் ஏற்றி அனுப்பப்பட்டனர். கூட்டத்தில் இருந்து மீட்கப்படும்போது ஒரு காலணியை பிரதமர் கிலார்ட் தவற விட்டார். காரில் ஏறும் வரை பலர் அவரை துரத்தி சென்று கோஷமிட்டனர் என்று ஒரு தகவல் தெரிவித்தது.

ஆஸ்திரேலியாவில் பழங்குடியின மக்களின் நில உரிமைக்கு 1972ல் அங்கீகாரம் அளிக்கப்பட்டது. எனினும் பல்வேறு கோரிக்கைகளுக்காக அவர்கள் போராடி வருகின்றனர். இதனால், அரசு & பழங்குடியினர் இடையே பிரச்னை நீடிக்கிறது. இந்நிலையில், மற்ற ஆஸ்திரேலியர்களுக்கு உள்ள அனைத்து உரிமைகளும் பழங்குடி மக்களுக்கு கிடைத்தாகி விட்டது.

எனவே, அவர்களது பழைய சின்னங்கள், கட்டிடங்களை அகற்றி விடலாம் என சில தினங்கள் முன் எதிர்க் கட்சி தலைவர் அபாட் பேசினார். அதுவே பழங்குடி மக்களின் திடீர் முற்றுகைக்கு காரணம். 200க்கு மேற்பட்ட மக்களின் முற்றுகையில் சிக்கிய பிரதமரை பாதுகாவலர்கள் மீட்ட சம்பவம் ஆஸ்திரேலியாவில் பரபரப்பை ஏற்படுத்தியுள்ளது.

மேன்முறையீட்டு மனுவொன்றை உயர் நீதிமன்றில் தாக்கல் செய்தார் சரத் பொன்சேகா!

2012-01-27T04:27:00.004+05:30

Friday, January 27, 2012
இலங்கை::இரண்டாவது இராணுவ நீதிமன்றம் வழங்கிய தீர்ப்பை உறுதிப்படுத்தும் வகையில் கடந்த டிசம்பர் மாதம் 16ஆம் திகதி மேன்முறையீட்டு நீதிமன்றம் வழங்கிய தீர்ப்பிற்கு எதிராக, முன்னாள் இராணுவத் தளபதி சரத் பொன்சேகா உயர் நீதிமன்றத்தில் நேற்று மேன்முறையீட்டு மனுவொன்றை தாக்கல் செய்துள்ளார்.

முன்னாள் இராணுவத் தளபதிக்கு இரண்டாவது இராணுவ நீதிமன்றம் விதித்த 30 மாத சிறைத்தண்டனைக்கு எதிராக மேன்முறையீட்டு நீதிமன்றத்தில் தாக்கல் செய்யப்பட்ட மேன்முறையீட்டு மனு நியாயமான முறையில் விசாரிக்கப்படவில்லை என இன்று தாக்கல் செய்யப்பட்ட மனுவில் குறிப்பிடப்பட்டுள்ளது.

மேன்முறையீட்டு நீதிமன்றம் தவறான முறையில் குறித்த தீா்ப்பை வழங்கியுள்ளதாகவும் அதில் தெரிவிக்கப்பட்டுள்ளது.

மனுவை விசாரணை செய்வதற்காக மேன்முறையீட்டு நீதிமன்றம் அதிக காலத்தை எடுத்துக்கொண்டதாகவும் உயர் நீதிமன்றத்தில் தாக்கல் செய்யப்பட்ட மேன்முறையீட்டு மனுவில் அறிவிக்கப்பட்டுள்ளது.

இராணுவ நீதிமன்றத்தில் இடம்பெற்ற வழக்கு விசாரணை தொடர்பான அனைத்து வழக்கு அறிக்கைகளையும் உயர் நீதிமன்றத்திற்குக் கொண்டுவந்து உண்ணிப்பாக அதனைப் பரிசீலனைக்கு உட்படுத்துமாறு முன்னாள் இராணுவத் தளபதி உயர் நீதிமன்றத்திடம் வேண்டுகோள் விடுத்துள்ளார்.

மேன்முறையீட்டு நீதிமன்றத்தில் முன்வைக்கப்பட்ட அனைத்து விடயங்களும் மிகவும் முக்கியமானவை எனவும் அவை பொதுமக்களுக்கும் முக்கியத்துவமுள்ளதாக அமையும் என்பதால் அது குறித்து கூடுதல் கவனம் செலுத்துமாறும் முன்னாள் இராணுவத் தளபதி மனுவில் கோரியுள்ளார்.

இராணுவ நீதிமன்றத்திடம் முன்னாள் இராணுவத் தளபதி கோரியிருந்த நிவாரணத்தைப் பெற்றுக்கொள்வதற்கு அவருக்கு உரிமை உள்ளதா என்பது குறித்தும் கவனம் செலுத்துமாறு மேன்முறையீட்டு மனுவில் வேண்டுகோள் விடுக்கப்பட்டுள்ளது.

போல் ரத்நாயக்க சட்ட நிறுவனத்தின் ஊடாக முன்னாள் இராணுவத் தளபதி சரத் பொன்சேகா உயர் நீதிமன்றத்தில் இந்த மேன்முறையீட்டு மனுவை தாக்கல் செய்துள்ளமை குறிப்பிடத்தக்கது.

மோதலில் ஈடுபட்ட கான்ஸ்ரபிள்கள் பணியிலிருந்து இடைநிறுத்தம்!

2012-01-27T03:19:00.011+05:30

Friday, January 27, 2012
இலங்கை::அக்குரல கடற்பரப்பில் நீராடிக்கொண்டிருந்த சிலருடன் மோதலில் ஈடுபட்ட அம்பலாங்கொடை பொலிஸ் நிலையத்தின் நான்கு கான்ஸ்ரபிள்கள் பணியிலிருந்து இடைநிறுத்தம் செய்யப்பட்டுள்ளனர்.

கடமை நேரத்திற்கு உட்படாத சந்தர்ப்பத்தில் இவர்கள் மோதலில் ஈடுபட்டுள்ளதாக பொலிஸ் ஊடகப் பேச்சாளர் பொலிஸ் அத்தியட்சகர் அஜித் ரோஹன தெரிவித்துள்ளார்.

எவ்வாறாயினும், குறித்த பொலிஸ் கான்ஸ்ரபிள்களுக்கு எதிராக ஒழுக்காற்று நடவடிக்கை மேற்கொள்ளும் வகையில் அவர்கள் பணியிலிருந்து இடைநிறுத்தப்பட்டுள்ளதாக அவர் சுட்டிக்காட்டியுள்ளார்.

அம்பலாங்கொடை பொலிஸார் இது தொடர்பான மேலதிக விசாரணைகளை மேற்கொண்டு வருகின்றனர்.

குடியரசு தின விழாவில் சோகம் சாகசம் புரிந்த போலீஸ் கழுத்து முறிந்து பலி!

2012-01-27T03:19:00.008+05:30

Friday, January 27, 2012
ஊட்டி::குடியரசு தினவிழாவில் சாகசத்தில் ஈடுபட்ட போலீஸ் கான்ஸ்டபிள் தடுமாறி விழுந்ததில் கழுத்தில் எலும்பு முறிவு ஏற்பட்டு இறந்தார்.
குடியரசு தினத்தையொட்டி, நீலகிரி மாவட்டம் ஊட்டி மலைப்பகுதி மேம்பாட்டு திட்ட மைதானத்தில் நேற்று விழா ஏற்பாடு செய்யப்பட்டிருந்தது. கலெக்டர் அர்ச்சனா பட்நாயக் தேசிய கொடியேற்றினார். தொடர்ந்து மாணவ, மாணவிகளின் கலை நிகழ்ச்சிகள் நடத்தப்பட்டன.

நிகழ்ச்சியின் இறுதியாக 12.30க்கு நீலகிரி மாவட்ட ஆயுதப்படை காவலர் பாண்டியன்(30), ஜிம்னாஸ்டிக் சாகசங்களை நிகழ்த்தினார். முதல் நிகழ்ச்சியாக பைக்கில் சீட்டில் அமராமல் ஒரு கையில் ஹேண்ட் பாரை பிடித்தபடி சல்யுட் அடித்தவாறே மைதானத்தை வலம் வந்தார். தொடர்ந்து பைக்கில் நின்றவாறே சல்யூட் அடித்து மெய் சிலிர்க்க வைத்தார். பின் கராத்தே, ஜிம்னாஸ்டிக் சாகசங்களை நடத்தினார்.

முதலில் 5 பேரை படுக்க வைத்து பறந்து தாண்டினார். அடுத்து 7 பேர், 9 பேர் என இறுதியாக 13 பேரை படுக்க வைத்து தாண்டும் ஜிம்னாஸ்டிக் சாகச நிகழ்ச்சியில் ஈடுபட்டார். தாண்டி கீழே விழும்போது உடம்பில் அடி படாமல் இருப்பதற்கு மெத்தை விரிக்கப்பட்டிருந்தது. அந்தரத்தில் பறந்தபோது பாண்டியன் பாய்ந்து சென்று தாண்டி கரணம் அடித்தபோது, மெத்தையை ஒட்டி படுத்திருந்த போலீஸ் மீது இவரது கைகள் பட்டது. மெத்தை லேசாக விலகியதில் இவரது கழுத்து தரையில் பட்டு மடங்கி அம்மா என்று சத்தம் போட்டவாறே சாய்ந்தார்.

இதை பார்த்த சக போலீசார் அருகில் சென்று விசாரித்தபோது ‘கழுத்தில் அடிபட்டுருச்சு...உயிரு போகுது...‘ என்று கூறியுள்ளார். உடனடியாக அவரை ஆம்புலன்ஸ் மூலம் ஊட்டி அரசு மருத்துவமனைக்கு கொண்டு சென்றனர். அவரை பரிசோதித்த டாக்டர்கள் கழுத்து எலும்பு முறிந்து மூளைக்கு செல்லும் ரத்தநாளம் பாதித்து வழியிலேயே உயிரிழந்து விட்டதாக தெரிவித்தனர். இதைக்கேட்ட போலீசார் கதறி துடித்தனர். உயிரிழந்த பாண்டியன் தேனி மாவட்டம் சின்னமனூர் பகுதியை சேர்ந்தவர். இவருக்கு சத்தியா என்ற மனைவியும், சுஜித் என்கிற 4 வயது ஆண் குழந்தை மற்றும் ஸ்ரீவர்சினி என்கிற 11 மாத பெண் குழந்தையும் உள்ளனர்.

கதறி துடித்த மனைவி

குடியரசு தினவிழா கொண்டாட்டங்களை காண்பதற்கு பாண்டியனின் மனைவி சத்தியா 11 மாத குழந்தை ஸ்ரீவர்சினியுடன் வந்திருந்தார். கணவரின் சாகசத்தை சந்தோஷமாக பார்த்தார். பாண்டியன் கீழே விழுந்ததை பார்த்ததும் பதறி துடித்த அவர் மைதானத்துக்குள் ஓடினார். கணவரை பார்த்து கதறி துடித்த சத்தியாவை அருகில் இருந்த போலீசார் தேற்றி மருத்துவமனைக்கு அழைத்து சென்றனர். அங்கு கணவர் இறந்த செய்தி கேட்டதும் கீழே விழுந்து அழுது புரண்டார். பாண்டியன்&சத்தியாவுக்கு கடந்த 2007ம் ஆண்டு திருமணம் நடந்தது.

தமிழ்நாட்டில் ரூ.7,500 கோடி செலவில்: 5 ஆண்டுகளில் 1 லட்சம் வீடுகள்!

2012-01-27T02:52:00.003+05:30

Friday, January 27, 2012
சென்னை::தமிழ்நாட்டில் 5 ஆண்டுகளில் ரூ.7,500 கோடியில் 1 லட்சம் வீடுகளை குடிசை மாற்று வாரியம் கட்டுகிறது. தமிழ்நாடு நகர்ப்புற வளர்ச்சி மற்றும் வீட்டு வசதித் துறை செயலாளர் பணீந்திர ரெட்டி கூறியதாவது:தமிழ்நாடு குடிசை மாற்று வாரியம் மூலம் செயல்படுத்தப்படும் திட்டங்கள், கட்டப்படும் வீடுகள் போன்றவற்றை கண்காணிப்பதற்காக, விரைவில் திட்ட மேலாண்மை ஆலோசகர்கள் நியமிக்கப்படுவார்கள். இவர்கள் திட்டத்தின் தொடக்கம் முதல் பணிகளை கண்காணித்து, அரசுக்கு தகவல் தெரிவிப்பார்கள். இதன் மூலம் திட்டங்கள், வீடுகளின் தரம் உறுதி செய்யப்படும்.
குடிசை மாற்று வாரியம் சார்பில் அடுத்த 5 ஆண்டுகளில் 1 லட்சம் வீடுகள் கட்டப்படும். ரூ.7,500 கோடியில் மத்திய அரசின் ராஜிவ் அவாஸ் யோஜனா திட்ட உதவியுடன் இந்த திட்டம் நிறைவேற்றப்படும். குடிசை மாற்று வாரிய வீடுகளில் ஒதுக்கீடு பெற்றவர்கள் குடியில்லாத நிலை, வாடகை தராத நிலை ஆகியவற்றுக்கு தீர்வு காண முயன்று வருகிறோம். புதிய குடியிருப்புகளில் மக்கள் குடியேறுவதற்கு முன்பாக, அடிப்படை வசதி திட்டங்கள் நிறைவேற்றப்படும். பள்ளிகள், ஊட்டச் சத்துணவு மையங்கள் அமைக்கப்படும்.
இவ்வாறு பணீந்திர ரெட்டி கூறினார்.

தெரிவுக்குழு தாமதமாவதற்கு அரசு காரணமல்ல: ஐ.தே.க., தமிழ் கூட்டமைப்பு, ஜ.வி.பி. என்பனவே காரணம்-கெஹெலிய ரம்புக்வெல்ல!

2012-01-27T02:47:00.002+05:30

Friday, January 27, 2012
இலங்கை::இனப்பிரச்சினை தீர்வுக்காக நியமிக்கப்படவுள்ள பாராளுமன்ற தெரிவுக்குழு இன்று வரை அமைக்கப்படாமைக்கு அரசாங்கம் காரணமல்ல. அதற்கான பொறுப்பை ஐ. தே. க. தமிழ்த் தேசிய கூட்டமைப்பு, ஜே. வி. பி. உள்ளிட்ட எதிர்க்கட்சிகளே ஏற்க வேண்டும் என அமைச்சர் கெஹெலிய ரம்புக்வெல்ல நேற்று தெரிவித்தார்.

பதின்மூன்றாவது திருத்தச் சட்டத்தை முழுமையாக அமுல்படுத்துவதுடன், அதற்கும் அப்பால் சென்று அதிகாரங்களை பகிர்வது என்ற நிலைப்பாட்டில் அரசு உள்ளது.

இந்தியாவுக்கு ஜனாதிபதி சென்றிருந்த போதும், இந்திய பிரதமர் மன்மோகன்சிங்குடன் நடத்திய பேச்சுவார்த்தையின் போதும் ஜனாதிபதி இதனை வலியுறுத்தியுள்ளார் என்றும் அமைச்சர் கெஹெலிய குறிப்பிட்டார்.

நாட்டுக்கும் நாட்டு மக்களுக்கும் தேவையான விதத்தில் அரசாங்கம் அரசியலமைப்பில் திருத்தம் கொண்டு வருவதில் தவறில்லை. அத்தகைய திருத்தம் குறித்து நாட்டின் உயரிய சபையான பாராளுமன்றத்தில் தெரிவுக்குழு அமைத்துப் பேசுவதிலும் தவறில்லை எனவும் அவர் கூறினார்.

பொலிஸ் அதிகாரம் மற்றும் காணி அதிகாரம் தொடர்பில் அரசின் நிலைப்பாடு என்ன? என செய்தியாளர் ஒருவர் கேட்டார்.

இதற்கு பலமுறை நான் பதில் சொல்லியிருக்கிறேன். காணி அதிகாரம் தொடர்பில் எமக்கு அவ்வளவான பிரச்சினையில்லை. எனினும் பொலிஸ் அதிகாரம் என்பது தொடர்பில் பிரச்சினை இருக்கிறது. இது தொடர்பாக பேச்சு நடத்தப்பட வேண்டும் என்றார்.

13 ஆவது திருத்தச் சட்டத்தை முழுமையாக நடைமுறைப் படுத்துவது என்றும், அதற்கும் அப்பால் சென்று அதிகாரம் வழங்குவது என்றும் கூறும் நீங்கள் ஏன் காணி, பொலிஸ் அதிகாரம் விடயத்தில் மட்டும் பேச வேண்டும் என்கிaர்கள்? முழுமையாக அமுல்படுத்தும் போது காணி, பொலிஸ் அதிகாரமும் உள்ளடக்கப் படுகிறதே என செய்தியாளர் ஒருவர் கேட்டபோது;

நான் ஏற்கனவே கூறியது போல் காணி பற்றி அவ்வளவான பிரச்சினை இல்லை.

இந்தியாவின் மும்பாயில் இலங்கையை விட அதிகளவு சனத்தொகை இருக்கிறது. எனவே அங்குள்ள

பாதுகாப்பு பற்றி அவர்கள் கவனிக்க வேண்டும்.

ஆனால் இலங்கையில் அவ்வாறில்லை. அடுத்தது, இலங்கையில் ஜனாதிபதி மக்களால் தெரிவு செய்யப்பட்டவர். மக்கள் மட்டுமல்ல பல்வேறு அரசியல் கட்சிகளும் அவருக்கு தமது ஆதரவை வழங்கியுள்ளன.

எனவே ஒருதலைப்பட்சமாக முடிவுகளை எடுக்க முடியாது.

13 ஆவது திருத்தச் சட்டத்தில் பொலிஸ் அதிகாரம் என்ற விடயம் பேசப்பட வேண்டும். எனவேதான் பாராளுமன்ற தெரிவுக்குழுவை நியமிக்க உத்தேசிக்கப்பட்டுள்ளது. எமது நாட்டுக்கு ஏற்ற விதத்தில் அதிகாரம் வழங்குவது தொடர்பில் அனைத்து கட்சிகளுடனும் பேச்சு நடத்தப்படல் வேண்டும்.

எனினும் உத்தேச தெரிவுக்குழுவுக்கு தமது பிரதிநிதிகளை நியமிப்பது குறித்து கட்சிகள் ஆர்வம் காட்டவில்லை. தெரிவுக்குழுவுக்கு பிரதிநிதிகளை நியமிப்பதற்கான கால எல்லையை நாம் நீடித்துக்கொண்டு போகிறோமே தவிர, எவரும் தமது பிரதிநிதிகளை இன்னும் நியமிக்கவில்லை. ஐ. தே. க. ஒருவித பதிலும் இது தொடர்பாக கூறவில்லை.

ஜே. வி. பி. இரண்டாக பிளவுபட்டு நிற்கிறது. தமிழ்த்தேசிய கூட்டமைப்பு தெரிவுக்குழுவுக்கு தமது பிரதிநிதிகளை நியமிப்பதற்கு விருப்பம் தெரிவித்துள்ள போதும், இதுவரை நியமிக்கவில்லை என்றும் அமைச்சர் கெஹெலிய ரம்புக்வெல்ல தெரிவித்தார்.

இந்தியாவின் 63ஆவது குடியரசு தினம் நேற்று இலங்கையிலும் வெகு விமர்சையாகக் கொண்டாடப்பட்டது!

2012-01-27T02:41:00.002+05:30

Friday, January 27, 2012
இலங்கை::இந்தியாவின் 63ஆவது குடியரசு தினம் நேற்று இலங்கையிலும் வெகு விமர்சையாகக் கொண்டாடப்பட்டது. இலங்கைக்கான இந்திய தூதுவரகத்தில் நடைபெற்ற அணிவகுப்பு மரியாதையை உயர்ஸ்தானிகர் அசோக் கே. காந்தா ஏற்றுக் கொள்வதைப் படத்தில் காணலாம் (படம்: ஏ. ஸமட், ருவான் டி சில்வா)

ஆணைக்கழுவின் அறிக்கை ஐக்கிய நாடுகள் மனித உரிமைப் பேரவை அமர்வுகளில் உத்தியோகபூர்வமாக சமர்ப்பிக்கப்பட மாட்டாது ஜீ.எல்.பீரிஸ்!

2012-01-27T02:12:00.003+05:30

Friday, January 27, 2012
இலங்கை::உண்மையைக் கண்டறியும் ஆணைக்கழுவின் அறிக்கை ஐக்கிய நாடுகள் மனித உரிமைப் பேரவை அமர்வுகளில் உத்தியோகபூர்வமாக சமர்ப்பிக்கப்பட மாட்டாது என வெளிவிவகார அமைச்சர் ஜீ.எல்.பீரிஸ் தெரிவித்துள்ளார்.

எதிர்வரும் மார்ச் மாதமளவில் உண்மையைக் கண்டறியும் ஆணைக்குழுவின் இறுதி அறிக்கை பரிந்துரைகளில் சில, அமுல்படுத்தப்படும் என அவர் நம்பிக்கை வெளியிட்டுள்ளார்.

எனினும், ஆணைக்குழுவின் அறிக்கையை எதிர்வரும் மார்ச் மாதம் நடைபெறவுள்ள ஐக்கிய நாடுகள் மனித உரிமைப் பேரவையில் உத்தியோகபூர்வமா சமர்ப்பிக்கும் திட்டம் கிடையாது என அவர் தெரிவித்துள்ளார்.

மனித உரிமைப் பேரவை அமர்வுகளில் இலங்கை விவகாரம் குறித்து விவாதம் செய்யக் கூடிய சாத்தியம் காணப்படுவதாகக் குறிப்பிடப்படுகிறது.

ஐக்கிய நாடுகளின் நிபுணர் குழு அறிக்கை தொடர்பிலும் இந்த அமர்வுகளில் கலந்துரையாடப்படலாம் என எதிர்பார்க்கப்படுகிறது.

உண்மையைக் கண்டறியும் ஆணைக்குழுவின் பரிந்துரைகள் மார்ச் மாதமளவில் பூர்த்தி செய்யப்பட்டால், இலங்கை தொடர்பான அழுத்தங்களுக்கு பதிலளிக்கப்பட்டு விடும் என அமைச்சர் பீரிஸ் குறிப்பிட்டுள்ளார்.

செனட் சபையொன்றை ஸ்தாபிக்கவுள்ளதாக அரசாங்கம் மீண்டும் அறிவிப்பு!

2012-01-27T00:31:00.002+05:30

Friday, January 27, 2012
இலங்கை::மத்திய அரசிற்கும் மாகாண சபைகளுக்கும் இடையே ஒருங்கிணைப்பை ஏற்படுத்தும் வகையில் செனட் சபையொன்றை ஸ்தாபிக்கவுள்ளதாக அரசாங்கம் மீண்டும் அறிவித்துள்ளது.

இதனைத் தவிர அதிகாரப் பகிர்வு தொடர்பில் விரிவாக ஆராயும் வகையில் பாராளுமன்றத் தெரிவுக்குழுவொன்றும் நியமிக்கப்படவுள்ளது.

அமைச்சரவைத் தீர்மானங்களை அறிவிக்கும் வகையில் இன்று நடைபெற்ற ஊடகவியலாளர் சந்திப்பில் கருத்து வெளியிட்ட அமைச்சரவைப் பேச்சாளர் அமைச்சர் கெஹலிய ரம்புக்வெல்ல இது தொடர்பாக விளக்கமளித்தார்.

இரண்டு வருடங்களுக்கு முன்னதாக ஜனாதிபதி இந்தியாவிற்கான விஜயத்தை மேற்கொண்டு இந்தியப் பிரதமர் கலாநிதி மன்மோகன்சிங் மற்றும் எதிர்க்கட்சித் தலைவர் ஆகியோரை சந்தித்தபோது இலங்கையில் செனட் சபையொன்றை ஸ்தாபிப்பது தொடர்பான எண்ணமுள்ளதை வெளிப்படுத்தியதாக அமைச்சர் தெரிவித்துள்ளார்.

அந்தத் தகவலே தற்போது 13+ என பேசப்படுவதாக அமைச்சரவைப் பேச்சாளர் கூறியுள்ளார்.

காணி மற்றும் பொலிஸ் அதிகாரங்கள் தொடர்பாக கொள்கையளவில் நோக்கும்போது, காணி அதிகாரம் தொடர்பாக சிறு பிரச்சினையே உள்ளதாக அமைச்சர் ரம்புக்வெல்ல தெரிவித்துள்ளார்.

எனினும், பொலிஸ் அதிகாரம் தொடர்பாக பாரியளவிலான பல பிரச்சினைகள் எழுந்துள்ளதாகவும் அவர் சுட்டிக்காட்டியுள்ளார்.

இந்த நிலையில், இது குறித்து பேச்சுவார்த்தை நடத்துவதற்காக பாராளுமன்ற தெரிவுக்குழுவொன்று நியமிக்கப்பட்டுள்ளதாகவும்
கொள்கையளவில் மாற்றமொன்று ஏற்பட்டு அதிகாரம் ஓரளவில் பகிரப்பட வேண்டும் எனவும் எந்தளவில் அதிகாரம் வழங்கப்பட வேண்டும் என்பது தொடர்பாக கலந்தாலோசிக்கப்பட வேண்டும் எனவும் அமைச்சரவைப் பேச்சாளர் கூறியுள்ளார்.

பாராளுமன்ற தெரிவுக்குழுவில் பங்கேற்க எவரும் முன்வரவில்லை என்பதற்காக தன்னிச்சையாக தீர்மானங்களை மேற்கொள்வதற்கு அரசாங்கம் முயற்சிக்கவில்லை எனவும் இந்தக் குழுவை நியமிப்பதில் ஏற்பட்டுள்ள தாமதத்திற்கு அரசாங்கம் பொறுப்பல்ல எனவும் அரசாங்கம் தெளிவானதொரு நிலைப்பாட்டில் இருப்பதாகவும் அவர் கூறியுள்ளார்.

காலதாமதத்தைக் குறைத்து விரைவில் பாராளுமன்ற தெரிவுக்குழுவை நியமிப்பது தொடர்பான பொறுப்பு தொடர்ச்சியாக குற்றச்சாட்டுக்களை சுமத்திவரும் தரப்பினருக்கு உள்ளதாக அமைச்சரவை பேச்சாளர் மேலும் குறிப்பிட்டுள்ளார்.

திவாகரனை தேடி சசிகலா தங்கியுள்ள வீட்டில் போலீஸ் திடீர் சோதனை!

2012-01-27T00:14:00.003+05:30

Friday, January 27, 2012
சென்னை::முதல்வரின் முன்னாள் தோழி சசிகலா தங்கியுள்ள வீட்டில் போலீசார் நேற்று சோதனை நடத்தினர். முதல்வர் ஜெயலலிதாவுடன் தங்கியிருந்த அவரது தோழி சசிகலா மற்றும் அவரது உறவினர்கள் போயஸ் கார்டனில் இருந்து வெளியேற்றப்பட்டனர். அதன்பின் பல்வேறு முறைகேடுகளில் அவரது உறவினர்கள் ஈடுபட்டதாக புகார்கள் வெளிவர ஆரம்பித்துள்ளன. அதில், திருவாரூர் மாவட்டத்தில் மன்னார்குடி அருகே கஸ்தூரி என்பவரின் வீட்டை இடித்து தரை மட்டமாக்கியதாக சசிகலாவின் தம்பி திவாகரன் மீது போலீசில் புகார் செய்யப்பட்டது.

அதைத் தொடர்ந்து அவரைப் பிடிக்க எஸ்பி சேவியர் தன்ராஜ் தலைமையில் தனிப்படை அமைக்கப்பட்டது. இதற்கிடையில் முன் ஜாமீன் கேட்டு அவர் மனு தாக்கல் செய்தார். முன் ஜாமீன் மனு மீது தீர்ப்பு வரும்வரை அவரை கைது செய்ய நீதிமன்றம் தடை விதிக்க மறுத்து விட்டது. அதைத் தொடர்ந்து, சசிகலாவின் அண்ணன் மகன் மகாதேவன் மற்றும் உறவினர்களின் திருச்சி, தஞ்சை, திருவாரூர் வீடுகளில் சோதனை நடந்தது.

இந்தநிலையில் சென்னை தி.நகரில் பசுல்லா சாலையில் உள்ள இளவரசியின் வீட்டில்தான் சசிகலா தங்கியுள்ளார். சில நேரங்களில் நீலாங்கரை யில் உள்ள பாஸ்கரனின் வீட்டில் தங்கியிருப்பார். இந்த இரு வீட்டிலும் திருவாரூர் போலீசார் நேற்று மாலையில் சோதனை நடத்தினர். அங்கு திவாகரன் தங்கியிருக்கலாம் என்ற சந்தேகத்தின்பேரில் சோதனை நடத்தினர். அங்கு அவர் இல்லை. ஆனால், போலீசார் சோதனை நடத்தும்போது சசிகலா அங்கு இருந்துள்ளார். அவரிடமும் போலீசார் விசாரித்ததாக கூறப்படுகிறது. ஆனால் திவாகரனைப் பற்றிய தகவல்கள் போலீசுக்கு முழுமையாக கிடைக்கவில்லை. இதனால் திவாகரனை தனிப்படை போலீசார் தீவிரமாக தேடி வருகின்றனர்.

தமிழக அமைச்சரவை: ஜெயலலிதா மீண்டும் அதிரடி 2 மந்திரிகள் பதவி பறிப்பு!

2012-01-27T00:10:00.003+05:30

Friday, January 27, 2012
சென்னை::தமிழக அமைச்சரவை 5வது முறையாக நேற்று மாற்றி அமைக்கப்பட்டுள்ளது. சசிகலா ஆதரவாளர்கள் என்று கருதப்படும் அக்ரி.கிருஷ்ணமூர்த்தி, வேலுமணி ஆகியோர் டிஸ்மிஸ் செய்யப்பட்டுள்ளனர். அதோடு 4 அதிமுக மாவட்டச் செயலாளர்களும் அதிரடியாக நீக்கப்பட்டுள்ளனர். முதல்வர் ஜெயலலிதா தலைமையில் புதிய அமைச்சரவை கடந்த மே 16ம் தேதி பொறுப்பேற்றது. எம்எல்ஏ பதவி ஏற்பு நிகழ்ச்சி நாளன்று திருச்சியில் இருந்து சென்னை வந்த அமைச்சர் மரியம்பிச்சை சாலை விபத்தில் உயிரிழந்தார். அதைத் தொடர்ந்து ஜூன் 21ம் தேதி முதல் முறையாக அமைச்சரவை மாற்றம் செய்யப்பட்டது. புதிய அமைச்சராக முகமது ஜான் அமைச்சராக சேர்க்கப்பட்டார். அதன்பின் 4 முறை அமைச்சரவை மாற்றமும், 5 முறை இலாகா மாற்றமும் செய்யப்பட்டுள்ளது.

முதல்வர் ஜெயலலிதாவின் தோழி சசிகலா, போயஸ்கார்டனில் இருந்து வெளியேற்றப்பட்ட பிறகு, அவரது ஆதரவு மூலம் அமைச்சர்களாக நியமிக்கப்பட்ட பலரும் டிஸ்மிஸ் செய்யப்படுவார்கள் என்று எதிர்பார்க்கப்பட்டது. ஆனால் கடந்த 18ம் தேதி அமைச்சர்கள் சிவி சண்முகம், அக்ரி.கிருஷ்ணமூர்த்தி, வேலுமணி, தங்கமணி ஆகிய 4 பேரின் இலாகா மட்டும் மாற்றம் செய்யப்பட்டது. அதில் சசிகலாவின் ஆதரவாளர்கள் என்று கருதப்பட்ட கிருஷ்ணமூர்த்திக்கு வணிகவரித்துறையில் இருந்து பள்ளிக்கல்வியும், தொழில் துறையில் இருந்து வருவாய் துறையும் ஒதுக்கப்பட்டது. இருவருக்கும் டம்மியான இலாகாவே ஒதுக்கப்பட்டதால் அவர்கள் இருவரும் தப்பியதாக அதிமுக வட்டாரத்தில் கருதப்பட்டன.

ஆனால், அமைச்சரவை மாற்றம் நடந்த 9 நாளில் அமைச்சர்கள் அக்ரி.கிருஷ்ணமூர்த்தி, வேலுமணி ஆகியோர் நேற்று இரவு டிஸ்மிஸ் செய்யப்பட்டனர். அவர்களுக்குப் பதில் புதிதாக திருச்சி புறநகர் மாவட்டத்தைச் சேர்ந்த முசிறி என்.ஆர்.சிவபதி பள்ளிக்கல்வி மற்றும் இளைஞர் நலன், விளையாட்டுத்துறை அமைச்சராகவும், திருவண்ணாமலை வடக்கு மாவட்டம் செய்யாறு தொகுதி முக்கூர் சுப்பிரமணியன் தகவல் தொழில் நுட்பத்துறை அமைச்சராகவும் நியமிக்கப்பட்டுள்ளனர். இவர்கள் இன்று மாலை 5 மணிக்கு பதவியேற்கின்றனர். இதில் என்.ஆர்.சிவபதி ஏற்கனவே விளையாட்டு துறை அமைச்சராக இருந்துள்ளார்.

இதுவரை தகவல் தொழில் நுட்பத்துறை அமைச்சராக இருந்த கே.ஏ.செங்கோட்டையனுக்கு வேலுமணியிடம் இருந்த வருவாய்துறை ஒதுக்கப்பட்டுள்ளது. இதற்கான அறிவிப்பு கவர்னர் மாளிகையில் இருந்து நேற்று இரவு பிறப்பிக்கப்பட்டது. மாவட்டச் செயலாளர் மாற்றம்: இந்த நிலையில், அதிமுகவில் 4 மாவட்டச் செயலாளர் மாற்றம் செய்யப்பட்டுள்ளனர். திருச்சி புறநகர் மாவட்ட செயலா ளர் கே.கே.பாலசுப்பிரமணியன் மாற்றப்பட்டு என்.ஆர்.சிவபதியும், புதுக்கோட்டை மாவட்ட செயலாளர் ராமையாவுக்கு பதிலாக டாக்டர் சி.விஜயபாஸ்கரும், திருவண்ணாமலை வடக்கு மாவட்ட செயலாளர் தூசி மோகன் மாற்றப்பட்டு முக்கூர் என்.சுப்பிரமணியனும், கோவை புறநகர் மாவட்ட செயலாளர் வேலுமணி மாற்றப்பட்டு, அமைச்சர் செ.தாமோதரனும் மாவட் டச் செயலாளர்களாக நியமிக்கப்பட்டுள்ளனர்.

இதற் கான அறிவிப்பை முதல்வ ரும் அதிமுக பொதுச் செயலாளருமான ஜெயலலிதா நேற்று இரவு வெளியிட்டார். அமைச்சர்கள் நீக்கம், மாவட்டச் செயலாளர்கள் நீக்கம், சசிகலாவின் உறவினர்கள் கட்சியில் இருந்து நீக்கம் என்று முதல்வர் ஜெயலலிதாவின் அதிரடி நடவடிக்கையால் சென்னையில் நேற்று பரபரப்பான சூழ்நிலை நிலவியது.
கட்சியில் இருந்து 4 பேர் நீக்கம்: தோட்டக்கலை கிருஷ்ணமூர்த்தி, சுந்தரவதனம், சந்தானலட்சுமி சுந்தரவதனம், வைஜெயந்திமாலா ஆகியோர் கட்சியின் அடிப்படை உறுப்பினர் பொறுப்பில் இருந்து நீக்கப்பட்டுள்ளனர். அதில் சுந்தரவதனம் சசிகலாவின் மூத்த அண்ணன். சந்தானலட்சுமி அவரது மனைவி. வைஜெயந்திமாலா, நடராஜனின் சகோதரியாவார். தோட்டக்கலை கிருஷ்ணமூர்த்தி, சசிகலாவின் தீவிர ஆதரவாளர்.

பல காலங்களாக சிங்களவர்கள் என்றால் அழிக்கும் மனிதர்கள் என்ற எண்ணத்தை புலிகள் தமிழ் மக்களின் மனதில் பலவந்தமாக ஏற்படுத்தி இருந்தனர்-விமல் வீரவங்ச!

2012-01-27T00:02:00.007+05:30

Friday, January 27, 2012
இலங்கை::பல காலங்களாக புலிகள் சிங்களவர்கள் என்றால் அழிக்கும் மனிதர்கள் என்ற எண்ணத்தை தமிழ் மக்களின் மனதில் பலவந்தமாக ஏற்படுத்தி இருந்தனர் எனவும் அந்த எண்ணம் தமிழ் மக்களிடம் இருந்து தற்போது இல்லாமல் போயுள்ளதுடன் இதனால் ஏற்பட்டுள்ள பிணைப்பானது சீன பெருஞ்சுவரை விட வலிமையானது என அமைச்சர் விமல் வீரவங்ச தெரிவித்துள்ளார்.

யுத்தமானது அனைவரது மனங்களில் சந்தேகத்தையும் நம்பிக்கையீனத்தையுமே ஏற்படுத்தும். நாம் நம்பிக்கை இழப்பானது மேற்குலக நாடுகளுக்கு சாதகமாக அமைந்து விடும். நாட்டில் மாத்திரமல்ல வீட்டில் கூட ஐக்கியம் இல்லாது போனால், அதனை அழிக்க வெளிசக்திகளுக்கு சாதகமான சந்தர்ப்பம் ஏற்பட்டு விடும் எனவும் அமைச்சர் கூறியுள்ளார்.

வட மாகாண பாடசாலை மாணவர்களை வரவேற்பதற்காக கோட்டே ஸ்ரீஜயவர்தனபுர பாலிகா கல்லூரியில் நடைபெற்ற வைபவத்தில் பிரதம விருந்தினராக கலந்துக்கொண்ட போதே அமைச்சர் வீரவங்ச மேற்கண்டவாறு கூறியுள்ளார்.

அதிகார ஆசை பிடித்த தமிழ் அரசியல்வாதிகளும்,இந்தியாவுமே காணி-காவற்துறை அதிகாரங்களை கோருகின்றனர்-குணதாச அமரசேகர!

2012-01-27T00:02:00.003+05:30

Friday, January 27, 2012
இலங்கை::அதிகார ஆசை பிடித்த தமிழ் இனவாத அரசியல்வாதிகளும், அவர்களுக்கு உந்து சக்தியை கொடுக்கும் இந்தியாவுமே காணி மற்றும் காவற்துறை அதிகாரங்களை கோரி நிற்பதாக தேசப்பற்றுள்ள தேசிய இயக்கத்தின் தலைவர் குணதாச அமரசேகர தெரிவித்துள்ளார். வடக்கு கிழக்கு மக்கள் காணி மற்றும் காவற்துறை அதிகாரங்களை கோரவில்லை. அவர்கள் இருப்பதற்கு காணியும், பாதுகாப்புக்கு காவற்துறையையும் மாத்திரமே கோருவதாக அமைச்சர் பசில் ராஜபக்ஷ தெரிவித்திருந்ததை தாம் வரவேற்பதாகவும் அவர் கூறியுள்ளார்.

அமைச்சர் பசில் ராஜபக்ஸ முக்கிய அமைச்சர் என்ற வகையில் அவரது கருத்தை அரசாங்கத்தின் கருத்தாக ஏற்றுக்கொள்ள முடியும். அமைச்சர் பசில் ராஜபக்ஷவின் கருத்துக்கு அமைய மக்களுக்கு தேவை பொருளாதார நியாயம் மற்றும் ஜனநாயக உரிமைகளே அன்றி அதிகார பரவாக்கம் அல்ல. தமிழ் இனவாத தலைவர்களுக்கே அதிகாரத்தை பரவலாக்கி கொள்ளும் தேவையுள்ளது.

இந்தியாவின் அழுத்தத்திற்கு அமைய கொண்டு வரப்பட்ட தீர்வு திட்டம் இன்று பொருந்தாது. யுத்தம் இல்லாத நிலைமையில், ஏனைய அழுத்தங்களுக்கு அடிப்பணியும் தேவையில்லை. காணி, மற்றும் காவற்துறை அதிகாரங்களை வழங்கிய 13 வது அரசியல் அமைப்பு திருதத்தை அமுல்படுத்த தேசப்பற்றுள்ள தேசிய இயக்கம் அனுமதிக்காது. இந்த பிரச்சினைக்கு தீர்வு காண தமிழ் மக்களின் உண்மையான சமூக, பொருளாதார பிரச்சினைகளை தீர்ப்பதற்கு அனைத்து மக்களினதும் ஒத்துழைப்புகளையும் பெற்றுக்கொள்ள வேண்டும். ஒரு இனத்திற்கு விசேடமான சிறப்புரிமைகளை வழங்கி, ஏனைய சமூகங்களில் ஒத்துழைப்புகளை பெற்றுள்ள முடியாது எனவும் குணதாச அமரசேகர கூறியுள்ளார்.

ஊழலை கையில் எடுக்கிறார் கமல்ஹாசன்!இனி சொந்த குரலிலேயே த்ரிஷா அதிரடி முடிவு!சிம்ரன், ஜோதிகா மாதிரி ஆக சமீரா ரெட்டி ஆசை!

2012-01-26T21:03:00.004+05:30

சென்னையில் ரிலீஸ் ஆகாத தமிழ்ப்படம்!!!என்னிடம் எல்லாமே ப்ளஸ் தான்: ‌ஹன்சிகா மோத்வானி!!!ஊழலை கையில் எடுக்கிறார் கமல்ஹாசன்!!!இனி சொந்த குரலிலேயே...! த்ரிஷா அதிரடி முடிவு!!சிம்ரன், ஜோதிகா மாதிரி ஆக சமீரா ரெட்டி ஆசை!!!மீண்டும் ஷங்கர் இயக்கத்தில் விக்ரம்!!!சென்னையில் ரிலீஸ் ஆகாத தமிழ்ப்படம்!!!
http://poonththalir-kollywood.blogspot.com

ஐக்கிய நாடுகள் சபை பிரதிநிதிகள் புனர்வாழ்வு பெற்ற சிறுவர் புலிபோராளிகளை சந்திப்பு!

2012-01-26T18:20:00.009+05:30

Thursday, January 26, 2012
இலங்கை::புலிகள் உட்பட தமிழ் ஆயுதக் குழுக்களிலிருந்து விலகி பல்வேறு வழிகளிலும் ஜனநாயக வழிக்குத் திரும்பி அரசாங்கத்தின் அனுசரணையுடன் புனர்வாழ்வுபெற்று மீள்வாழ்க்கைக்குத் திரும்பியுள்ள சிறுவர் புலிபோராளிகள் மற்றும் முன்னாள் புலிபோராளிகளின் வாழ்க்கை முறையை கண்டறிந்து அவர்கள் எதிர் நோக்கும் பிரச்சினைகள் குறித்து ஆராயவென ஐக்கியநாடுகள் சபையின் உயர்மட்ட குழுவினர் இன்று மாலை மட்டக்களப்பு மாவட்டத்திற்கு விஜயம் செய்தனர்.

ஐக்கிய நாடுகள் சபையின் நிகழ்ச்சித்திட்ட நிர்வாகி அலெக் வார்கோ மற்றும் ஐக்கிய நாடுகள் சபையின் சிறுவர் நிதிய மனித உரிமைகள் திட்ட ஆய்வாளர் காரி ரிஸ்ஸர் ஆகியோரே இன்று விஜயம் செய்தவர்களாவர்.

சத்துருக்கொண்டானிலுள்ள சர்வோதயம் தலைமையகத்தில் நடைபெற்ற உயர்மட்ட கலந்துரையாடலில் இவர்கள் கலந்து கொண்டனர்.

இங்கு வரவழைக்கப்பட்ட மீள் வாழ்க்கையிலீடுபட்டுள்ள முன்னாள் புலிபுலிபோராளிகளுடன் இவர்கள் நேரடியாக அவர்களது தேவைகளைக்கேட்டறிந்தனர்.

இச்சந்திப்பில் சர்வோதயம் சர்வதேச தொழில் அமைப்பு உலக கனேடிய உலக பல்கலைகழக நிறுவனம் ஆகிய உள்நாட்டு வெளிநாட்டு தொண்டர் நிறுவன பிரதிநிதிகளும் கலந்து கொண்டனர்.

மட்டக்களப்பு மாவட்டத்தில் அரசாங்கத்தின் அனுசரணையுடன் சுமார் 800 முன்னாள் புலிபோராளிகளும் சிறுவர் போராளிகளும் ஆயுதக்குழுக்களிலிலிருந்து விலகி மீள்வாழ்க்கையில் ஈடுபட்டுள்ளமை குறிப்பிடத்தக்கது.

புத்த துறவிகள் மீது சீனா துப்பாக்கி சூடு:-பங்காளி இடையே சொத்து தகராறு வீட்டு விசேஷத்தில் மனிதகுண்டு தாக்குதல்: குழந்தை உள்பட 5 பேர் பலி!

2012-01-26T18:20:00.005+05:30

Thursday, January 26, 2012
பீஜிங்::சீன அரசை கண்டித்து போராட்டம் நடத்திய புத்த துறவிகள் மீது துப் பாக்கிச் சூடு நடத்தியதில் ஒருவர் பலியானார். இதனால் பதற்றம் அதிகரித்துள்ளது. சீனாவின் கட்டுப்பாட் டில் திபெத் உள்ளது. விடுதலை கோரி திபெத்தியர்கள் பல ஆண்டுகளாக போராட்டம் நடத்தி வருகின்றனர். புத்த மதத் தலைவர் தலாய் லாமாவும், திபெத்துக்கு முழு சுதந்திரம் வழங்க சீனாவை தொடர்ந்து வலியுறுத்தி வருகிறார். இந்நிலையில் சீன அரசின் அடக்கு முறையை கண்டித்து சீனாவில் புத்த துறவிகள் ஆங்காங்கே போராட்டத்தில் ஈடுபட்டு வருகின்றனர். புத்த துறவிகள் சிலர் தீக்குளித்து தற்கொலை செய்து கொண்டனர். இதனால் சீனாவுக்கு நெருக்கடி ஏற்பட்டுள்ளது.

இந்நிலையில், சிசுவான் மாகாணத்தில் புத்த துறவிகள் நேற்று அரசை கண்டித்து போராட் டம் நடத்தினர். கடந்த திங்கட்கிழமை நடந்த போராட்டத்தின் போது துறவி ஒருவர் தீக்குளித்து இறந்தார். இதனால் ஆத்திரம் அடைந்த துறவிகள் ஏராளமானோர் நேற்றுமுன்தினம் கண்டன போராட்டம் நடத்தினர். அவர்கள் மீது சீன போலீசார் திடீரென துப்பாக்கிச் சூடு நடத்தியதில் துறவி ஒருவர் இறந்தார். இதனால் சுசுவான் மாகாணத்தில் பதற்றம் அதிகரித்துள்ளது. இதுகுறித்து போலீசார் கூறுகையில், ÔÔசென்குவான் போலீஸ் நிலையத்தின் மீது புத்த துறவிகள் தாக்குதல் நடத்தினர். இதில் 14 போலீசார் படுகாயம் அடைந்தனர். கலவரத்தை தடுக்க துப்பாக்கிச் சூடு நடத்த வேண்டிய கட்டாயம் ஏற்பட்டதுÕÕ என்றனர்...

பங்காளி இடையே சொத்து தகராறு வீட்டு விசேஷத்தில் மனிதகுண்டு தாக்குதல் : குழந்தை உள்பட 5 பேர் பலி!

பீஜிங்::உறவினர் வீட்டு விருந்து நிகழ்ச்சியில் வாலிபர் மனிதகுண்டு தாக்குதல் நடத்தியதில் அவர் மற்றும் ஒரு குழந்தை உள்பட 5 பேர் உடல் சிதறி பலியாயினர். சொத்து பிரச்னைக்கு பழிவாங்க அவர் இவ்வாறு கொடூர தாக்குதல் நடத்தியது தெரியவந்தது. சீனாவின் ஹுனான் மாகாணம் லியான்யுவான் நகருக்கு அருகே உள்ள கிராமம் டைலு. அங்குள்ள ஒருவர் சீன புத்தாண்டை முன்னிட்டு கடந்த 22ம் தேதி தன் வீட்டில் சிறப்பு விருந்து நிகழ்ச்சிக்கு ஏற்பாடு செய்திருந்தார். சொந்தக்காரர்கள், நண்பர்கள், அக்கம்பக்கத்தினர் உள்பட ஏராளமானோர் வந்திருந்தனர். தடபுடலாக விருந்து நடந்துகொண்டிருந்தது. அப்போது, ஆவேசத்துடன் ஒரு வாலிபர் அங்கு வந்தார். பொருட்களை அடித்து நொறுக்கியபடியே வீட்டுக்குள் புகுந்தார். விருந்து நடக்கும் இடத்துக்கு வந்த அவர், தன் உடலில் மறைத்து வைத்திருந்த வெடிகுண்டுகளை சரமாரியாக வெடிக்க செய்தார். உடல் சிதறி பலியானார். விருந்து நிகழ்ச்சியை நடத்தியவர், அவரது அப்பா, அம்மா, ஒரு குழந்தை ஆகியோரும் இத்தாக்குதலில் பரிதாபமாக பலியாயினர். 6 பேர் படுகாயம் அடைந்தனர். மனிதகுண்டாக மாறி தாக்குதல் நடத்திய வாலிபரின் பெயர் லியோ. அவர் விருந்து நடத்தியவரின் பங்காளி உறவுமுறை என்று தெரிந்தது. அவர்களிடையே நீண்ட காலமாக சொத்து தகராறு இருந்து வந்தது. அதற்கு பழிவாங்கவே கொடூர தாக்குதல் நடத்தியுள்ளார். வெளியூரில் வேலை பார்த்து வந்த அவர் இதற்காகத்தான் சமீபத்தில் கிராமத்துக்கு வந்தார் என்றும் தெரியவந்தது. சொத்து பிரச்னைக்காக மனிதகுண்டு தாக்குதல் நடத்தப்பட்டது சீனாவில் பெரும் பரபரப்பை ஏற்படுத்தியுள்ளது.

ஐநா பொதுச்செயலரின் ஆலோசகராக விஜய் நம்பியார் நியமனம்!

2012-01-26T16:52:00.003+05:30

Thursday, January 26, 2012
ஐநா பொதுச்செயலர் பான் கி மூனின் மியான்மருக்கான சிறப்பு ஆலோசகராக இந்திய தூதர் விஜய் நம்பியார் நியமிக்கப்பட்டுள்ளார்.

விஜய் நம்பியார் 2007ம் ஆண்டில் இருந்து ஐ.நாவுக்கான நிரந்தர பிரதிநிதியாகவும், பான் கி மூனின் தலைமை அலுவலராகவும் இருந்து வருகிறார். இந் நிலையில் தலைமை அலுவலர் பதவியில் இருந்து விலக நம்பியார் விருப்பம் தெரிவித்திருந்தார்.

இந் நிலையில் அவரை மியான்மருக்கான தனது சிறப்பு ஆலோசகராக பான் கி மூன் நியமித்துள்ளார்.

இதற்கு முன் பாகிஸ்தான், சீனா, ஆப்கானிஸ்தானுக்கான இந்தியத் தூதராகவும் நம்பியார் இருந்துள்ளார் என்பது குறிப்பிடத்தக்கது.

விரைவில் பான் கி மூன் மியான்மாருக்கு பயணம் செய்யவுள்ள நிலையில், அந் நாட்டுக்கான தனது சிறப்பு ஆலோசகராக நம்பியாரை நியமித்துள்ளார்.

2009ம் ஆண்டில் பான் கி மூனின் சிறப்புப் பிரதிநிதியாக கொழும்பு சென்ற விஜய் நம்பியார், போரினால் இடம் பெயர்ந்த தமிழர்களுக்காக இலங்கை அரசு அமைத்துக் கொடுத்திருந்த முகாம்களில் சிறப்பான வசதிகள் செய்து கொடுக்கப்பட்டிருப்பதாக பாராட்டியது குறிப்பிடத்தக்கது.

விஜய் நம்பியாரின் சகோதரர் சதீஷ் நம்பியார், ராஜீவ் காந்தி- ஜெயவர்த்தனே இடையிலான ஒப்பந்தத்தின் கீழ், இலங்கை சென்ற இந்திய அமைதி காக்கும் படையில் முக்கியப் பொறுப்பில் இருந்தவர் என்பதும் குறிப்பிடத்தக்கது.

இலங்கை கடற்படை கைது செய்த நாகை மீனவர்கள் 43 பேர் விடுதலை!

2012-01-26T16:45:00.009+05:30

Thursday, January 26, 2012
நாகை::நாகை அடுத்த அக்கரைப்பேட்டையை சேர்ந்தவர் கர்ணன். விசைப்படகு உரிமையாளர். இவரது படகில் அதே பகுதியை சேர்ந்த காளியப்பன், சங்கர், ஆனந்தகுமார், ரமேஷ், வேல்முருகன், செந்தில்குமார், விஜி ஆகிய 7 பேரும், ராஜூ என்பவருக்கு சொந்தமான விசைப்படகில் சிவக்குமார், சாமிநாதன், சண்முகராஜ், மூர்த்தி, பாலாஜி, ராமச்சந்திரன், இலக்கியன் ஆகிய 7 பேர் மற்றும் பல்வேறு படகுகளில் மொத்தம் 43 பேர் கடந்த 22ம் தேதி கடலுக்கு மீன் பிடிக்க சென்றனர்.

இவர்களை நேற்று முன்தினம் மதியம் இலங்கை கடற்படையினர் சுற்றி வளைத்து, திரிகோணமலைக்கு அழைத்து சென்றனர். இச்சம்பவம் நாகையில் பரபரப்பை ஏற்படுத்தியது. இந்நிலையில், கைது செய்யப்பட்ட மீனவர்கள் 43 பேரும் விடுதலை செய்யப்பட்டதாக நேற்று தகவல் வெளியானது. கலெக்டர் முனுசாமி கூறுகையில், ‘‘நாகையை சேர்ந்த 43 மீனவர்கள் விடுதலை செய்யப்பட்டு விட்டனர். அனைவரும் நாளை நாகை வருவர்‘‘ என்றார்.div>

ஒன்பது பொலிஸ் நிலைய பொறுப்பதிகாரிகளுக்கு இடமாற்றம்!

2012-01-26T16:44:00.002+05:30

Thursday, January 26, 2012
இலங்கை::உடன் அமுலுக்கு வரும் வகையில் ஒன்பது பொலிஸ் நிலையங்களின் பொறுப்பதிகாரிகளுக்கு இடமாற்றம் வழங்கப்பட்டுள்ளது. பணி நிமிர் த்தம் இந்த இடமாற்றம் வழங்கப்பட்டுள்ளதாக பொலிஸ் தலைமையகம் தெரிவித்துள்ளது.

வாழைத்தோட்டம் பொலிஸ் நிலைய பொறுப்பதிகாரி வெல்லவாய பொலிஸ் நிலையத்திற்கும், ஹித்தோகம பொலிஸ் நிலைய பொறுப்பதிகாரி வவுணதீவு பொலிஸ் நிலையத்திற்கும், வவுணதீவு பொலிஸ் நிலைய பொறுப்பதிகாரி குண்டசாலை பொலிஸ் கல்லூரிக்கும், வெலிக்கடை பொலிஸ் நிலைய பொறுப்பதிகாரி ஹித்தோகம பொலிஸ் நிலையத்திற்கும் இடமாற்றப்பட்டுள்ளனர்.

கொஸ்வத்த பொலிஸ் நிலைய பொறுப்பதிகாரி மீகாவத்தை பொலிஸ் நிலையத்திற்கும், மீகாவத்தை பொலிஸ் நிலைய பொறுப்பதிகாரி கம்பஹா பொலிஸ் தலைமையகத்திற்கும், போத்தல பொலிஸ் நிலைய பொறுப்பதிகாரி பெந்தொட பொலிஸ் நிலையத்திற்கும் இடமாற்றப்பட்டுள்ளனர்.

இதனைத்தவிர மாத்தளை பொலிஸ் நிலையப் பொறுப்பதிகாரி மஹவெலவுக்கும், மொரட்டுவ பொலிஸ் நிலைய பொறுப்பதிகாரி அங்குலான பொலிஸ் நிலையத்திற்கும் இடமாற்றப்பட்டுள்ளதாக பொலிஸ் தலைமையகம் விடுத்துள்ள அறிக்கையில் குறிப்பிடப்பட்டுள்ளது.

ஐ.தே.கவுக்கு அரசாங்கம் பதில்!

2012-01-26T16:24:00.003+05:30

Thursday, January 26, 2012
இலங்கை::13 வது திருத்தச் சட்டத்திற்கு அப்பால் சென்று தீர்வு வழங்கப்படும் என்று அரசாங்கம் அறிவித்திருப்பதன் அர்தம் என்னவென்பது தொடர்பில் ஐக்கிய தேசிய கட்சி கேள்வியெழுப்பியுள்ளது.
கொழும்பில் இன்று இடம்பெற்ற ஊடகவியலாளர் சந்திப்பில் கலந்து கொண்டு உரையாற்றிய கட்சியின் நாடாளுமன்ற உறுப்பினர் லக்ஸ்மன் இது தொடர்பில் அரசாங்கம் விளக்கமளிக்க வேண்டும் என கோரினார்.

ஐக்கிய தேசிய கட்சி இலங்கை இனப்பிரச்சினைக்கு தீர்வு காணப்பட வேண்டும் என்பதில் ஒரே நிலைப்பாட்டுடன் இருப்பதாக அவர் சுட்டிக்காட்டியுள்ளார்.

அந்த நிலைப்பாட்டில் மாற்றம் இல்லை.

ஐக்கிய தேசிய கட்சி இந்த பிரச்சினைக்கு தீர்வை கண்ட போது அதனை ஜே வி பி மற்றும் சிறிலங்கா சுதந்திர கட்சி என்பன எதிர்த்தன.

இல்லை எனில் அன்றே இனப்பிரச்சினைக்க தீர்வு காணப்பட்டிருக்கும் என அவர் சுட்டிக்காட்டியுள்ளார்.
இந்த நிலையில், அரசாங்கம் 13க்கு அப்பால் என்று கூறுகின்ற தீர்வு எதனைக் குறிக்கிறது என்று அவர் கேள்வி எழுப்பியுள்ளார்.
எது எப்படி இருப்பினும், ஐக்கிய தேசிய கட்சியினாலேயே இனப்பிரச்சினைக்கு தீர்வு காண முடியும் எனவும் அவர் வலியுறுத்தியுள்ளார்.

லக்ஸ்மன் கிரியல்லவின் இந்த கேள்விக்கு இன்று கொழும்பில் இடம்பெற்ற அமைச்சரவை தீhமானங்களை வெளியிடும் ஊடக சந்தப்பின் போது, அமைச்சரவை பேச்சாளர் கெஹெலிய ரம்புக்வெல பதில் வழங்கினார்.

தாம் 100 தடவைகளுக்கு மேல் இதுதொடர்பாக விளக்கமளித்துள்ளதாக தெரிவித்த அவர், இது 101வது தடவை தாம் வழங்கும் விளக்கம் என குறிப்பிட்டார்.
13 பிளஸ் எனப்படுவது செனட் சபையாகும்.

இது தொடர்பாக ஜனாதிபதி இந்தியாவில் பிரதமர் மன்மோகன் சிங், அந்த நாட்டின் எதிர்கட்சித் தலைவர் உடபட்டோருக்கு ஏற்கனவே விளக்கமளித்துள்ளதாகவும் கெஹெலிய ரம்புக்வெல தெரிவித்தார்.

அரசாங்கம் மற்றும் கூட்டமைப்பு ஆகியவற்றுக்கு இடையிலான பேச்சுவார்த்தைகளின் எதிர்காலம் தொடர்பில் புதிய தகவல்கள் எதுவும் கிடைக்கவில்லை-ரஜீவ விஜேயசிங்க!

2012-01-26T16:23:00.003+05:30

Thursday, January 26, 2012
இலங்கை::அரசாங்கம் மற்றும் தமிழ்த் தேசியக் கூட்டமைப்பு ஆகியவற்றுக்கு இடையிலான பேச்சுவார்த்தைகளின் எதிர்காலம் தொடர்பில் புதிய தகவல்கள் எதுவும் தனக்கு கிடைக்கவில்லை எனவும் எனினும் கடந்த ஞாயிற்றுக்கிழமை கூட்டமைப்பின் தலைவர் இரா. சம்பந்தனை சந்தித்தபோது அவர் மிக வும் ஆக்கபூர்வமான வகையிலேயே கருத்துக்களை வெளியிட்டார் என்று ஆளும் கட் சியின் பேச்சுவார்த்தைக் குழுவின் உறுப்பினரும் பாராளுமன்ற உறுப்பினருமான பேராசியர் ரஜீவ விஜேயசிங்க தெரிவித்துள்ளார்.

தமிழ்த் தேசியக் கூட்டமைப்பினதும் அரசாங்கத்தினதும் பிரதிநிதிகளுக்கு இடையிலான பேச்சுவார்த்தையின் எதிர்காலம் தொடர்பில் எவ்விதமான புதிய தகவல்களும் என்னிடம் இல்லை என்றே கூறவேண்டும்.

இனி எப்போது பேச்சுவார்த்தை நடக்கும் என்று எனக்கு தெரியவில்லை. இது தொடர்பில் அரசாங்கத் தரப்பில் அமைச்சர் நிமால் சிறிபால டி சில்வா மற்றும் கூட்டமைப்பின் சார்பில் இரா. சம்பந்தனிடம் வினவவேண்டும்.

எனினும் கடந்த ஞாயிற்றுக்கிழமை நான் கூட்டமைப்பின் தலைவர் இரா. சம்பந்தனை சந்தித்தபோது அவர் மிகவும் ஆக்கபூர்வமான கருத்துக்களையே வெளியிட்டார்.இது பேசசு;க்கள் தொடரும் என்ற நம்பிக்கையை என்னில் ஏற்படுத்தியுள்ளது.

எனவே, எதிர்காலத்தில் அரசாங்கத்துக்கும் கூட்டமைப்புக்கும் இடையில் பேசசு;வார்த்தை நடைபெறும் என்றே நம்புகின்றோம். இரண்டு தரப்புக்களுக்கும் இடையிலான பேச்சுவார்த்தைகள் வெற்றிபெறும் என்பதே எனது நம்பிக்கையாகும்.

ஆனால் அதற்கு பேச்சுவார்த்தைகள் இடம்பெறவேண்டியது அவசியமாகும்.எனினும் தற்போதைய நிலைமையில் பேச்சுவார்த்தை விடயத்தில் இரண்டு தரப்பினர் மத்தியிலும் எவ்வாறான நிலைமைகள் காணப்படுகின்றன என தெரியவில்லை.

இதேவேளை, தமிழ்த் தேசிய கூட்டமைப்பின் பாராளுமன்ற உறுப்பினர் சுமந்திரன் வெளிநாட்டுக்குப் பயணமாகியுள்ளதாக தெரிவிக்கப்படுகின்றது. அத்துடன் அடுத்த பாராளுமன்ற அமர்வு பெப்ரவரி மாதத்தின் இரண்டாம் வாரத்தில் நடைபெறும்.அந்த வகையில் அடுத்த மாதத்தின் இரண் டாம் வாரத்தில் பேச்சுக்கள் நடைபெறும் சாத்தியமுள்ளது என விஜேசிங்க தெரிவித்துள்ளார்.

குடியரசு தின கொண்டாட்டம் டெல்லியில் 8 கி.மீ. தூரம் பிரம்மாண்ட அணிவகுப்பு!

2012-01-26T14:53:00.011+05:30

Thursday, January 26, 2012
புதுடெல்லி::புதுடெல்லியில் பலத்த பாதுகாப்பு மத்தியில் டெல்லியில் குடியரசு தின விழா இன்று கோலாகலமாக கொண்டாடப்பட்டது. ஜனாதிபதி பிரதீபா பாட்டீல் தேசிய கொடியேற்றி வைத்தார். ராணுவத்தின் பலத்தை விளக்கும் வகையிலும், இந்திய கலாசாரத்தை பறைசாற்றும் வகையிலும் 8 கி.மீ. தூரத்துக்கு பிரம்மாண்ட அணிவகுப்பு, நடன நிகழ்ச்சிகள் நடந்தன. ஆயிரக்கணக்கான முக்கிய பிரமுகர்களும் பொது மக்களும் கடும் குளிரையும் பொருட்படுத்தாமல் அணிவகுப்பை கண்டுகளித்தனர். நாட்டின் 63வது குடியரசு தினம் இன்று நாடு முழுவதும் கொண்டாடப்படுகிறது. நாட்டுக்காக உயிர் நீத்த வீரர்களுக்கு, டெல்லி இந்தியா கேட் பகுதியில் உள்ள அமர் ஜவான் ஜோதி நினைவிடத்தில் பிரதமர் மன்மோகன் சிங் மலர்வளையம் வைத்து அஞ்சலி செலுத்தினார். பின்னர், ராஜபாதையில் ஜனாதிபதி பிரதீபா பாட்டீல் 21 குண்டுகள் முழங்க தேசிய கொடியை ஏற்றினார். அப்போது வானத்தில் இருந்து ஹெலிகாப்டர்கள் பலவண்ண மலர்களை தூவின.

பிறகு நாட்டின் கலாசாரத்தையும், ராணுவ வல்லமையையும் காட்டும் சிறப்பு மிக்க குடியரசு தின அணிவகுப்பு ராஜ பாதையில் தொடங்கியது. முப்படைகளின் தலைவர் ஜனாதிபதி பிரதீபா பாட்டீல், பிரதமர் மன்மோகன் சிங், குடியரசு தின விழா சிறப்பு விருந்தினராக வந்துள்ள தாய்லாந்து நாட்டு பெண் பிரதமர் இன்லக் சின்னவத்ரா, துணை ஜனாதிபதி ஹமீத் அன்சாரி, காங்கிரஸ் தலைவர் சோனியா காந்தி, பாதுகாப்பு அமைச்சர் ஏ.கே.அந்தோணி, விமான படை மார்ஷல் அர்ஜான் சிங் உள்ளிட்டோர் அணிவகுப்பை பார்வையிட்டனர். ராஜபாதை முதல் செங்கோட்டை வரை 8 கிலோ மீட்டர் தூரத்துக்கு நடந்த பிரம்மாண்ட அணிவகுப்பை காண, காலையில் கடும் குளிரையும் பொருட்படுத்தாமல் ஆயிரக்கணக்கான மக்கள் ஆர்வமுடன் திரண்டிருந்தனர். 3000 கிலோ மீட்டர் தூரத்துக்கு கண்டம் விட்டு கண்டம் பாயும் அக்னி-4 ஏவுகணை, டி-72 டேங்க் உள்ளிட்டவையும், விமான படை, கப்பல் படையில் சமீபத்தில் சேர்க்கப்பட்ட ஆளிலில்லா போர் விமானங்கள், அதிநவீன கருவிகளும் அலங்கார ஊர்திகளில் காட்சிக்கு கொண்டு வரப்பட்டு அணிவகுப்பில் பங்கேற்றன. மொத்தம் 13 மாநிலங்கள் மற்றும் 10 மத்திய அமைச்சகங்கள் சார்பில் அலங்கார ஊர்திகள் கலந்து கொண்டன. தமிழகத்தில் இருந்து தஞ்சாவூர் கலைஞர்கள் அணிவகுப்பில் பங்கேற்று அசத்தல் நடனமாடினர்.

டெல்லியை சேர்ந்த 1200 மாணவர்கள் மற்றும் மற்ற மாநில கலாசார மையங்களை சேர்ந்த குழுவினர்களின் கண்கவர் கலை நிகழ்ச்சிகள் இடம்பெற்றன. கடந்த 2009ம் ஆண்டுக்கான வீரதீர செயல் விருதுக்கு 24 சிறுவர்கள் தேர்ந்தெடுக்கப்பட்டிருந்தனர். அவர்களில் 19 பேர் விழாவில் பங்கேற்றனர். மற்ற 5 பேர் இறந்து விட்டனர். அவர்கள் சார்பில் அவர்களது குடும்பத்தார் விருதுகளை பெற்றுக் கொண்டனர். விழா நிறைவாக தேசிய கீதம் முழங்கப்பட்டது. குடியரசு தின பாதுகாப்புக்காக 25 ஆயிரம் போலீசார் நகரம் முழுவதும் குவிக்கப்பட்டிருந்தனர். அணிவகுப்பு நடந்த பகுதியில் விமானம் பறக்க தடை விதிக்கப்பட்டது. நகரின் முக்கிய பகுதிகளில் கண்காணிப்பு கேமராக்கள் பொருத்தி கண்காணிக்கப்பட்டது. கடந்த ஆண்டுகளை போல் இல்லாமல், இந்த ஆண்டு தீவிரவாத அச்சுறுத்தல் எதுவும் குறிப்பிடும்படி இல்லை என்று மத்திய அரசு அதிகாரிகள் கூறினர். இதனால் அசம்பாவிதம் எதுவும் இன்றி குடியரசு தின விழா சிறப்பாக நடைபெற்றது.

63-வது குடியரசு தின விழா மெரினாவில் கோலாகலம்!

2012-01-26T13:48:00.014+05:30

Thursday, January 26, 2012
சென்னை::சென்னை மெரினா கடற்கரையில் குடியரசு தினவிழா இன்று கோலாகலமாக கொண்டாடப்பட்டது. கவர்னர் ரோசய்யா தேசியக் கொடியை ஏற்றி வைத்தார். வீரதீர செயல் புரிந்தவர்களுக்கு பதக்கங்களை முதல்வர் ஜெயலலிதா வழங்கினார். இதைத் தொடர்ந்து நடந்த வண்ணமயமான கலைநிகழ்ச்சிகள் மற்றும் அணிவகுப்பை ஆயிரக்கணக்கான மக்கள் கண்டு ரசித்தனர். நாட்டின் 63-வது குடியரசு தினம் இன்று கொண்டாடப்படுகிறது. தமிழக அரசு சார்பில் மெரினா கடற்கரை காந்தி சிலை அருகில் விழாவுக்கு ஏற்பாடு செய்யப்பட்டிருந்தது. விழாவையும், அணிவகுப்பையும் பொதுமக்கள் பார்க்க வசதியாக கடற்கரை சாலையின் இருபுறமும் தடுப்புகள் அமைக்கப்பட்டிருந்தன. விஐபிக்கள், அதிகாரிகளுக்காக காந்தி சிலையின் இரு புறத்திலும் துணி பந்தல் போடப்பட்டிருந்தது. காந்தி சிலை மற்றும் அதை சுற்றியுள்ள பகுதிகள் வண்ண மலர்களால் அலங்கரிக்கப்பட்டிருந்தன. கடும் குளிரையும் பொருட்படுத்தாமல் அதிகாலை 5 மணி முதலே குடியரசு தினவிழாவை பார்ப்பதற்காக மெரினாவில் மக்கள் குவியத் தொடங்கினர்.

காலை 7.48 மணிக்கு முதல்வர் ஜெயலலிதா வந்தார். அவரை தலைமைச் செயலாளர் தேபேந்திரநாத் சாரங்கி, டிஜிபி ராமானுஜம் வரவேற்றனர். பின்னர், முதல்வர் காரில் லைட் ஹவுஸ் வரை சென்று சாலையின் இருபுறமும் கூடியிருந்த மக்களுக்கு குடியரசுதின வாழ்த்துக்களை தெரிவித்தார். 7.52 மணிக்கு முப்படை வீரர்கள் புடை சூழ, கவர்னர் ரோசய்யா வந்தார். அவரை முதல்வர் ஜெயலலிதா மற்றும் அதிகாரிகள் வரவேற்றனர். முப்படை தளபதிகள் மற்றும் போலீஸ் அதிகாரிகள் அவருக்கு அறிமுகம் செய்து வைக்கப்பட்டனர். அங்கு அமைக்கப்பட்டிருந்த விசேஷ கம்பத்தில் சரியாக 8 மணிக்கு தேசியக் கொடியை கவர்னர் ரோசய்யா ஏற்றி வைத்து மரியாதை செலுத்தினார். அப்போது வானில் பறந்து வந்த கடற்படை ஹெலிகாப்டர், மலர்களை தூவியது. இதைத் தொடர்ந்து வீரதீர செயல் புரிந்தவர்கள், பல்வேறு துறைகளில் சாதனை படைத்தவர்களுக்கு விருது மற்றும் பரிசு தொகையை முதல்வர் ஜெயலலிதா வழங்கினார்.

விழாவில் சபாநாயகர் ஜெயக்குமார், ஓ.பன்னீர் செல்வம், செங்கோட்டையன், நத்தம் விஸ்வநாதன் உள்ளிட்ட அமைச்சர்கள், எம்.பி., எம்எல்ஏக்கள், முப்படை பொறுப்பு அதிகாரிகள், சென்னையில் உள்ள இந்தியாவுக்கான வெளிநாட்டு தூதர்கள், அரசு அதிகாரிகள், ஏராளமான பொதுமக்கள் கலந்து கொண்டனர். வீரதீர செயலுக்கான அண்ணா பதக்கத்தை மத்திய சென்னை வட்டார தீயணைப்பு அலுவலர் என்.பிரியா, அசோக்நகர் தீயணைப்பு நிலைய அலுவலர் முருகன், தேனாம்பேட்டை தீயணைப்பு அலுவலராக பணிபுரிந்து மரணமடைந்த அன்பழகன், திருப்பூர் மாவட்டத்தை சேர்ந்த ஹரீஷ்குமார், ச.ரவி ஆகியோருக்கு வழங்கப்பட்டது. இவர்களுக்கு பதக்கத்துடன் ரூ.1 லட்சத்துக்கான காசோலையும் வழங்கப்பட்டது. கோட்டை அமீர் மதநல்லிணக்க பதக்கமும், ரூ.25 ஆயிரத்துக்கான காசோலையும் புதுக்கோட்டை மாவட்டத்தை சேர்ந்த செ.ராஜா முகமதுக்கு வழங்கப்பட்டது. மதுவிலக்கை சிறப்பாக அமல்படுத்தியதற்காக சென்னை கூடுதல் துணை கமிஷனர் எஸ்.ஜெயக்குமார், கிருஷ்ணகிரி மாவட்ட கூடுதல் எஸ்.பி. செந்தில்குமார், தர்மபுரி மாவட்ட கூடுதல் எஸ்.பி. சம்பத்குமார், தர்மபுரி மாவட்ட தோப்பூர் மதுவிலக்கு அமலாக்க பிரிவு சிறப்பு எஸ்.ஐ. சம்பத்குமார், தர்மபுரி மாவட்ட பெண்ணாகரம் காவல் நிலைய ஏட்டு சின்னமாதவன் ஆகியோருக்கு காந்தியடிகள் காவலர் பதக்கம் மற்றும் ரூ.20 ஆயிரத்துக்கான காசோலை வழங்கப்பட்டது.

இதைத் தொடர்ந்து முப்படை வீரர்களின் அணிவகுப்பு நடந்தது. அணிவகுப்பு மரியாதையை கவர்னரும் முதல்வரும் பார்வையிட்டனர். வான்படை, ராணுவ படை, கடற்படை, சிஆர்பிஎப், பெண்கள் கமாண்டோ படை, தமிழக காவல் துறை வீரர்கள் வரிசையாக அணி வகுத்து வந்தனர். தமிழர்களின் பெருமையை விளக்கும் பாடல்களுக்கு பள்ளி, கல்லூரி மாணவிகள் ஆடிய வண்ணமயமான நடனம் அனைவரையும் வெகுவாக கவர்ந்தது. ஒயிலாட்டம், கோலாட்டம், கை சிலம்பாட்டம், தேசிய ஒருமைப்பாடு நடனம் போன்றவை அணிவகுப்பில் இடம்பெற்றன. தமிழக அரசின் சாதனைகளை விளக்கி பல்வேறு துறைகளின் சார்பில் அமைக்கப்பட்ட அலங்கார ஊர்திகளும் அணிவகுப்பில் கலந்து கொண்டன. அலங்கார ஊர்தி அணிவகுப்பில் செய்தி மக்கள் தொடர்பு துறைக்கு முதல் பரிசு கிடைத்தது. 2-ம் பரிசை காவல்துறை பெற்றது. கல்லூரிகளுக்கு இடையே நடந்த நடன நிகழ்ச்சியில் முதல் பரிசை பிராட்வே பாரதி மகளிர் கல்லூரியும், 2-ம் பரிசை எத்திராஜ் மகளிர் கல்லூரியும் பெற்றன. பள்ளிகள் அளவிலான நடன நிகழ்ச்சியில் முதல் பரிசு அசோக்நகர் ஜிஆர்டி மெட்ரிக் மேல்நிலை பள்ளிக்கும், 2-ம் பரிசு மயிலாப்பூர் சிறுவர் பூங்கா மகளிர் மேல்நிலை பள்ளிக்கும், 3-ம் பரிசு சைதாப்பேட்டை சென்னை மகளிர் மேல்நிலைப்பள்ளிக்கும் வழங்கப்பட்டன. விழாவையொட்டி மெரினா கடற்கரையில் பலத்த பாதுகாப்பு போடப்பட்டிருந்தது. கண்காணிப்பு கேமராக்களும் பொருத்தப்பட்டிருந்தன. குதிரை படை வீரர்களும் கப்பலில் இருந்தபடி பாதுகாப்பு படை வீரர்களும் கண்காணிப்பில் ஈடுபட்டனர். மாலையில் முதல்வர், அமைச்சர்கள், அதிகாரிகள் மற்றும் முக்கிய பிரமுகர்களுக்கு கவர்னர் மாளிகையில் தேனீர் விருந்து நிகழ்ச்சி நடக்கிறது...

காஞ்சிபுரம், திருவள்ளூர் மாவட்டத்தில் குடியரசு தின விழா கொண்டாட்டம்!

காஞ்சிபுரம் : காஞ்சிபுரம் கலெக்டர் அலுவலக வளாகம், அண்ணா காவல் அரங்கத்தில் குடியரசு தின விழா இன்று காலை நடந்தது. கலெக்டர் ஹனீஷ் சாப்ரா தலைமை தாங்கி தேசிய கொடியை ஏற்றி வைத்து போலீஸ் அணிவகுப்பு மரியாதையை ஏற்றார். பின்னர் தியாகிகள் கவுரவிக்கப்பட்டனர். மாவட்டத்தில் சிறப்பாக பணியாற்றிய 34 காவலர்களுக்கு முதல்வர் பதக்கம் வழங்கப்பட்டது.
இதில் முன்னாள் படைவீரர்கள் மாற்றுத் திறனாளிகள் பிற்படுத்தப்பட்ட மற்றும் சிறுபான்மை நலத்துறை, ஆதிதிராவிடர் மற்றும் பழங்குடியினர் நலத்துறை வருவாய் துறை மற்றும் மாவட்ட ஊரக வளர்ச்சி முகமை சார்பில் பசுமை வீடுகள் கட்டுவதற்கான நிதி, பொதுப்பணித்துறை சார்பில் தேசிய சிறுசேமிப்பு பத்திரம் உள்ளிட்ட 86 பயனாளிகளுக்கு ரூ. 49.83 லட்சத்தில் நலத்திட்ட உதவிகள் வழங்கப்பட்டது.

இந்த நிகழ்ச்சியில் எஸ்பி மனோகரன், கூடுதல் எஸ்பிக்கள் பாஸ்கரன், உமையாள், மாவட்ட வருவாய் அலுவலர் சுதர்சனம், ஆர்டிஓ வீரப்பன், முதன்மை கல்வி அலுவலர் சீதா லட்சுமி, பயிற்சி கலெக்டர் லலிதா உள்பட பலர் கலந்து கொண்டனர். மாணவ மாணவிகளின் கலை நிகழ்ச்சி நடந்தது. ஸ்ரீபெரும்புதூர் ஒன்றியம் மேட்டுப்பாளையம் ஊராட்சி துவக்கப்பள்ளியில் குடியரசு தினவிழா நடந்தது. பள்ளி தலைமை ஆசிரியர் ஜெயந்தி தலைமை தாங்கினார். ஊராட்சி தலைவர் வேலு, துணை தலைவர் அருந்ததி ஆகியோர் கலந்து கொண்டனர். திருவள்ளூர் கலெக்டர் அலுவலக பெருந்திட்ட வளாகத்தில், குடியரசு தின விழா இன்று காலை நடந்தது.

கலெக்டர் ஆசிஷ் சட்டர்ஜி கொடியேற்றி வைத்து காவல் துறை அணிவகுப்பு மரியாதையை ஏற்றார். பின்னர் சுதந்திர போராட்ட தியாகிகள் கவுரவிக்கப்பட்டனர். மாற்றுத் திறனாளிகளுக்கு இனிப்பு வழங்கி, காவல் துறையில் வீரதீர செயல் புரிந்தோருக்கு பதக்கம், பல்வேறு துறை சார்பில் ரூ.19 லட்சத்து 65 ஆயிரத்து 949 மதிப்பில் நலத்திட்ட உதவிகளை கலெக்டர் வழங்கினார். நாட்டுப்புற கலைஞர்கள் பாராட்டப்பட்டனர். இதை தொடர்ந்து பள்ளி, கல்லூரி மாணவர்களின் கலை நிகழ்ச்சி நடந்தது. இதில் சிறப்பாக நடனம் ஆடிய குழுவுக்கு பரிசு வழங்கப்பட்டது. நிகழ்ச்சியில் எஸ்பி வனிதா, மாவட்ட வருவாய் அலுவலர் விசாகன், திட்ட இயக்குநர் பிருத்விராஜ், ஊராட்சி குழு தலைவர் ரவிச்சந்திரன், திருவள்ளூர் ஒன்றிய குழு தலைவர் புட்லூர் சந்திரசேகர், மாவட்ட கவுன்சிலர் செல்வக்குமாரி அண்ணா துரை மற்றும் அரசு, காவல் துறை அதிகாரிகள், அலுவலர்கள் பங்கேற்றனர்.

ஊத்துக்கோட்டை மாவட்ட உரிமையியல் மற்றும் குற்றவியல் நீதிமன்றத்தில் குடியரசு தினவிழா நடந்தது. நீதிபதி பிரபாவதி கொடியேற்றி வைத்தார். ஊத்துக்கோட்டை பேரூராட்சி அலுவலகத்தில் தலைவர் பத்மாவதி ராசமாணிக்கம் கொடியேற்றி வைத்தார். அம்பத்தூர் மண்டலத்தில் குடியரசு தினவிழா நடந்தது. மண்டல அதிகாரி சண்முகம் தலைமை தாங்கினார். மண்டல குழு தலைவர் ஜோசப் சாமுவேல் தேசிய கொடியை ஏற்றி வைத்து பள்ளி குழந்தைகளுக்கு இனிப்பு வழங்கினார். ஆவடி நகராட்சியில் குடியரசு தினவிழாவில் நகராட்சி கமிஷனர் மனோகரன் (பொறுப்பு) தலைமை தாங்கினார். துணை தலைவர் மா. சேகர் முன்னிலை வகித்தார். நகராட்சி தலைவர் சா.மு. நாசர் கொடியேற்றி வைத்து சிறப்புரையாற்றினார்...

குடியரசு தினத்திற்கு சிறப்பு விருதுகள் வழங்கிய ஜெயலலிதா!

சென்னை: குடியரசு தின விழாவை முன்னிட்டு வீர தீரச் செயல்கள் புரிந்தவர்களுக்கு பல்வேறு சிறப்பு விருதுகளை வழங்கினார் தமிழக முதல்வர் ஜெயலலிதா. இதில், எழிலக தீயணைப்பு விபத்தில் போராடிய தீயணைப்பு படைவீரர் அன்பழகன் உட்பட அந்த விபத்தில் போராடிய 5 பேருக்கு 5 பேருக்கு அண்ணா பதக்கமும், மேலும், சென்னை கூடுதல் காவல்துறை ஆணையாளர் ஜெயக்குமார், கிருஷ்ணகிரி மாவட்ட கூடுதல் காவல்துறை கண்காணிப்பாளர் செந்தில்குமார், தருமபுரி சிறப்பு காவல் உதவி ஆய்வாளர் சம்பத்குமார் மற்றும் தருமபுரி தலைமை காவலர் சின்னமாதவன் ஆகிய நான்கு பேருக்கும் காந்தியடிகள் காவலர் பதக்கமும், முனைவர் ஜெ. ராஜா முகமதுக்கு 'கோட்டை அமீர் மத நல்லிணக்க விருது' வழங்கி முதல்வர் கௌரவித்தார்

பருத்தித்துறையில் பாழடைந்த வீட்டில் மாணவியின் சடலம்!

2012-01-26T13:48:00.011+05:30

Thursday, January 26, 2012
இலங்கை::பருத்தித்துறை சக்கோட்டை பகுதியை சேர்ந்த சிறுமியொருத்தி கடத்தி செல்லப்பட்டு படுகொலை செய்யப்பட்ட சம்பவம் அச்சமான சூழலொன்றை அப்பகுதியில் ஏந்படுத்தியுள்ளது. நேற்று மாலை வேளை பருத்தித்துறை சக்கோட்டை பகுதியினில் வசித்து வருபவரான இருதயநாதர் மேரி டிலக்ஸனா (வயது-17) என்பவரே இனந்தெரியாத நபர்களால் கடத்தி செல்லப்பட்டு படுகொலை செய்யப்பட்டுள்ளார்.அல்வாய் வடக்கு றோமன் கத்தோலிக்க வித்தியாலய மாணவியான இவரது சடலம் வீட்டிற்கு அண்மையில் ஆட்களற்ற வீடொன்றிலிருந்து கைப்பற்றப்பட்டுள்ளது.

கடத்தப்பட்ட மாணவி பாலியல் வல்லறவுக்குள்ளாக்கப்பட்டதாக கூறப்படுகின்றது. எனினும் அத்தகவல் உறுதிப்படுத்தப்பட்டிருக்கவில்லை. இன்று சம்பவ இடத்திற்கு நேரில் விஜயம் செய்துள்ள பொலிஸ் தடயவியல் நிபுணர்கள் மற்றும் சட்டவைத்திய அதிகாரி ஆகியோரே பாலியல் வல்லறவுக்குள்ளாக்கப்பட்டு படுகொலை செய்யப்பட்டாரா இல்லையா என்பது பற்றி உறுதிப்படுத்துவார்களென பொலிஸார் தெரிவித்தனர்.

எனினும் தனிப்பட்ட காதல் சம்பவமொன்றின் தொடர்ச்சியாகவே இப்படுகொலை இடம்பெற்றிருக்கலாமென சந்தேகங்கள் எழுந்துள்ளன. சம்பவம் தொடர்பில் இளைஞர்கள் சிலர் மீது குற்றஞ்சுமத்தி ஊர் மக்களிடையே சந்தேகம் எழுப்பப்பட்டுள்ளது.

இலஞ்சம் பெற்ற பிரதேச செயலக அதிகாரிக்கு விளக்கமறியல்!

2012-01-26T13:21:00.007+05:30

Thursday, January 26, 2012
இலங்கை::ஹொரவப்பொத்தானை பிரதேச செயலகத்தின் அதிகாரியொருவர், 23 ஆயிரம் ரூபா இலஞ்சம் பெற்ற குற்றச்சாட்டில் எதிர்வரும் ஆறாம் திகதி வரை விளக்கமறியலில் வைக்கப்பட்டுள்ளார்.

குறித்த நபர் அநுராதபுரம் பிரதம நீதவான் ருவாந்திகா மாரப்பன முன்னிலையில் ஆஜர்செய்யப்பட்டபோது நீதவான் இந்த உத்தரவை பிறப்பித்துள்ளார்.

ஒப்பந்தக்காரர் ஒருரிடம் குறித்த சந்தேகநபகர் இலஞ்சம் பெற்றிருப்பதாக இலஞ்ச ஊழல் ஒழிப்பு ஆணைக்குழு தெரிவித்துள்ளது.

மதவாச்சி-நெரியகுளம் சியம்பலாஸ்வெவ பிரதேசத்தில் புதையல் தோண்டிய இருவர் கைது!

மதவாச்சி - நெரியகுளம் சியம்பலாஸ்வெவ பிரதேசத்தில் புதையல் தோண்டும் நடவடிக்கையில் ஈடுபட்டுக் கொண்டிருந்த இருவர் சந்தேகத்தின் பேரில் கைது செய்யப்பட்டுள்ளனர்.

இவர்கள் இன்று அதிகாலை 03.10 அளவில் கைது செய்யப்பட்டதாக மதவாச்சி பொலிஸார் தெரிவித்தனர்.

கைது செய்யப்பட்டவர்களிடம் இருந்து உபகரணங்கள் சில கைப்பற்றப்பட்டதாகவும் மேலதிக விசாரணைகள் இடம்பெற்று வருவதாகவும் மதவாச்சி பொலிஸார் குறிப்பிட்டனர்.

களுத்துறையில் வேன் தீப்பற்றியது; நால்வர் பலி!

2012-01-26T13:21:00.003+05:30

Thursday, January 26, 2012
இலங்கை::களுத்துறை தெற்கு அலமோதர பாலத்தை அண்மித்த பகுதியில் இன்று அதிகாலை 12.45 அளவில் வேனொன்று தீப்பற்றியதில் நான்கு பேர் பலியானதுடன் ஏழு பேர் காயமடைந்துள்ளனர்.

ஆறு மற்றும் பதினொரு வயதுடைய இரண்டு சிறுவர்களும் இரண்டு பெண்களுமே சம்பவத்தில் உயிரிழந்துள்ளனர்காயமடைந்த ஏழு பேரில் இரண்டு சிறுவர்களும் ஒரு பெண்ணும் அடங்குவதாக பொலிஸ் ஊடகப் பேச்சாளர் அஜித் ரோஹன தெரிவித்துள்ளார்.

சம்பவத்தில் காயமடைந்தவர்கள் நாகொடை வைத்தியசாலையில் அனுமதிக்கப்பட்டுள்ளனர். மரண சடங்கொன்றிற்குச் சென்று திரும்பிக்கொண்டிருக்கும் சந்தர்ப்பத்திலேயே இந்த அனர்த்தம் நிகழ்ந்துள்ளது.

பெற்றோல் கசிவு காரணமாக இந்த விபத்து இடம்பெற்றிருக்கலாம் என பொலிஸ் ஊடகப் பேச்சாளர் சந்தேகம் வெளியிட்டுள்ளார்.

இன்று கண்டியில் அமைந்துள்ள இந்திய உதவித் தூதரகத்தில் 63 ஆவது தேசிய குடியரசு தினம் கொண்டாடப்பட்டது!

2012-01-26T13:04:00.008+05:30

Thursday, January 26, 2012
இலங்கை::இன்று கண்டியில் அமைந்துள்ள இந்திய உதவித் தூதரகத்தில் 63 ஆவது தேசிய குடியரசு தினம் கொண்டாடப்பட்டது:-

இந்தியாவின் 63 ஆவது தேசிய குடியரசு தினம் இன்று வியாழக்கிழமை கண்டியில் அமைந்துள்ள இந்திய உதவித் தூதரகத்தில் கொண்டாடப்பட்டது. இதன் ஆரம்ப நிகழ்வாக இந்தியாவின் தேசிய கொடி ஏற்றப்பட்டு தேசிய கீதத்துடன் நிகழ்வு ஆரம்பிக்கப்பட்டது. அதனைத் தொடர்ந்து இந்திய ஜனாதிபதியின் வாழ்த்துச் செய்தி வாசிக்கப்பட்டது.

இந்நிகழ்வின்போது உரையாற்றிய கண்டி தூதரகத்துக்கான உதவித்தூதுவர் ஏ.நட்ராஜ் தெரிவித்ததாவது, ஹட்டன் டிக்கோயா நகரில் இந்தியாவின் பூரண உதவியுடன் அமைக்கப்பட்டுவரும் 150 படுக்கைகளைக் கொண்ட வைத்தியசாலையின் பணிகள் துரித கதியில் இடம்பெற்று வருகின்றன.

இவ்விரு இறுதிக்குள் அதனைத் திறப்பதற்கு நாம் எதிர்பார்த்துள்ளோம். இதன் காரணமாக மலையகப் பகுதி மக்கள் பாரிய நன்மைகளைப் பெற்றுக்கொள்ள முடியும்.

இந்திய அரசு ஆயிரக்கணக்கான புலமைப் பரிசில்களை இலங்கை மாணவர்களுக்கு வழங்கி கல்வித்துறைக்கு பங்களிப்பைச் செய்ததாக கூறினார்.

மெகசீன் சிறைச்சாலையில் இடம்பெற்ற தீ வைப்பில் புலிகள் உட்பட்ட 800 கைதிகளின் விபரங்கள் அழிவு!

2012-01-26T13:04:00.006+05:30

Thursday, January 26, 2012
இலங்கை::கொழும்பு மெகசீன் சிறைச்சாலையில் நேற்று முன்தினம் ஏற்பட்ட சம்பவத்தின் போது, கைதிகளினால் தீ வைக்கப்பட்டதில், அங்கு தடுத்து வைக்கப்பட்டிருந்த ஆயிரத்து 800கைதிகளின் விபரங்கள் அடங்கிய ஆவணங்கள் அழிந்துள்ளதாக அதிகாரிகள் தெரிவித்துள்ளனர். அவற்றில், அங்கு தடுத்து வைக்கப்பட்டிருந்த 181 புலி சந்தேக நபர்களின் விபரங்கள் அடங்கிய ஆவணங்களும் இருந்துள்ளன.

தீ காரணமாக மெகசீன் சிறைச்சாலையின் பதிவு பிரிவு, நூலகம், நலன்புரி பிரிவு, மருந்தகம் என்பன உள்ளிட்ட பிரிவுகள் அழிந்துள்ளதாகவும் அதிகாரிகள் குறிப்பிட்டுள்ளனர். தீயினால், சிறைச்சாலை திணைக்களத்தின் 75 லட்சம் ரூபா இழப்பு ஏற்பட்டுள்ளது. கைதிகளின் விபரங்கள் தீயில் அழிந்துள்ளதால், பல பிரச்சினைகள் ஏற்பட்டுள்ளதாக சிறைச்சாலை ஆணையாளர் கொடிப்பிலி கூறியுள்ளார்.

நாடு முழுவதும் குடியரசு தின விழா கோலாகல கொண்டாட்டம்:டெல்லியில் ஜனாதிபதி- அமர்ஜவான் ஜோ‌தியில் பிரதமர் அஞ்சலி!

2012-01-26T10:15:00.009+05:30

Thursday, January 26, 2012
புதுடில்லி::நாட்டில் குடியரசு தினம் என்றால் எவ்வித அசம்பாவிதமும் இல்லாமல் நடக்க வேண்டும் என பல முனை பாதுகாப்பு ஏற்பாடுகள் இருக்கும் ஆனால் இந்த முறை எந்தவொரு பயங்கரவாத அமைப்புகளிடம் இருந்தும் எவ்வித மிரட்டலும் இல்லை என்ற ஒரு திருப்தியுடன் பெரும் அளவில் பாதுகாப்பு படையினருக்கு சிரமம் இல்லாமல் போனது என்ற நிம்மதி கிடைத்திருக்கிறது. முதல் நிகழ்ச்சியாக பிரதமர் மன்மோகன்சிங் டில்லியில் உள்ள அமர்ஜவான் ஜோதியில் அஞ்சலி செலுத்தினார். குதிரைபடை சூழ ஜனாதிபதி பிரதீபாட்டில் ராஜ்பத்துக்கு அழைத்து வரப்பட்டார். இவருடன் சிறப்பு விருந்தினரான தாய்லாந்து பிரதமர் யுங்லுக் ஷனாவத்ரா வந்தார். சரியாக 10 மணிக்கு துப்பாக்கி குண்டுகள் முழங்கிட ஜனாதிபதி தேசிய கொடியேற்றி வைத்தார்.

மிரட்டல் இல்லாமல் நடக்கும் குடியரசு தினம்: நாட்டின் 63 வது குடியரசு தினத்தை முன்னிட்டு டில்லியில் ஜனாதிபதி பிரதீபாபாட்டிலும், அந்தந்த மாநிலத்தில் கவர்னரும் கொடியேற்றி வைக்கின்றனர்.இதற்கான அணிவகுப்பு ஒத்திகை தொடர்ந்து நடந்தது. இந்த முறை குறிப்பிடத்தக்க எவ்வித அச்சுறுத்தலும் இல்லை. இதனால் டில்லி உள்பட எந்தவொரு மாநிலத்திற்கும் சிறப்பு அலர்ட் எதுவும் அறிவிக்கப்படவில்லை. அந்தந்த மாநிலம் வழக்கமான அதிகபட்சம் பாதுகாப்பு பணியில் ஈடுபட்டு கொள்ளுமாறு கேட்டு கொள்ளப்பட்டுள்னர். நக்சல் பாதித்த வட கிழக்கு மாநிலம் மற்றும் காஷ்மீரில் கூடுதல் கவனம் எடுத்து கொள்வது நல்லது என்றும் உள்துறையினர் அறிவுறுத்தியுள்ளனர். இதற்கு முன்னர் பல ஆண்டுகள் தொடர்ந்து குறிப்பிட்டு சொல்லும் அளவிற்கு பயங்கரவாத அமைப்புகளிடம் இருந்து மிரட்டல் விடுக்கப்பட்டிருக்கும் . இதன் அடிப்படையில் படு பயங்கர பாதுகாப்பு ஏற்பாடுகள் இருக்கும். இந்த முறை அது போன்ற பெரும் சிரமம் இல்லை என்பது மகிழ்வுக்குரிதே.

இருப்பினும் முன்னெச்சரிக்கை நடவடிக்கையாக குடியரசு தின அணிவகுப்பு செல்லும் பாதையில் ரகசிய கண்காணிப்பு காமிரா, துணை ராணுவ படையினர், தேசிய பாதுகாப்பு படையினர் ஆங்காங்கே பாதுகாப்பு பணியில் ஈடுபட்டுள்ளனர்.

அமர்ஜவான் ஜோதியில் பிரதமர் அஞ்சலி: குடியரசு தின விழாவின் முதல் துவக்க நிகழ்ச்சியாக பிரதமர் மன்மோகன்சிங் மலர்வளையம் வைத்து சல்யூட் அடித்து மரியாதை செலுத்தினார். முன்னதாக அவரை பாதுகாப்பு துறை அமைச்சர் ஏ.கே., அந்தோணி வரவேற்றார். இந்நேரத்தில் பாதுகாப்பு படையினர் துப்பாக்கியால் வானத்தை நோக்கி சுட்டனர். பின்னர் ராஜ்பத்தில் நடந்த விழாவில் ஜனாதிபதியை வரவேற்றார். சரியாக 10 மணிக்கு ஜனாதிபதி பிரதீபா பாட்டீல் தேசிய கொடியை ஏற்றி வைத்து மரியாதை செலுத்தினார். தொடர்ந்து அவர் வீர தீர செயல்கள் புரிந்தவர்களுக்கு பாராட்டும், பதக்கமும் வழங்கி கவுரவித்தார், தொடர்ந்து வீரர்களின் அஅணிவகுப்பு மற்றும் கலை நிகழ்ச்சிகள் நடந்தன. வானத்தில் வட்டமிட்டபடி ராணுவ ஹெலிகாப்டர்கள் மலர் தூவின.

தமிழகத்தி்ல் குடியரசு கொண்டாட்டம்: தமிழகத்தில் சென்னை மெரீனா கடற்கரையில் நடந்த விழாவில் கவர்னர் ரோசய்யா தேசிய கொடியேற்றி வைத்தார். முதல்வர் ஜெ., மற்றும் அமைச்சர்கள் பங்கேற்றனர். விழாவில் வீர தீர செயல்கள் புரிந்த தீயணைப்பு அலுவலகர்கள், காவல்துறையினருக்கு பதக்கம் மற்றும் விருதுகளை வழங்கினார். காந்தியடிகள் காவலர் விருது 4 போலீஸ் அதிகாரிகளுக்கு வழங்கப்பட்டது. சமீபத்திய எழிலக தீ விபத்தில் சிக்கி உயிரிழந்த மற்றும் காயமுற்ற தீயணைப்பு அலுவலர் மற்றும் அவரது குடும்பத்தினரிடம் அண்ணா விருது வழங்கி கவுரவிக்கப்பட்டது. தொடர்ந்து மாணவ, மாணவிகளின் கலைநிகழ்ச்சிகள் நடந்தது. சென்னை ஐகோர்ட்டில் நடந்த விழாவில் தலைமை நீதிபதி இக்பால் கொடியேற்றி வைத்தார். விழாவில் நீதீபதிகள், வக்‌கீல்கள், மற்றும் கோர்ட் அலுவலர்கள் பலர் பங்கேற்றனர்.

15 ஆயிரம் பேர் பாடிய ஜன, கன மன: இந்திய திருநாட்டின் தேசியகீதமான ஜனகனமன என்ற பாடலை 15 ஆயிரம் பேர் ஒருசேர பாடி கின்னஸ் சாதனை புரிந்தனர். அவுரங்காபாத் விளையாட்டு மைதானத்தில் நடந்த இந்த நிகழ்ச்சியில் 15 ஆயிரம் பேர் கூடி நின்று பாடினர்...

சென்னை::குடியரசு தின விழா சென்னையில் இன்று கோலாகலமாக கொண்டாடப்பட்டது. நாடு முழுவதும் 63வது குடியரசு தின விழா கோலாகலமாக கொண்டாடப்பட்டு வருகிறது. சென்னை மெரினா கடற்கரை காந்தி சிலை அருகே தமிழக அரசு சார்பில் குடியரசு தின விழா இன்று கோலாகலமாக நடந்தது. கவர்னர் ரோசய்யா காலை 8 மணிக்கு தேசியக் கொடியை ஏற்றி வைத்து அணிவகுப்பை பார்வையிட்டார். விழாவில் முதல்வர் ஜெயலலிதா, அமைச்சர்கள் மற்றும் அதிகாரிகள் பங்கேற்றனர்.

முப்படைகள் மற்றும் காவல்துறையினரின் பல்வேறு பிரிவுகள் சார்பில் அணிவகுப்பு நடந்தது. தொடர்ந்து பள்ளி, கல்லூரி மாணவ, மாணவிகளின் கலை நிகழ்ச்சிகளும், அரசு துறைகளின் சார்பில் அலங்கார ஊர்திகள் அணிவகுப்பும் நடந்தது. விழாவை சீர்குலைக்க தீவிரவாதிகள் சதிச் செயலில் ஈடுபடலாம் என மத்திய உளவுத்துறை எச்சரிக்கை விடுத்திருப்பதால் சென்னை உள்பட தமிழகம் முழுவதும் வரலாறு காணாத பாதுகாப்பு ஏற்பாடுகள் செய்யப்பட்டுள்ளன. மாநில எல்லைகள் சீல் வைக்கப்பட்டு, வாகன சோதனை தீவிரப்படுத்தப்பட்டுள்ளது. திருச்சி, மதுரை, சேலம், கோவை உள்ளிட்ட முக்கிய நகரங்களிலும் பாதுகாப்பு ஏற்பாடுகள் தீவிரப்படுத்தப்பட்டுள்ளது...

புதுடில்லி::டெல்லியில் மிக பலத்த பாதுகாப்புக்கு மத்தியில் 63வது குடியரசு தின விழா கொண்டாடப்பட்டது. ராஜ்பாத்தில் நடந்த நிகழ்ச்சியில் குடியரசுத் தலைவர் பிரதீபா பாட்டீல் தேசியக் கொடியை ஏற்றி வைத்து கண்கணவர் கண்கவர் அணிவகுப்பைப் பார்வையிட்டார்.

முன்னதாக இன்று காலை அமர்ஜவான் ஜோதி நினைவிடத்தில் பிரதமர் மன்மோகன் சிங் மலர் வளையம் வைத்து மறைந்த படையினருக்கு அஞ்சலி செலுத்தினார். பின்னர் அவர் விழா நடந்த ராஜ்பாத்திற்கு வந்து சேர்ந்தார். அதைத் தொடர்ந்து குடியரசுத் தலைவர் பிரதீபா பாட்டீல் வந்து சேர்ந்தார். அவருடன் குடியரசு தின விழாவின் சிறப்பு விருந்தினரான இந்தோனேசியாவின் முதல் பெண் பிரதமரான இன்லுக் ஷினாவாத்ராவும் உடன் வந்தார்.

இதையடுத்து தேசியக் கொடியை ஏற்றி வைத்தார் குடியரசுத் தலைவர் பிரதீபா பாட்டீல். அதன் பின்னர் விருதுகள் வழங்கும் நிகழ்ச்சி தொடங்கியது. அசோக் சக்ரா உள்ளிட்ட விருதுகள் வழங்கப்பட்டன. அசோக் சக்ரா விருது, வீர மரணம் எய்திய லெப்டினென்ட் நவ்தீப் சிங்குக்கு வழங்கப்பட்டது. கடந்த ஆண்டு ஆகஸ்ட் 20ம் தேதி காஷ்மீர் எல்லையில் தீவிரவாதிகளுடன் நடந்த மோதலின்போது தனது உயிரை நீத்தவர் நவ்தீப் சிங். மரணத்திற்கு முன்பு நான்கு தீவிரவாதிகளை வேட்டையாடியவர் நவ்தீப் சிங்.

விருதுகள் வழங்கும் நிகழ்ச்சிக்குப் பின்னர் அணிவகுப்பு தொடங்கியது. ராணுவம், கடற்படை மற்றும் வி்மானப்படை ஆகிய முப்படைகளின் அணிவகுப்பு முதலில் நடைபெற்றது. இந்தியாவின் படை பலத்தை பறை சாற்றும் ஆயுத அணிவகுப்பும் இடம் பெற்றது.

புலிகளின் கொள்கைகளை முன்னெடுக்க முடியாது-சிரேஸ்ட அமைச்சர் ரத்ணசிறி விக்ரமநாயக!

2012-01-26T10:14:00.003+05:30

Thursday, January 26, 2012
இலங்கை::புலிகளின் கொள்கைகளை முன்னெடுத்துச் செல்ல, தமிழ் தேசிய கூட்டமைப்பிற்கு, எந்தவித அதிகாரங்களும் இல்லை.

இவ்வாறு நிர்வாக மற்றும் உட்கட்டமைப்பு தொடர்பான சிரேஸ்ட அமைச்சர் ரத்ணசிறி விக்ரமநாயக குறிப்பிட்டுள்ளார்.

ஹொரணயில் நேற்று இடம்பெற்ற நிகழ்வொன்றில் கலந்து கொண்டு உரையாற்றும் போதே அமைச்சர் இவ்வாறு குறிப்பிட்டார்.

இதனிடையே 13 வது அரசியல் அமைப்பு சீர்திருத்தம் தொடர்பிலும், அமைச்சர் ரட்ணசிறி விக்ரமநாயக கருத்துரைத்தார்

வடக்கு கிழக்கு மக்கள் அதிகாரங்கள் கோரவில்லை:-சிறந்த பொருளாதார வளர்ச்சி உலகில் 4 வது இடத்தில் இலங்கை-பசில் ராஜபக்ஷ!

2012-01-26T01:11:00.004+05:30

Thursday, January 26, 2012
இலங்கை::வடக்கு கிழக்கு மக்கள், காணியும் பாதுகாப்பையும் கோருகின்றனரே தவிர, காணி மற்றும் காவற்துறை அதிகாரங்களை கோரவில்லை என பொருளாதார அபிவிருத்தி அமைச்சர் பெசில் ராஜபக்ஷ தெரிவித்துள்ளார்.

கொழும்பில் நேற்று இடம்பெற்ற செய்தியாளர் சந்திப்பின் போது அவர் இதனைத் தெரிவித்துள்ளார்.

சிறந்த பொருளாதார வளர்ச்சி உலகில் 4 வது இடத்தில் இலங்கை: அடுத்த வருடத்தில் இரண்டாமிடத்தை பிடிப்பதே இலக்கு:-

சர்வதேச நாணயநிதியத்தின் அறிக்கைபடி உலகில் நாலாவது சிறந்த பொருளாதார வளர்ச்சி மிக்க நாடாக இலங்கை விளங்குவ தாக பொருளாதார அபிவிருத்தி அமைச்சர் பசில் ராஜபக்ஷ நேற்றுத் தெரிவித்தார்.

தற்போது உலகில் சிறந்த பொரு ளாதார வளர்ச்சி மிக்க நாடாக சீனா விளங்குவதாகக் குறிப்பிட்ட அமைச் சர் அடுத்த வருடம் இரண்டாம் இடத்தை இலங்கை அடைய முடியும் என்றும் அமைச்சர் நம்பிக்கை தெரிவித்தார்.

இலங்கையும், சீனாவும் தவிர்ந்த எல்லா நாடுகளதும் பொருளாதார வளர்ச்சி குறைவடைந்திரு ப்பதாக அந்த அறிக்கையில் தெரிவிக்கப்பட்டுள்ளது எனவும் அமைச்சர் கூறினார்.

பொருளாதார அபிவிருத்தி அமைச்சின் வேலைத்திட்டங்கள் தொடர்பாக ஊடகங்களுக்குத் தெளிவுபடுத்துவதற்கான செய்தியாளர் மாநாடு அமைச்சின் கேட்போர் கூடத்தில் நேற்று நடைபெற்றது. இச்செய்தியாளர் மாநாட்டின் போதே அமைச்சர் மேற்கண்டவாறு குறிப்பிட்டார்.

இச்செய்தியாளர் மாநாட்டில் அமைச்சர் பசில் ராஜபக்ஷ தொடர்ந்தும் உரையாற்றுகையில், இலங்கையின் பொருளாதார வளர்ச்சியைத் தொடர்ந்தும் ஒரே நிலையிலேயே பேணுவதற்கு நடவடிக்கை எடுத்து வருகின்றோம். இதற்கு நல்ல பெறுபேறுகள் கிடைத்துள்ளன.

2010ம் ஆண்டு நத்தார் மற்றும் புத்தாண்டு காலப்பகுதியை விடவும் 2011ம் ஆண்டில் அத்தியாவசியப் பொருட்களின் விலைகள் பெரிதும் குறைவடைந்து காணப்பட்டன. எந்தப் பொருளுக்கும் தட்டுப்பாடு ஏற்படவில்லை. இதன் பயனாக இக்காலப் பகுதியில் சராசரியாக நான்கு பேர் வாழக் கூடிய ஒவ்வொரு குடும்பமும் இருநூறு, முன்னூறு ரூபாவை மீதப்படுத்தக் கூடியதாக இருந்தது.

2009ம் ஆண்டில் வெளிநாட்டிலிருந்து நாம் கோழி இறைச்சியை இறக்குமதி செய்தோம். இப்போது கோழி இறைச்சியை வெளிநாட்டுக்கு ஏற்றுமதி செய்யக் கூடியளவுக்கு வளர்ச்சி பெற்றிருக்கின்றோம்.

2010ம் ஆண்டில் நாம் வெளிநாட்டிலிருந்து அரிசி இறக்குமதி செய்தோம் இன்று வெளி நாட்டுக்கு அரிசியை ஏற்றுமதி செய்யக்கூடியளவுக்கு வளர்ச்சி பெற்றுள்ளோம். இதனடிப்படையில் ஜனாதிபதி மஹிந்த ராஜபக்ஷ அவர்கள் சோமாலியா நாட்டுக்கு 750 மெற்றிக் தொன் அரிசியை அன்பளிப்பாக வழங்க நடவடிக்கை எடுத்துள்ளார். சோமாலியாவுக்கென கொழும்பு துறைமுகத்தில் தற்போது அரிசி ஏற்றப்படுகின்றது.

உல்லாசப் பயணிகளின் வருகை முன்னொரு போதுமே இல்லாத அளவுக்கு அதிகாரித்துள்ளது. வேலையின்மை, பணவீக்கம் என்பன குறைவடைந்துள்ளன. தலா வருமானம் அதிகரித்துள்ளது. டொக்டர்கள், தாதியர் உட்பட முழு சுகாதார சேவையும் மேம்பட்டுள்ளது. வீதிகள், மின் மற்றும் குடிநீர் வசதி உட்பட சகல உட்கட்டமைப்பு வசதிகளுமே வளர்ச்சி அடைந்துள்ளன.

இவ்வாறான நிலையில் சர்வதேச நாணய நிதியத்தின் வருடாந்த அறிக்கை நேற்று முன்தினம் வெளியிடப்பட்டது. அந்த அறிக்கையில் எல்லா நாடுகளதும் பொருளாதார வளர்ச்சி குறைவடைந்துள்ளது. ஆனால் இலங்கை உலகில் நாலாவது சிறந்த பொருளாதார வளர்ச்சி மிக்க நாடாக இப்போதுள்ளது. அடுத்த வருடம் இரண்டாமிடத்தை அடைய முடியுமென எதிர்பார்க்கின்றோம். ஆனால் சீனா முதலிடத்தில் உள்ளது என்றார்.

இச்செய்தியாளர் மாநாட்டில் நிதியமைச்சு மற்றும் திறைசேரி செயலாளர் கலாநிதி பி.பி. ஜயசுந்தர, தகவல், ஊடக அமைச்சின் செயலாளர் டப்ளியூ. பி. கணேகல அரசாங்க தகவல் திணைக்களத்தின் பணிப்பாளர் நாயகம் பேராசிரியர் நாயகம் பேராசிரியர் ஆரியசேன அத்துகல மற்றும் அமைச்சின் உயரதிகாரிகள் பலரும் கலந்து கொண்டார்கள்.

குளச்சல் அருகே கடலில் தத்தளித்த 4 இலங்கை மீனவர்கள் மீட்பு!

2012-01-26T00:53:00.003+05:30

Thursday, January 26, 2012
நாகர்கோவில்::குளச்சல் அருகே கடலில் தத்தளித்த, நான்கு இலங்கை மீனவர்களை, உள்ளூர் மீனவர்கள் மீட்டு வந்தனர். குளச்சலை அடுத்த வாணியக்குடியைச் சேர்ந்தவர், ரஞ்சித்குமார். இவர், சக மீனவர்களுடன், மீன் பிடிக்க சென்றிருந்தார். நடுக்கடலில், ஒரு படகு உடைந்து, நான்கு பேர் தத்தளிப்பதை பார்த்த ரஞ்சித்குமார், அந்த பகுதிக்கு சென்று, நான்கு பேரையும் மீட்டு, தன் படகில் ஏற்றினார். அவர்களிடம் கேட்ட போது, இலங்கை கிழக்கு மாகாணத்தை சேர்ந்தவர்கள் என்றும், அவர்கள் பெயர், அபுபக்கர் அப்துல் ரஹீம், முகமது பகதூர் ரகீம், பஷீர், முகம்மது இஸ்மாயில் என்பதும் தெரியவந்தது. இதுபற்றி ரஞ்சித்குமார், போலீசாருக்கு கொடுத்த தகவலின்படி, கடலோர காவல்படை போலீசார், நான்கு பேரிடமும் விசாரணை நடத்தி வருகின்றனர்.

'இந்து' ராம் மீது ரமேஷ் ரங்கராஜன் மீது 400 ஏக்கர் நில மோசடி புகார்! மாஜி அதிமுக எம்.பி. பரபரப்பு புகார்!

2012-01-25T20:13:00.007+05:30

Wednesday,January,25,2012
சென்னை::இந்து என்.ராம் - ரமேஷ் ரங்கராஜன் மீது நில அபகரிப்பு புகார் - அஇஅதிமுக முன்னாள் எம்பி போலீசில் மனு ரூ.300 கோடி சொத்தை ரூ.30 கோடிக்கு பெற முயற்சி ஆவணங்கள் திருடியதாகவும் ராம் மீது குற்றச்சாட்டு

சென்னை: பிரபல ஆங்கில இதழ் இந்து நிர்வாகி ராம் மற்றும் ரமேஷ் ரங்கராஜன் மீது 400 ஏக்கர் நில மோசடி புகார் பதிவு செய்யப்பட்டுள்ளது . புகார் விவரம் வருமாறு, சென்னை கிழக்கு கடற்கரை சாலையில் உள்ள 300 கோடி ரூபாய் மதிப்புள்ள 400 ஏக்கர் நிலத்தை அபகரிக்க முயல்வதாக, இந்து நாளிதழ் நிர்வாகி என்.ராம் மற்றும் ரமேஷ் உள்ளிட்டோர் மீது, அதிமுக முன்னாள் எம்பி கே.சி.பழனிச்சாமி, புகார் தெரிவித்துள்ளார்.

தமிழ்நாடு காவல்துறை தலைவர் கே.ராமானுஜம் மற்றும் சென்னை மாநகர காவல் ஆணையர் ஜே.கே.திரிபாதியிடம், இது தொடர்பாக கே.சி.பழனிச்சாமி, தனித்தனியாக புகார் மனுக்களை வழங்கியுள்ளார். அதில், தி இந்து நாளிதழை நடத்தும் கஸ்தூரி அண் சன்ஸ் நிறுவனத்திற்கு உட்பட்ட, ஸ்போர்ட்டிங் பாஸ்ட் டைம் என்ற நிறுவனத்தையும் அதற்கு சொந்தமான நிலங்களையும், 2004ம் ஆண்டு, 30 கோடி ரூபாய்க்கு வாங்கியதாக, கே.சி.பழனிச்சாமி கூறியுள்ளார்.
மாமல்லபுரம் அருகே உள்ள 400 ஏக்கர் பரப்புள்ள அந்த நிலங்களின் மதிப்பு சில நாட்களில், ரூ.300 கோடி ரூபாயாக உயர்ந்து விட்டதாக தெரிவித்துள்ள கே.சி.பழனிச்சாமி, இதை அறிந்து கொண்டு, இந்து நிர்வாகிகள், என்.ராம், ரமேஷ், ரங்கராஜன் உள்ளிட்டோர் ரூ.300 சொத்தை, ரூ.30 கோடிக்கு திரும்ப தருமாறு, வற்புறுத்தி வருவதாக தெரிவித்துள்ளார்.

300 கோடி ரூபாய் சொத்தை, தர மறுப்பதால், ராம், ரமேஷ் உள்ளிட்டோர், காவல்துறையில் தம் மீது பொய்யான புகார் கொடுத்து, கைது செய்ய வைத்ததாகவும், குண்டர்களை வைத்து கொலை மிரட்டல் விடுத்ததாகவும், கே.சி.பழனிச்சாமி, கூறியுள்ளார். மேலும் சொத்து தொடர்பான ஆவணங்களை ஆள் வைத்து, திருடிச் சென்று விட்டதாகவும், ராம், ரமேஷ் மீது பழனிச்சாமி புகார் தெரிவித்துள்ளார். இந்த சொத்துக்கள் தொடர்பாக வழக்கு விசாரணை நடந்து வருவதாகவும், நிலத்தின் உரிமை தம்முடைய பெயரில் இருப்பதாகவும் அவர் கூறியுள்ளார். எனவே, இந்து நிர்வாகிகள் என்.ராம், ரமேஷ், ரங்கராஜன் உள்ளிட்ட 8 பேர் மீது நடவடிக்கை எடுக்க வேண்டும் என்று, காவல்துறையில் அளித்துள்ள புகார் மனுவில் கூறியுள்ளார். இந்த புகார் மீது மத்தியக் குற்றப்பிரிவு போலீசார் விசாரணை நடத்தும்படி ஆணையர் திரிபாதி உத்தரவிட்டுள்ளார்.

பாதிக்கப்பட்ட வடக்கு கிழக்கு மக்களுக்காக நோர்வே தொடர்ந்து உதவி வழங்கும்: சரீரம் நிறுவன விழாவில் நோர்வே தூதுவர்!

2012-01-25T19:58:00.016+05:30

Wednesday,January,25,2012
இலங்கை::யுத்தத்தினால் பாதிக்கப்பட்ட வடக்கு கிழக்கு மாகாணங்களிலுள்ள மக்களின் சமூக பொருளதார அபிவிருத்தி நடவடிக்கைகளை மேம்படுத்த நோர்வோ நாடு தொடர்ந்து இலங்கைக்கு உதவிகளை வழங்கும் என இலங்கையிலுள்ள நோர்வே நாட்டுத்தூதுவர் ஹில்ட் ஹரல்ஸ்ட்டட் தெரிவித்தார்.

மட்டக்களப்பு தாழங்குடா சரீரம் சிறிலங்கா நிறுவனத்தின் 22வது ஆண்டு நிறைவு விழா நேற்று செவ்வாய்க்கிழமை நடைபெற்ற போது அதில் கலந்து கொண்டு உரையாற்றும் போதே நோர்வே தூதுவர் மேற்கண்டவாறு கூறினார்.

இதுவரை காலமும் இலங்கை அரசாங்கத்தடனும் மற்றும் சர்வதேச அரச சார்பற்ற நிறுவனங்கள் உள் நாட்டு அரச சார்பற்ற நிறுவனங்களினுடாகவும் பல் வேறு அபிவிருத்தி வேலைத்திட்டங்களையும் வாழ்வாதார மேம்பாட்டு வேலைகளையும் நோர்வே மேற்கொண்டு வந்தது.

இதே போன்று தொடர்ந்து இப்பகுதிகளில் மக்களின் சமூக பொருளதார அபிவிருத்தி வேலைகளை மேற்கொள்ள நோர்வே தயாராக இருக்கின்றது.

இதில் வறுமை ஒழிப்பு திறனாய்வு மக்களின் திறன், சமூக அபிவிருத்தி போன்ற வேலைத்திட்டங்கள் முக்கியமானவையாகும்.

நோர்வே 1994ம் ஆண்டு தொடக்கம் இந்த சரீரம் நிறுவனத்துடன் இணைந்து வேலை செய்து வருகின்றது. இங்கு ஏற்பட்ட யுத்தம் மற்றும் சுனாமி அனர்த்தம் என்பவற்றின் போது பாதிக்கப்பட்ட மக்களுக்கு இந்த சரீரம் நிறுவனத்தினூடாக உதவிகளை வழங்கியதுடன் வாழ்வாதார உதவிகளையும் இந்த நிறுவனத்தினூடாக மேற்கொண்டோம்.

எதிர்காலத்தில் மட்டக்களப்பு மாவட்டத்தில் கிராம அபிவிருத்தி வேலைத்திட்டங்களை முன்னெடுக்க வுள்ளோம்.

கடந்த வெள்ள அனர்த்தத்தின் போது மட்டக்களப்பு மாவட்டத்தில் பாதிக்கப்பட்ட மக்களுக்கு உதவிகளை வழங்கிவைத்தோம்.

இந்த உதவிகள் சரீரம் நிறுவனத்தின் ஊடாக மேற்கொண்டோம். நோர்வே வேறு விதமான வேலைத்தட்டங்களையே மெற்கொள்ளும்.

அந்த வகையில் சமூக பொருளாதார வேலைத்திட்டத்தினை மேற்கொள்வது முக்கியமாகும்.

ஆயிரக்கணக்கான குடும்பங்களை சரீரம் நிறுவனம் இணைத்து அவர்களின் சுய தொழிலை மேம்படுத்தி அவர்களுக்காக உதவிவருகின்றது.

பல பெண்களை இத்திட்டத்தில் சரீரம் நிறுவனம் இணைத்திருப்பது மகிழ்ச்சியை தருகின்றது.

80வீதம் பெண்கள் சரீரம் நிறுவனத்தில் இணைந்து பயணாளிகளாக உள்ளனர் என்பதையறிந்து நான் மிகவும் மகிழ்சியடைகின்றேன்.

நோர்வே அரசு இலங்கை அரசுடன் ஒன்றிணைந்து பல தரப்பு வேலைகளை மேற்கொண்டு வந்துள்ளது.

வறிய மக்களின் வாழ்வாதாரத்தை மேம்படுத்தி அவர்களின் சுபீட்சத்தை கட்டியெழுப்ப தொடர்ந்து வேலைகளை மேற்கொள்வோம்.

இந்த சரீரம் நிறுவனத்தின் 22வது ஆண்டு விழாவில் எனது நோர்வே நாட்டு அரசாங்கத்தின் சார்பிலும் அந்த நாட்டு மக்கள் சார்பிலும் கலந்து கொள்வதால் இந்த நிறுவனத்திற்கு எனது வாழ்த்தக்களை தெரிவித்துக்கொள்கின்றேன் என அவர் இதன் போது மேலும் தெரிவித்தார்.

இதன் போது நோர்வே தூதுவரை சரீரம் நிறுவனத்தின் தலைவர் ஏ.லோகேஸ்பரன் பொன்னாடை போர்த்தி கௌரவித்ததுடன் அவருக்கு நினைவுச்சின்னமும் வழங்கி வைத்தார்.

சரீரம் நிறுவனத்தின் தலைவர் ஆறுமுகம் லோகேஸ்பரன் தலைமையில் நடைபெற்ற இந்த வைபவத்தில் தமிழ் தேசியக் கூட்டமைப்பின் மட்டக்களப்பு மாவட்ட பாராளுமன்ற உறுப்பினர் பொன் செல்வராசா கிழக்கு மாகாண சபை உறுப்பினர் இரா துரை ரட்ணம் உட்பட பலரும் உரையாற்றியதுடன் காத்தான்குடி நகரசபையின் முன்னாள் தலைவர் மர்சூக் அகமட் லெவ்வையும் கலந்து கொண்டார்.

இதன் போது சரீரம் நிறுவனத்தின் உத்தியோகத்தர்களும் கௌரவிக்கப்பட்டதுடன் அதிதிகளும் கௌரவிக்கப்பட்டனர்.

இலங்கையிலிருந்து வெளியேற்றப்பட்ட இஸ்லாமிய அமைப்புகளை சேர்ந்த 161 வெளிநாட்டவர்கள் அல்-குவைதா அமைப்பினால் வழி நடத்தப்படுவர்கள்-திவயின!

2012-01-25T19:58:00.008+05:30

Wednesday,January,25,2012
இலங்கை::இலங்கையிலிருந்து வெளியேற்றப்பட்ட அடிப்படைவாத இஸ்லாமிய அமைப்புகளை சேர்ந்த 161 வெளிநாட்டவர்கள் அல்-குவைதா அமைப்பினால் வழி நடத்தப்படுவர்கள் என சர்வதேச காவற்துறை மற்றும் அமெரிக்க ராஜாங்க திணைக்களம் என்பன தகவல்கள் வெளியிட்டுள்ளதாகவும் இந்த இஸ்லாமிய அமைப்பினரின் வெளிநாட்டு பயணங்களுக்கான நிதியுதவிகளை அல்-குவைதா அமைப்பு வழங்கி, அவர்களுக்கான விசா அனுமதியை பெற்று கொடுத்துள்ளதாக தெரியவந்துள்ளது என சிங்களப் பத்திரிகையான திவயின கூறியுள்ளது.

அத்துடன் 2006 ஆம் ஆண்டு மும்பாயில் 166 பேர் உயிரிழக்க காரணமாக தாக்குதலுடன் இந்த ஜமாத் இயக்கத்தினருக்கும் தொடர்புள்ளதாக விசாரணைகளில் தெரியவந்துள்ளது. இலங்கையில் இருந்து வெளியேற்றப்பட்ட இஸ்லாமிய அமைப்பினர் கிழக்கில் பிரசாரங்களை செய்து வந்துள்ளனர்.

இதனிடையே இஸ்லாமிய அடிப்படைவாதிகளை இலங்கை யார் வரவழைத்தது என்பது குறித்து, புலனாய்வு பிரிவினர் விசாரணைகளை ஆரம்பித்துள்ளதாகவும் திவயின கூறியுள்ளது.